Grécia

Avissu Esti endilgui ebi sel revissau por un corretol.

Repúbrica Elénica

Luengua oficial	griegu
Capital	Atenas
Presidenti	Prokopis Pavlopoulos
Primel Menistru	Alexis Tsipras
Cumprimentu  - Total  - % augua	Posición 96ª 131.990 km² Despreciabili
Puestu 75º 11.244.204 81 ab/km²
PIB  - Total (2005)  - PIB/capita	Posición 28ª 213.698 millonis e US$ 27.610 US$
Monea	euro
Inu	Ύμνος εις την Ελευθερίαν
Domeñu Internet	.gr
Cóigu telefónicu	+30
Miembru e: ONU, OTAN, OCDE, OSCE, UU

Grécia, oficialmenti Repúbrica Elénica, (en gregu: Ελληνική Δημοκρατία) es un país del sulesti d'Uropa que holma parti la Unión Uropea (UU).

Assitiau nel costau sul la Península Balcánica, hazi arrayu pol tierra con Bulgária, la Repúbrica de Macedónia i Albánia al norti, al esti con Turquia i al oesti i sul con el Jónicu i el Mediterráneu.

Geografia

Grécia vista dendi satéliti

Grécia está assitiá nel suresti d'Uropa, nel sul de la península balcánica. Entri los 35°00′N a 42°00′N de latitú i los 19°00′E a 28°30′E de longol, por tantu el pais tieni una varieá climática emportanti.

El país consisti nuna parti continental, con una península llamá Peloponesu, unia con el restu d'Uropa por el itsmu de Corintu; i alreol de 9.000 islas, eslotis u alforamientus rocosus, encluyendu nesa cuenta islas comu Creta, Rodas, Corfú i las Cicladas. Grécia tien 15.000 km de litoral, huendu el segunderu pais d'Uropa al atrás de Noruega i décimo del mundu al atrás d'Estaus Unius en longol costera.

El 80% de Grécia es montañosa, siendu altoncis unu de los paisis mas montañosus d'Uropa. El oesti de Grécia contieni lagus i pantanus. Los montis Pindo s'assitian nel centru del pais, con una elevación meya de 2.600 m. Continúan por el meyu de las islas Citera, Anticitera p'alcontral la rastrahilera enas islas de Creta i Rodas. El centru i el esti de Grécia tien picus escarpaus, cotaus por albondu cañonis i formacionis cársticas, encluyendu nellas el Cañón de Meteora i el Cañón de Gorge, qu'es el segunderu mas grandi del mundu endespues del Gran Cañón del Colorau i que tien una hondura de mas de 1.100 m. El monti Olimpu es el puntu mas tarangallu de Grécia con 2.919 m por cima del mari. Está considerau tamién comu el cuartu mas altu d'Uropa. Nel norti de Grécia están las montañas Rodope, assitiás ena Macedónia Oriental i Trácia; toa esa área está cubierta por grandis bosquis. El país tien tamien chanus nel esti de Tesália, en Macedónia central i en Trácia.

Atijus

• En Wikimedia Commons ai conteníu multimedia a tentu de Grécia.