Eslovaquia
Devisa nacionala: (cap) | |
Capitala Populacion (an) |
Bratislava 425 429 (31-12-2005) |
Superfícia | 48 845 km² |
Populacion | 5 413 548[1] |
Independéncia
|
Division de Checoslovaquia |
Zona orària | UTC +1 |
Imne nacional | Nad Tatrou sa blýska |
President | Andrej Kiska |
Còdi telefonic | 421 |
Eslovaquia (en eslovac Slovensko) es un país del centre d'Euròpa, qu'a pas cap de frontièra maritima. Confronta Polonha al nòrd, Ucraïna a l'èst, Ongria al sud, e Àustria e la Republica Chèca a l'oèst. Sa capitala es Bratislava.
Lo gentilici es eslovac -a.
Somari
Istòria[modificar | modificar la font]
Los eslaus arribèron dins lo territòri qu'es actualament Eslovaquia al sègle VI. Sa mitat occidentala venguèt puèi una part del còr de l'empèri de Moràvia Granda. A partir del sègle XI, l'espandi eslovac seguiguèt l'istòria del reiaume d'Ongria.
A la fin de la Primièra Guèrra Mondiala, lo Tractat de Saint-Germain-en-Laye creèt Checoslovaquia, qu'amassava Boèmia, Moràvia, Eslovaquia e la Rutènia Subcarpatica. Aquela union politica artificiala èra probablament deguda a la necessitat de refortir la majoritat eslava fàcia a la gròssa minoritat alemanda.
En 1939, jos la pression alemanda, apareguèt un Estat independent eslovac, dirigit per Jozef Tiso, qu'èra en realitat un satellit de l'expansionisme nazi. Una part foguèt pasmens annexada per Ongria.
Après la Liberacion, Checoslovaquia foguèt restaurada (sens la Rutènia Subcarpatica qu'èra estada annexada per l'Union Sovietica).
En 1969, una novèla constitucion checoslovaca creèt un Estat federal, amb una Republica Socialista d'Eslovaquia, amb una autonomia sonque formala.
Après la revolucion de velós de 1989, l'autonomia d'Eslovaquia dins la Republica Federativa Chèca e Eslovaca creis. Pasmens a las mièjas de 1992 la victòria, en Eslovaquia, dels independentistas mena a una negociacion que permet la scission pacifica, lo 1èr de genièr de 1993, de la Republica Chèca e d'Eslovaquia.
Lo 1èr de mai de 2004, Eslovaquia dintrèt dins l'Union Europèa. Lo 1èr de genièr de 2009, abandonèt la corona eslovaca per dintrar dins la zòna èuro.
Politica[modificar | modificar la font]
Geografia[modificar | modificar la font]
Divisions administrativas[modificar | modificar la font]
En 1993, Eslovaquia eireta de las divisions administrativas de Checoslovaquia : se las quatre regions (Bratislava, Eslovaquia Occidentala, Eslovaquia Centrala, Eslovaquia Orientala) son pas pus utilizadas dempuèi la fin de 1990, sèrva los 79 districtes e las comunas.
Dempuèi 2001 Eslovaquia es devesida en uèch regions (kraje) qu'agropan los districtes e qu'an un estatut d'autonomia. Se fa la diferéncia entre la region (kraj, subdivision administrativa, amb una administracion nomenada per l'Estat central) e la region autonòma (samosprávny kraj, collectivitat territoriala amb un executiu elegit). Lo mot popular per region es župa, que correspond a l'occitan província. Es admés coma sinonim per « region autonòma ». Las comunas an tanben ganhat una autonomia locala.
Las regions pòrtan lo nom de son capluòc :
Economia[modificar | modificar la font]
De veire: Economia d'Eslovaquia.
Cultura[modificar | modificar la font]
Bibliografia[modificar | modificar la font]
Vejatz tanben[modificar | modificar la font]
Ligams extèrnes[modificar | modificar la font]
Nòtas & referéncias[modificar | modificar la font]
- ↑ al 31 de març de 2009. Font: Estadistica eslovaca