UNICEF
UNICEF
 |
|
|---|---|
| Tipo | Axencia epecializada da ONU |
| Fundación | 11 de decembro de 1946 |
| Matriz | Nova York |
| Localización |  Estados Unidos |
| Persoas clave | Anthony Lake |
| Páxina web | http://www.unicef.org/spanish/ |
O Fondo das Nacións Unidas para a Infancia, máis coñecido como UNICEF foi creado pola Asemblea Xeral das Nacións Unidas o 11 de decembro de 1946 co nome de Fondo Internacional de Emerxencia das Nacións Unidas para a Infancia, tiña como misión atender as necesidades dos nenos e nenas na China e Europa tras a Segunda Guerra Mundial e cando a ONU decidiu en 1953 que tivera tempo indefinido mudou o seu nome para o actual. A súa sede central está en Nova York e colabora cos países en desenvolvemento para procurar o benestar infantil. En 1965 foille concedido o Premio Nobel da Paz
Primeiro foi coñecido como UNICEF, acrónimo de United Nations International Children's Emergency Fund (en galego, Fondo Internacional de Urxencia das Nacións Unidas para a Infancia). En 1953, UNICEF convértese en organismo permanente dentro do sistema de Nacións Unidas, encargado de axudar os nenos e protexer os seus dereitos. O seu nome foi reducido a fondo das Nacións Unidas para a Infancia (United Nations Children's Fund), pero mantívose o acrónimo UNICEF polo que é coñecido ata agora.
Outorgóuselle o Premio Nobel da Paz en 1965 e o Premio Príncipe de Asturias da Concordia en 2006.
Índice
Prioridades[editar | editar a fonte]
A UNICEF axuda principalmente en zonas de extrema pobreza, en África e outras latitudes do mundo. Está enfocada principalmente en 5 prioridades:
- Supervivencia e desenvolvemento da infancia.
- Educación Básica e igualdade de xénero (incluíndo a educación ás nenas).
- Protección a nenos contra a violencia, explotación e abuso.
- O SIDA e os nenos.
- Políticas de vixilancia dos dereitos dos nenos.
As áreas de acción da UNICEF inclúen desenvolvemento da nenez temperá, desenvolvemento na adolescencia, e participación nos patróns de vida baseándose na educación.
Críticas[editar | editar a fonte]
UNICEF foi obxecto de críticas pola súa promoción do aborto.[Cómpre referencia] A Igrexa católica achegaba ata o ano 1996 unha suma simbólica destinada a promover o apoio entre os católicos, esta colaboración foi interrompida debido ao constante apoio de UNICEF a campañas promotoras do aborto e en especial debido unha distribución de sustancias abortivas en Ruanda e na República Democrática do Congo nese ano.
Educación[editar | editar a fonte]
Emprende intervencións avaladas para mellorar a vida de todas as persoas, incluíndo a nenos. A educación dos mozos e mulleres redunda en importantes beneficios para as presentes e futuras xeracións.
O obxectivo da UNICEF na educación, é levar a escola a máis nenas, asegurándose da súa permanencia e que dispoñan dos equipamentos básicos adecuados necesarios para a súa vida posterior.
Os esforzos son constantes no sentido de asegurar a cada nena e neno do mundo o dereito que teñen á educación. A estratexia de aceleración na matriculación das nenas efectuouse en polo menos 25 países durante o período 2002-2007
Inmunización[editar | editar a fonte]
A inmunización é materia directa na cal intervén a UNICEF, dentro da cal incluíu melloras na saúde dos nenos e nenas do mundo, polo menos durante os últimos 20 anos.
A pesar disto, todos os anos morren máis de 2 millóns de meniños e meniñas por enfermidades que puideron terse prevido pola aplicación oportuna de vacinas económicas. Tamén UNICEF axuda a educación profesional gratis.
Patrocinios[editar | editar a fonte]
En 2006, UNICEF pactou co Futbol Club Barcelona o patrocinio da súa camiseta. Outros equipos que asinaron contrato son Real Betis Balompié, Chelsea F.C., Boca Juniors, Milán, Tigres de México, o Alianza Lima de Perú e o Algeciras Balonmano.
Véxase tamén[editar | editar a fonte]
Outros artigos[editar | editar a fonte]
Ligazóns externas[editar | editar a fonte]
- UNICEF España (en castelán).
