Irland

Dä Artikel behandlet d Republik Irland, d Insle isch unter Irland (Insel) z finde, für d Provinz Nordirland muess dort go luege.

Éire (irisch) Ireland (engl.) Irland
Flagge Wappen
Hauptschtadt	Dublin (ir. Baile Átha Cliath)
Schtaatsform	Republik
Staatsoberhaupt, gliichzitig Regierigschef	Präsident Michael D. Higgins
Flächi	70.280 km²
Bevölkerigsdichti	60 Iiwohner pro km²
Nationalhymne	Amhrán na bhFiann
Internet-TLD	.ie
Vorwahl	+353

Ladys View in County Kerry

Irland (amtlechi dütschi Name, irisch Éire [ˈeːrʲə], engl. Ireland), oft au Republik Irland (irisch Poblacht na hÉireann, engl. Republic of Ireland) isch en Inselstaat uf de gliichnamige Insle Irland. Er grenzt im Norde a Nordirland wo zum Vereinigte Königriich vo Großbritannie und Nordirland ghört und isch im Oschte vo de Irische See und im Weschte un Süde vom Atlantik umgä. Irland isch Mitglied vo de Europäische Union. De Grossteil vo de Bevölkerig isch katholisch.

Wirtschaft

Allgemeins

Irland, früener s "Armenhus" vo de damalige EG, isch im Jahr 2005 eis vo de riichste Länder weltwiit. Jahrelang hets es starchs Wachstum gäh. S inflationsbereinigte Pro-Chopf-Iikomme z Irland isch innerhalb vo de EU uf Rang 2. Numme Luxemburg isch no voredra. So isch s Pro-Chopf-Iikomme ungfähr 31 % höher as das vo Dütschland. Irland wird weg sinere guete wirtschaftliche Entwicklig au Keltischer Tiger gnennt. Weg em gsetzlich festgleite Mindeschtlohn liid s monatliche Iikomme bi Vollziitagstellte bi mindischtens 1.183 Euro. Nach ere Senkig liid de Stüürsatz für Unternähme bi numme 12,5 %. S git aber es grosses wirtschaftlichs Gfäll zwüsche de grosse Zentre (Dublin, Limerick, Cork) uf de einte Siite un de ländliche Gebiet uf de andere Siite.

Basisdate

Stand 2005:

• Bruttoinlandsprodukt (BIP): 148,556 Milliarde Euro
• BIP pro Chopf: 35.634 Euro
• Vermöge pro Chopf: 148.130 Euro, s höchschte in Europa.
• Mehrwertsstüüre: 21 % uf Güeter, 12 % uf Dienschtleistige (Uf Büecher un Chinderbekleidig wird kei Mehrwertstüüer erhobe)