Ocián Indico
L'Ocián Indico ye uno d'os cinco ociáns, estando-ne o tercer volumen d'augua más gran d'o mundo, y cubre alto u baixo lo 20% d'a superficie d'a Tierra. Muga a lo norte con o sud d'Asia; a l'ueste con a peninsula arabica y Africa; a l'este con a peninsula malaya, as islas Sonda, y Australia; y a lo sud con l'Antarctida.
Ye desalpartato de l'ocián Atlantico por o meridián 20 graus este, a lo sud d'Africa, y de l'ocián Pacifico por o meridián 147 graus este. O punto más a lo norte de l'ocián Indico ye alto u baixo a 30 graus norte de latitut d'o golfo Persico. L'ocián tien alto u baixo 10.000 km d'amplaria entre as puntas sud d'Africa y Australia; a suya superficie ye 73.556.000 km², incluyindo-ie a mar Roya y o golfo Persico. O volumen de l'ocián s'estima en 292.131.000 km³ d'augua. Chicotas islas puntian os cantos continentals.
As nacions que se troban de raso en l'ocián son Madagascar, a quatrena isla más gran d'o mundo; Comoras; Seychelles; Maldivas; Mauricio; y Sri Lanka. Indonesia lo rodia, y quantas atras nacions en mugan: Sudafrica, Mozambique, Tanzania, Kenia, Somalia, Chibuti, Sudán, Echipto, Israel (con Eilat en o golfo d'Aqaba), Arabia Saudí, Yemen, Emiratos Arabes Unitos, Bahrein, Qatar, Kuwait, Iraq, Irán, Pakistán, India, Myanmar y Australia. A importancia de l'ocián como una rota de transito entre Asia y Africa lo ha convertido en un foco de conflictos. En qualsiquier caso, denguna nación lo ha xalapato con exito dica prencipios d'o sieglo XIX quan o Imperio britanico controlaba a mayor parte d'a tierra perimetral de l'ocián Indico.
Vinclos externos[editar | editar código]
Se veigan as imáchens de Commons sobre l'ocián Indico.
| Os cinco ocians d'a Tierra | |
|---|---|
| Atlantico | Glacial Antarctico | Glacial Arctico | Indico | Pacifico | |
