Cidade de San Marino
Coordenadas: 43°56′4.56″N 12°26′50.28″E / 43.9346000°N 12.4473000°E
Cidade de San Marino Città di San Marino (en italiano) |
|
---|---|
Imaxes da cidade | |
Situación xeográfica | |
País | San Marino |
' | |
Xeografía | |
Altitude | 749 msnm |
Superficie | 7,09 km² |
Poboación | |
Poboación | 4.128 hab. (2013) |
Densidade | 582,23 hab/km² |
Xentilicio | Sanmarinés |
Información | |
Código postal | RSM-47890 |
Alcalde | |
Páxina web | Páxina da Cidade de San Marino |
A Cidade de San Marino, dita tamén simplemente San Marino (en italiano Città di San Marino) é a capital da República de San Marino, situada sobre o monte Titano, na Península Itálica. No ano 2006 contaba con 4.426 habitantes.
Índice
Características xerais[editar | editar a fonte]
É a terceira poboación do país, tras Borgo Maggiore e Dogana. Subdivisión de Serravalle) e tamén a cabeza do castello homónimo, cunha extensión de 7,09 km², que comprende aínda algunhas divisións como Murata.
Xeografia[editar | editar a fonte]
A Cidade de San Marino está sita a 675 m sobre o nivel do mar, sobre o monte Titano, cuxa cima se acha a 749 m. As súas coordenadas xeográficas son 43º 56' N e 12º 26' L. O territorio do seu concello (castello) confina con os castelli de Acquaviva, Borgo Maggiore, Fiorentino e Chiesanuova e máis con o concello (comune) italiano de San Leo.
Freguesías (curazie)[editar | editar a fonte]
Historia[editar | editar a fonte]
A lenda atribúe a fundación da Cidade de San Marino en 301 a San Mariño. Logo de obter estatuto municipal no ano 1295, ampliou o seu territorio até chegar aos actuais confíns no 1463, despois de combater contra os Malatesta.
A ver[editar | editar a fonte]
- O Palazzo Pubblico, de estilo neogótico, foi reconstruído sobre os alicerces do orixinario "Parva Domus Communis", polo arquitecto Francesco Azzurri, en (1894).
- A Basílica de San Marino.
- A Igrexa de San Francesco.
- A Pinacoteca-Museo, anexo á igrexa anterior, do século XIV.
- A Igrexa de San Pietro.
- O Museo do Estado.
- A Ara dei Volontari.
- O Teatro Titano, do XVIII.
- Poden visitarse tamén dúas das tres torres no monte Titano.
Patrimonio Mundial da Humanidade[editar | editar a fonte]
Desde 2008 o centro histórico foi inscrito pola UNESCO na lista do Patrimonio da Humanidade, formando parella con o Monte Titano.[1] O motivo exposto polo comité fala do "testemuño de continuidade dunha república libre desde o Medioevo".[2] En pormenor foron inscritos no patrimonio: torres, murallas, portas e bastións, unha basílica neoclásica do ottocento, algúns conventos do XIV e XVI, o Teatro Titano do século XVIII e máis o Palazzo Pubblico do século XIX.[2]
Personalidades ligadas a San Marino[editar | editar a fonte]
- Giuliano Gozi, político.
Transportes e infraestruturas[editar | editar a fonte]
A cidade conta cun funicular que a comunica con Borgo Maggiore. A estrada principal è a SS 72, de 4 carrís en case todo o seu percorrido, e que a une directamente con Rimini.
Desde 1932 a 1944 funcionou o Ferrocarril Rimini-San Marino, completamente financiada pola Italia fascista de Benito Mussolini, logo dun acordo en 1927. Foi destruída o 26 de xuño de 1944, tras os bombardeos realizados pola Desert Air Force, durante a Segonda Guerra Mundial. Foi desmontada entre 1958 e 1960.
Galería de imaxes[editar | editar a fonte]
Notas[editar | editar a fonte]
Véxase tamén[editar | editar a fonte]
Outros artigos[editar | editar a fonte]
Ligazóns externas[editar | editar a fonte]
- (en inglés) (en italiano) Castello de San Marino
- (en inglés) (en francés) (en italiano) Web da oficina turística de San Marino