4 Пеледыш

4 Пеледыш — григориан кечышот почеш идалыкын 155-ше (кужемдыме ийлаште 156) кечыже. Идалык пытыме марте 210 кече кодеш.

Пайрем-влак

• Титакдыме йоча-влакым торжалык деч аралыме кече. Тиде кече 1982-шо ийыште Бейрут олам бомбардироватлыме туткарым шарныме лӱмеш палемдалтеш.
• Эстонийыште — кугыжаныш тистын кечыже.
• Молдовышто — банк пашаеҥын кечыже.

Лӱмгече

Пеледыш тылзын нылымше кечынже Василиск, Владимир, Данила, Иван, Макар, Михаил, Павел, София – влакын лӱм кечышт.

Мо лийын

Тыгак ончо: Категорий:4 Пеледыш Мо лийын

• 1897 — «Аврора» крейсерым чоҥаш тӱҥалыныт!
• 1922 — шке жапыштыже кумдан чапланыше «Крокодил» журналын икымше номерже лектын.
• 1962 — «Фитиль» лӱман сатирик киножурналын икымше выпускшо лектын.

Кӧ шочын

Тыгак ончо: Категорий:4 Пеледыш Кӧ шочын

• 1924 — Геннадий Тимофеевич Калинин, чодыра озанлык специалист, Россий Федерацийын сулло чодыразыже . Киров областьысе Яраҥ район Бакуничи ялыште шочын. Кугу Ачаэл Сар корным эртен, чодыра озанлык техникумшто шинчымашым поген. 1961-ше ий гыч Медведево районысо ушемыште чодыразылан пашам ышташ тӱналын, а 1966-1970-ше ийлаште Килемар чодыра озанлыкын вуйлатышыжлан тыршен.
• 1946 — Геннадий Михайлович Шитухин, кумдан палыме спортсмен да тренер, Марий Элысе капкультурын сулло пашаеҥже да сулло тренерже. Уло тӱнялан чапланыше Шитухинмыт спорт династий гыч. Тале спортсмен ик гана веле огыл Марий республикын чемпионжо лӱмым налын. 1976-шо ий гыч Марий кугыжаныш университетыште пашам ышта. 12 спорт мастерым ямдылен.
• 1962 — Юрий Ильич Соловьёв–Косатан, журналист да литератор, Марий Эл тувыран сулло пашаенже палемда. Шернур кундем Купсолан чолга рвезыже кӱшыл шинчымашым Марий кугыжаныш университетыште налын. 1985 ий гыч тудо журналистлан пашам ышташ тӱналын. 2 ий «Кугарня» газетын тӱҥ редакторжо лийын. «Пиалан кайык еш» да моло книга-влакын авторжо. Кызыт «Марий журнал» предприятийым вуйлата.

Кӧ колен

Тыгак ончо: Категорий:4 Пеледыш Кӧ колен

Калык пале

	4 Пеледыш Викиклатыште?