Roman numeral 10000 CC DD.svg
Mille Paginae.png

Calcutta

E Vicipaedia
Salire ad: navigationem, quaerere
কলকাতা (Kalkātā)
Kolkata Imgs.jpg
Nomina Latina alia

Calcutta

Res politicae
Magister civium Bikash Bhattacharya
Res geographicae
Area
 - tota


187.33 km²

Numerus incolarum 2006
 - Area
 - Tractus metropolitanus

24 760
4 638 350
Coordinata 22° 34′ ″ Sept., 88° 22′ ″ Ort.
Altitudo 6 m
Situs interretialis: www.kolkatamycity.com/
Pictura Castelli William, circa 1828, ubi casus Cavi Atri factus est.
Portus Calcuttensis anno 1945, gravis portus militaris per secundum bellum mundanum.
Despectus in alteram mediam commercii regionem Calcuttensem, ad meridiem Viae Park.
Conspectus in Calcuttam ex Maidan.
Despectus in Calcuttam ex satellite.
Nubes hippali super Nalban, partem Terrarum Humidarum Calcuttae Orientalis.
Venditores flores in foro viario venumdant.
Sector V, in regione Lacus Salsi—sede urbana societatum IT? et ITES?.
Templum Dakshineswar Kali, templum Hindu.

Calcutta[1][2] (Bengalice: কলকাতা Kalakātā), est caput civitatis Indicae Bengaliae Occidentalis. Urbs, in orientali fluminis Hugalī ripa sita,[3] est principalis commercii, culturae,[4] et educationis in India Orientali sedes, cum Portus Calcuttensis est antiquus Indiae portus et solus maior portus fluviatilis. Anno 2011, urbi fuerunt 4.5 milliones incolarum; toti agglomerationi urbanae, quae urbem et sua suburbia complectitur, fuerunt circa 14.1 milliones. Urbs ergo est tertia a maxima regio metropolitana in India et una ex maximis regionibus urbanis in orbe terrarum. Urbs etiam ut octava a maxima agglomeratio urbana in orbe terrarum sita describitur.[5] Anno 2008, sua oeconomia, per grossum domesticum productum computata, tertia fuit inter urbes Asiae Meridianae, post Mumbai et Dellium.[6] Urbs Calcutta metropolitana in civitate evolvente crescens, maiorem pollutionem urbanam, congestionem commeandi, paupertatem, nimium habitantes, et alias quaestiones logisticas et socio-oeconomicas obit.

Saeculo septimo decimo exeunte, tres vici qui Calcuttam antecesserunt a praefectu Bengaliae sub imperio Mogolum[7] regebantur. Postquam nawab potestatem mercaturarum faciendarum Societati Indiae Orientalis anno 1690 dederat,[8] regio a societate in castra mercatorum magis et magis praemunita evoluta est. Nawab Siraj ud-Daulah Calcuttam anno 1756 occupavit, sed societas eam anno sequente recepit et adeo ante annum 1772 sibi maiestatem plenam adsumpserat. Sub Societate Indiae Orientalis et deinde in Dicione Britannica (Anglice British Raj), Calcutta erat caput Indiae usque ad 1911, cum eius percepta incommoda geographica, atque nationalismus in Bengalia crescens, effecerunt ut caput ad Novum Dellium transferretur. Urbs erat sedes motus libertatis Indicae et manet civilitatis civitatis hodiernae semen. Libertate Indica anno 1947 capta, Calcutta—quae olim fuerat sedes hodiernarum educationis, scientiae, culturae, et civilitatis Indicarum—nonnulla decennia stagnationis? oeconomicae passa est. Post autem decennium 201 ineuns, renovatio oeconomica auctum accelerantem excitavit.

Nomen[recensere | fontem recensere]

Nomen Bengalicum hodiernum কলকাতা Kalakātā, pronuntiatu [ˈkolkat̪a], ex appellatione derivatur unius e tribus vicis olim ad ripas fluminis Hugalī iacentibus, videlicet কলিকাতা Kalikātā. Pronuntiatus Bengalicus saeculorum septimi decimi et duodevicesimi in scripturam Anglicam eius temporis satis curiose convertitur litteris Calcutta [kʌlˈkʌtə]; quae orthographia usque ad annum 2001 in India in scriptis Anglicis omnibus adhibebatur, atque etiam hodie a scriptoribus nonnullis, sed eo anno nomen Anglicum in Kolkata decreto mutatum est. Substantivum Latinum "Calcutta" et adiectivum "Calcuttensis" (quae verba tam a botanistis quam a clericis adhibentur) e nomine olim sollemni Anglico proveniunt.

