Slóvakía

Lýðveldið Slóvakía
Slovenská republika
Fáni	Skjaldarmerki
Kjörorð: „ekkert“
Þjóðsöngur: 'Nad Tatrou sa blýska'
Höfuðborg	Bratislava
Opinbert tungumál	slóvakíska
Stjórnarfar Forseti Forsætisráðherra	Lýðveldi Andrej Kiska Robert Fico
Evrópusambandsaðild	2004
Flatarmál  - Samtals  - Vatn (%)	129. sæti 49.034 km² ~0
Mannfjöldi  - Samtals (2013)  - Þéttleiki byggðar	115. sæti 5.415.949 110/km²
VLF (KMJ) - Samtals - á mann	áætl. 2012 132,384 millj. dala (62. sæti) 24.284 dalir (43. sæti)
VÞL (2012)	0.840 (35. sæti)
Gjaldmiðill	evra (EUR)
Tímabelti	UTC+1
Þjóðarlén	.sk
Landsnúmer	421

Slóvakía (slóvakíska Slovensko, Slovenská republika) er landlukt land í Mið-Evrópu. Það á landamæri að Austurríki og Tékklandi í vestri, Póllandi í norðri, Úkraínu í austri og Ungverjalandi í suðri. Helstu borgir eru Bratislava, sem er höfuðborg landsins, Košice, Prešov, Žilina, Nitra og Banská Bystrica. Slóvakía gekk í Evrópusambandið og Atlantshafsbandalagið árið 2004 og gerðist aðili að Schengen árið 2007.

Slavar settust að þar sem nú er Slóvakía á Þjóðflutningatímabilinu á 5. og 6. öld og voru miðstöð ríkis Samós á 7. öld. Á 9. öld var furstadæmið Nitra stofnað í kringum borgina Nitra sem síðar varð hluti af Stór-Moravíu ásamt Moravíu. Eftir 10. öld varð Slóvakía smám saman hluti af Ungverjalandi sem aftur varð hluti af Austurríki-Ungverjalandi. Þegar Austurríki-Ungverjaland leystist upp í kjölfar Fyrri heimsstyrjaldar varð Slóvakía hluti af Tékkóslóvakíu ásamt Tékklandi. Slóvakía lýsti yfir stofnun sjálfstæðs ríkis árið 1939 að undirlagi Þýskalands en eftir Síðari heimsstyrjöld var Tékkóslóvakía sameinuð á ný. Í kjölfar Flauelsbyltingarinnar lýsti Slóvakía aftur yfir sjálfstæði árið 1992.

Efnahagur Slóvakíu óx hratt á árunum frá 2002 til 2007 þegar hagvöxtur náði 10,5%. Landið var kallað Tatratígurinn (eftir Tatrafjöllum á landamærum Slóvaíku og Póllands). Aukinn hagvöxtur stafaði einkum af breytingu úr áætlunarbúskap í markaðsbúskap undir stjórn hægristjórna, einkavæðingu og aukinni erlendri fjárfestingu. Helstu útflutningsvörur Slóvakíu eru hátæknivörur, bílar og bílahlutar.

Stjórnsýsluskipting

Slóvakía skiptist í átta héruð (krajov - eintala: kraj) sem heita eftir höfuðstöðum sínum. Héruðin skiptast síðan í 79 umdæmi (okresy) sem aftur skiptast í mörg sveitarfélög (obec).

Bratislava Trnava Nitra Trenčín Žilina Banská Bystrica Prešov Košice

Heiti (á íslensku) Heiti (á slóvakísku) Höfuðstaður Íbúafjöldi (2011) Bratislava-hérað Bratislavský kraj Bratislava 602.436 Trnava-hérað Trnavský kraj Trnava 554.741 Nitra-hérað Nitriansky kraj Nitra 689.867 Trenčín-hérað Trenčiansky kraj Trenčín 594.328 Banská Bystrica-hérað Banskobystrický kraj Banská Bystrica 660.563 Žilina-hérað Žilinský kraj Žilina 688.851 Košice-hérað Košický kraj Košice 791.723 Prešov-hérað Prešovský kraj Prešov 814.527

  Þessi landafræðigrein er stubbur. Þú getur hjálpað til með því að bæta við greinina.