Սլովակիա
Սլովակիայի Հանրապետություն Slovenská republika |
||||
---|---|---|---|---|
|
||||
Ազգային օրհներգ՝ Nad Tatrou sa blýska |
||||
Մայրաքաղաք Ամենամեծ քաղաք |
Բրատիսլավա | |||
Պետական լեզուներ | սլովակերեն | |||
Անկախություն | ||||
Տարածք | ||||
- | Ընդհանուր | 49,037 կմ² | ||
Բնակչություն | ||||
- | 2007 նախահաշիվը | 5,447,502 | ||
- | 2001 մարդահամարը | 5,379,455 | ||
- | Խտություն | 111 /կմ² 287 /մղոն² |
||
Ժամային գոտի | (UTC+1) | |||
- | Ամռանը (DST) | (UTC+2) | ||
Վերին մակարդակի ազգային դոմենն | .sk | |||
Հեռախոսային կոդ | +421 |
Սլովակիան պետություն է Կենտրոնական Եվրոպայում։ Առավելապես լեռնային երկիր է, որի մեծ մասը գտնվում է Արևմտյան Կարպատներում։ Հյուսիսում Բարձր Տատրաներն են (առավելագույն բարձրությունը՝ 2655 մ, Գերլախովյան Շտիտ), հարավում՝ Ցածր Տատրաները, և այլ լեռնաշղթաներ։
Բովանդակություն
Բնական պաշարներ[խմբագրել]
Ընդերքում կան երկաթի, մանգանի, ծարիրի, մագնեզիտի, բազմամետաղների հանքավայրեր։
Բնություն[խմբագրել]
Դաշտավայրերն զբաղեցնում են փոքր տարածություններ։ Լեռները հիմնականում անտառապատ են։ Կենդանիներից տարածված են արջը, գայլը, լուսանը, աղվեսը, կզաքիսը, կնգումը, եղջերուն, գետակինճը, այծյամը, սկյուռը։ Վագ, Նիտրա, Գրոն, Օնդավա գետերը հարուստ են ձկներով։
Բնակեցում[խմբագրել]
Սլովակիայի տարածքը բնակեցված է եղել հին քարի դարից։ 11-րդ դարում Սլովակիան ընդգրկվել է Հունգարական թագավորության կազմի մեջ, 13–14-րդ դարերում այն գաղութացրել են գերմանացիները։ 16-րդ դարի կեսին երկրի մեծ մասը զավթել է Օսմանյան կայսրությունը, մնացած մասն անցել է Ավստրիային, իսկ ավստրո-թուրքական պատերազմից (1683–1699 թվականներին) հետո Ավստրիային է միացվել նաև Հարավային Սլովակիան։
Առաջին համաշխարհային պատերազմ[խմբագրել]
Առաջին համաշխարհային պատերազմի (1914–1918 թվականներին) ավարտին՝ Ավստրո-Հունգարիայի փլուզումից հետո, 1918 թվականին Սլովակիան ընդգրկվեց Միասնական Չեխոսլովակյան պետության մեջ, իսկ 1919 թվականի հունիսին կարճատև ժամանակով առանձնացավ։ 1938 թվականին երկրի հարավային մասերը միացվեցին Հունգարիային, իսկ 1939 թվականի մարտի 14-ին դարձավ ինքնուրույն պետություն՝ Գերմանիայի «պահպանության» ներքո։ Սակայն երբ 1945 թվականին խորհրդային զորքերը մտան Սլովակիա, այն կրկին միացավ Չեխիային, իսկ 1969 թվականին Չեխոսլովակիան հռչակվեց չեխերի և սլովակների դաշնային պետություն՝ Չեխոսլովակիայի Սոցիալիստական Հանրապետություն։ Արևելյան Եվրոպայի երկրներում սոցիալիստական հասարակարգի փլուզումից հետո, 1992 թվականի դեկտեմբերի 31-ին ընդունված օրենքով, Չեխոսլովակիան բաժանվեց 2 ինքնուրույն պետությունների՝ Չեխիայի և Սլովակիայի։