Origo nominis prisci Kalikātā incertus est. Quidam e nomine reconstructo Sanscritico Kalikṣetra "terra deae Kali" derivant quia antiquum huius deae templum prope situm vici Kalikātā iacet.

Origo et historia[recensere | fontem recensere]

Eo pago, ubi mox Calcutta floruerit, saeculo XVII vici tres ad ripam orientalem fluminis Hugalī, Gangae effluentis, stabant, scilicet Sutānuṭi, Kalikātā et Govindapura. Horum antiquissimus fuit ut videtur Kalikātā, cuius nomen iam anno 1495/1496 in cantilena quadam de vita deae Manasae reperitur.[9] Nomen rursus legimus anno circiter 1590 in libro cuius titulus est Āīn-e-Akbarī de situ et gubernio Imperii Magni Mogolis.[10] Ibi Kalikātā inter pagos enumeratur urbi Saptagrāmae tributarios. Quae urbs ad flumini Sarasvatī adstans fuit olim metropolis Bengaliae meridianae (provinciae eius Imperii) et a Portugallensibus ab anno 1533 frequentata: mox autem, flumine exsiccata, a mercatoribus et habitantibus relicta est. Huius metropolis fama hodie oblita ab ipsa Calcutta usurpata est.

Ergo Portugallenses saeculo XVI exeunte emporia ad flumen Hugalī quaerebant ad commercium cum Imperio conducendum, urbemque Hugalī (35 km a Calcutta septentrioni versus distantem) anno 1579 condiderunt, quod emporium deinde ab imperatore raptum est et Batavis anno 1656 traditum. Interdum Francici emporium propinquum Candananagaram constituerunt anno 1673. Ad Kalikātām venit die 24 Augusti 1690 Iob Charnock, negotiator Societatis Britannicae Indiae Orientalis. Terrae trium vicorum, olim familia Sāvarna Rāyacaudhurī subiectae, consociis Britannicis iussu praefectús Bengaliae anno 1698 traditae sunt. Ibi anno 1712 castellum confecerunt cui nomen Fort William, scilicet "Castellum Gulielminum", ad honorem regis Britannici Gulielmi III, attributum est.

Praeclari cives[recensere | fontem recensere]

Calcuttae olim vixerunt aut nati sunt et hodie vivunt multi celebres viri et feminae:

Nati[recensere | fontem recensere]

Mortui[recensere | fontem recensere]

Notae[recensere | fontem recensere]

  1. Vide: Des Pater Joseph Tieffenthalers Historisch-geographische Beschreibung von Hindustan 1788; Caroli Egger Lexicon Nominum Locorum (1977, 1982: ISBN 88-209-1254-6), p. 68, s.v. Calcutta.
  2. Cf. "Editiones Calcuttenses": Christianus Lassen, Institutiones linguae Pracriticae (Bonnae, 1837) textus p. vi
  3. The Monthly Repository and Library of Entertaining Knowledge. 1833. p. 338 
  4. Calcutta Travel Advice.
  5. "World Urbanization Prospects: The 2005 revision" (PDF) .
  6. "Global city GDP rankings 2008–2025". Pricewaterhouse Coopers. November 2009. pp. 31–32 
  7. Fons nominis: Joannes de Laët, De Imperio Magni Mogolis, sive India Vera (Lugduni Batavorum: Officina Elzeviriana, 1631).
  8. K. Dutta et A. Desai, Calcutta: A Cultural History. (Interlink, Aprile 2008, ISBN 978-1-56656-721-3), 9–10.
  9. Bipradāsa Pipilāi, Manasāvijaya
  10. Abū al-Faẓl ibn Mubārak, Āīn-e-Akbarī


Verba quae insequuntur vicificanda sunt ut rationibus qualitatis et Latinitatis propositis obtemperent. Quaesumus emenda.

