Fredrik Bajer
Na Galipedia, a Wikipedia en galego.
Fredrik Bajer | |
---|---|
Nacemento: | 21 de abril de 1837 Nästved, Dinamarca |
Falecemento: | 22 de xaneiro de 1922 (84 anos) Copenhaguen, Dinamarca |
Ocupación: | Escritor, pacifista e político |
Fredrik Bajer, nado en Nästved o 21 de abril de 1837 e finado en Copenhaguen o 22 de xaneiro de 1922, foi un escritor, pacifista e político dinamarqués. En 1908 foille concedido o Premio Nobel da Paz.
Traxectoria[editar | editar a fonte]
Fillo dun pastor luterano, serviu como oficial no exército dinamarqués, loitou na guerra contra Prusia e Austria de 1864 e alcanzou o grao de tenente primeiro, desmobilizado en 1865, estableceuse en Copenhaguen como profesor, tradutor e escritor.
En 1872 entrou no Folketing, apoiou moitas organizacións pacifistas en Dinamarca e en Europa. En 1882 foi un dos fundadores da Asociación Danesa para a Paz e da Oficina Internacional para a Paz, en Berna (1891).