Բնակչություն[խմբագրել]
Սլովակիայի բնակչության գրեթե 90 %-ը սլովակներ են։ Խոշոր քաղաքներն են Բրատիսլավան, Կոշիցեն, Պրեշովը, Ժիլինան։ Սլովակիան ունի զարգացած արդյունաբերություն և գյուղատնտեսություն։ Արդյունաբերական գլխավոր կենտրոններն են Բրատիսլավան և Կոշիցեն։
Հանքեր[խմբագրել]
Հանքային լեռների՝ երկաթի, մանգանի, ծարիրի, մագնեզիտի և բազմամետաղային հարուստ հանքավայրերի հիմքի վրա զարգացել են մետաղաձուլությունն ու մեքենաշինությունը։ Կան նաև նավթավերամշակման, նավթաքիմիական, քիմիական, փայտամշակման, մանածագործական, շինանյութերի և այլ ձեռնարկություններ։ Մշակում են հացահատիկային բույսեր, ձիթատուներ, շաքարի ճակնդեղ, ծխախոտ։ Զարգացած են այգեգործությունը, պտղաբուծությունը, մսակաթնատու անասնաբուծությունը։
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Սլովակիա կատեգորիայում։ |
|
|
---|---|
Միջազգայնորեն ճանաչված պետություններ | Ալբանիա • Անդորա • Ավստրիա • Բելառուս • Բելգիա • Բոսնիա և Հերցեգովինա • Բուլղարիա • Գերմանիա • Դանիա • Էստոնիա •Իռլանդիա • Իսլանդիա • Իսպանիա • Իտալիա • Լատվիա • Լեհաստան • Լիխտենշտայն • Լիտվա • Լյուքսեմբուրգ • Խորվաթիա • Հունաստան • Հունգարիա • Մալթա • Մակեդոնիա • Մեծ Բրիտանիա • Մոլդովա • Մոնակո • Մոնտենեգրո • Նիդերլանդներ • Նորվեգիա • Շվեդիա • Շվեյցարիա • Ուկրաինա • Չեխիա • Պորտուգալիա • Ռումինիա • Ռուսաստան • Սան Մարինո • Սերբիա • Սլովակիա • Սլովենիա • Վատիկան • Ֆինլանդիա • Ֆրանսիա |
Մասամբ ճանաչված և չճանաչված պետություններ |
Կոսովո4 •• Մերձդնեստր |
Կախյալ տարածքներ | Ակրոտիրի և Դեկելիա • Ալանդյան կղզիներ • Գերնսի • Ջիբրալթար • Ջերսի • Մեն կղզի • Ֆարերյան կղզիներ |
Ասիայի պետություններ, որոնք ունեն տարածքներ Եվրոպայում |
Թուրքիա1 • Ղազախստան1 |
Ասիայի պետություններ, որոնց Եվրոպայում տարածք ունենալու փաստը քննարկելի/վիճարկելի է համարվում |
Ադրբեջան2 • Վրաստան2 |
Ասիայի պետություններ, որոնք դասվում են Եվրոպային, ոչ թե աշխարհագրական, այլ քաղաքական և մշակութային սկզբունքներով |
Հայաստան • Կիպրոս •• Հյուսիսային Կիպրոս5 • Աբխազիա3 • Հարավային Օսիա3 •• Լեռնային Ղարաբաղի Հանրապետություն6 |
1 Տարածքի հիմնական մասը գտնվում է Ասիայում, 2Ամբողջությամբ կամ հիմնականում գտնվում են Ասիայում, կախված նրանից թե Եվրոպայի և Ասիայի սահմանները ինչպես են անցկացվում։3 Ճանաչված է ՄԱԿ-ի 4 պետություն-անդամների կողմից։ 4 Ճանաչված է ՄԱԿ-ի 72 պետություն-անդամների կողմից։ 5 Ճանաչել է Թուրքիան։ 6 Չճանաչված պետություն |
|
|
---|---|