Bibliographia[recensere | fontem recensere]

Antiquiora
  • A. P. Benthall, The Trees of Calcutta and Its Neighbourhood. Calcuttae: Thacker, Spink, 1946 Textus apud archive.org
  • Binaya Krishna Deb, The Early History and Growth of Calcutta. Calcuttae: Romesh Chandra Ghose, 1905 Textus apud archive.org
  • Kathleen Blechynden, Calcutta, Past and Present. Calcuttae: Thacker, Spink, 1905 Textus apud archive.org
  • Henry Elmsley Busteed, Echoes from Old Calcutta: Being Chiefly Reminiscences of the Days of Warren Hastings, Francis and Impey. Calcuttae: Thacker, Spink, 1882 Textus apud archive.org
  • Wilmot Corfield, Calcutta faces and places in pre-camera days. Calcuttae: Thacker, Spink, 1910 Textus apud archive.org
  • Frank Finn, The birds of Calcutta. Calcuttae: Thacker, Spink, 1904 Textus apud archive.org
  • Montague Massey, Recollections of Calcutta for over Half a Century. 1918 Textus apud gutenberg.org apud archive.org
  • W. S. Seton-Karr, Selections from Calcutta gazettes, showing the political and social condition of the English in India. 4 voll. Calcuttae: Military Orphan Press, 1864-1868 1 2 3 4
Historica
  • Calcutta 1905-1971. Au cœur des créations et des révoltes du siècle, Éditions Autrement, no 46, janvier 1997, Paris
  • Dutta, Krishna (2003). Calcutta: a cultural and literary history. Signal, 2003 
  • Horst Nusser, Siva Banerji, Usha Roti: Kalkutta, Stadtgeschichte, Kolonialgründung. Nusser Verlag, München 1990, ISBN 3-88091-272-6.
  • Puri, Ina. 2003. Raj Bhavan of Kolkata: Two Hundred Years of Grandeur. ISBN 0-670-04995-6.
  • P. Thankappan, Calcutta in the 17th Century, Firma KLM Private Limited
Generalia et sociologica
  • Ravi Ahuja: Mumbai – Delhi – Kolkata. Annäherungen an die Megastädte Indiens. Draupadi Verlag, Heidelberg 2006, ISBN 3-937603-07-7.
  • Hartmut Beck: Problemräume der Welt, Band 15, Calcutta. Aulis Verlag Deubner, Köln 2002, ISBN 3-7614-1489-7.
  • Chaudhuri, S. (1995). Calcutta: The Living City. Vol I and Vol II. Oxford University Press, USA. ISBN 0195636988 
  • Bill Goodnow: Ballungsgebiete von Metropolen in Entwicklungsländern im Vergleich: Istanbul – Kalkutta – Djakarta. Dietrich Reimer Verlag, Berlin 1992, ISBN 3-88091-581-4.
  • Martin Kämpchen: Calcutta. Eine funktionierende Anarchie. Wallstein, Göttingen 1994, ISBN 3-89244-081-6.
  • Dominique Lapierre, La cité de la joie. Lutetiae: Laffont, 1985. Nova ed.: Lutetiae: Pocket, 1987. ISBN 978-2266107532
  • Dominique Lapierre, Les héros de la cité de la joie. Lutetiae: Laffont, 1999. ISBN 978-2221051917
  • William D. Martin: Calcuttas wechselndes Gesicht/The Changing Face in Calcutta. Eine indische Stadt aus gesellschaftlicher Perspektive. Tom Laufersweiler Verlag, Wettenberg 2000, ISBN 3-89687-913-8.
  • Peter Mosimann: Rikscha Kalkutta. U. Bär Verlag, Zürich 1988, ISBN 3-905137-17-8.
  • Kurt Rosenthaler: Kalkutta – Poesie im Chaos. Leben in einer unmöglichen Stadt. Verlag Ismero, Möhlin 2004, ISBN 3-033-00077-0.
  • Roy, A. (2002). City Requiem, Calcutta: Gender and The Politics of Poverty. University of Minnesota Press. ISBN 0816639329 
  • Thomas, Frederic C. (1997). Calcutta Poor: Elegies on a City Above Pretense. M. E. Sharpe. ISBN 1563249812 
Topographica et de architectura
Aliae encyclopaediae
Commentaria
Fictiones
Dubia et verificanda

Nexus externi[recensere | fontem recensere]

Commons-logo.svg Vicimedia Communia plura habent quae ad Calcuttam spectant.
Vicivia Vide Calcutta apud Viciviam.