Transnistria

Република Молдовеняскэ Нистрянэ
Приднестровская Молдавская Республика
Придністровська Молдавська Республіка

(Bandera) (Escudu)
Mapa de Moldavia nel conxuntu d'Europa Transnistria
Llingües	rumanu, rusu y ucraín
Situación política	República autoproclamada
Capital	Tiraspol
Presidente	Igor Smirnov
Independencia  – Declarada  – Reconocida	De Moldavia  21 de setiembre de 1990  enxamás
Superficie	3.567 km² (est. del 2001)
Población	580.000 (censu del 2004)
Moneda	Rublu de Transnistria
Zona horaria	UTC +2
Dominiu d'internet	nengún
Códigu telefónicu	+373 533

Transnistria (en rusu Приднестровье, Pridnestróvie; en rumanu Transnistria o Stânga Nistrului), nomada oficialmente República Moldava de Transnistria (en rumanu escritu con carácteres cirílicos Република Молдовеняскэ Нистрянэ, Republica Moldovenească Nistreană según la escritura llatina del rumanu, non oficial nel país; en rusu Приднестровская Молдавская Республика, Pridnestróvskaia Moldàvskaia Respúblika; n'ucraín Придністровська Молдавська Республіка, Pridnistrovska Moldavska Respúblika) ye un estáu autoproclamáu independente allugáu ente Moldavia y Ucraína. El nome provién de la situación xeográfica del país, ye dicir, más alló del ríu Nistru. Faciendo referencia'l ríu, en dellos medios recibiera tamién el nome de Transdniester.

Situación política

Transnistria ta considerada internacionalmente como parte de Moldavia, poro nengún estáu reconez-y la independencia. Transnistria formaba parte de la República Socialista Soviética de Moldavia y yera la rexón más industrializada. La capital ye Tiraspol.

Les autoritadaes ruses contribuyeren militarmente y políticamente a la creación de la República Moldava de Transnistria (RMT). Dende de la so creación, la RMT siempre tuviere protexida por Rusia.

Les autoritadaes de Transnistria oponíense dafechu a la educación en rumanu impuesta pol gobiernu moldavu. Anguaño la educación se fai mayoritariamente en rusu y en rumanu.

Población

Nel caberu censu de 1989 la población yera de 546.400 persones.

A partir del 1990, Transnistria sofrió un fuerte procesu migratoriu. Abonda población moldavo o rumano colaren de l'autoproclamada república.

Grees étniques

Censu de 1989

• Moldavos (rumanos): 40%
• Ucranianos: 28%
• Rusos: 24%
• Otres: 8%

Censu de 2004*

• Moldavos (rumanos): 34%
• Ucraínos: 29%
• Rusos: 29%

*El censu del 2004 nun foi realizáu pola RMT. Los datos provienen de diverses estimaciones. La valencia de los datos nun ta confirmada.

Rexones alministratives de Transnistria

Mapa de Transnistria coles sos rexones alministratives y reclamaciones territoriales.

• Camenca
• Dubăsari
• Grigoriopol
• Rîbniţa
• Slobozia
• Tiraspol
• Tighina

Artículos rellacionaos

• Moldavia

Enllaces esternos

• Pridnestrovie.net
• El país más desconocíu d'Europa.
• Tiraspol Times.
• transnistria.blogspot.com - The truth about Transnistria.
• This is Radio PMR - News from Transnistria.