Јануари
Јануари или Коложег е првиот месец во годината според Грегоријанскиот календар и еден од седумте месеци според овој календар што имаат 31 ден. Според Јулијанскиот календар, месецот јануари почнува од 14 ден на Грегоријанскиот календар.
Содржина
Потекло на зборот[уреди | уреди извор]
Јануари го добил името според грчкиот збор (Ιανουάριος) и латинскиот (-{Iānuārius}-). Наречен е според Римскиот бог Јанус, богот на сите почетоци, премини, куќни порти, Сонцето и светлината.
Самото име како назив за првиот месец од годината води потекло од Римската митологија, од каде што потекнува и латински збор за порта - ianua. Јануари се сметал за порта кон остатокот од годината.
Сепак во текот на историјата, јануари неколку пати си го променил своето официјално име. Така, долго и доста распространето во употреба бил саксонскиот назив Wulf-monath (со значење месец на волкот), како и кованицата на Карло Велики - Wintarmanoth (зимски / студен месец). На фински, јануари се вика tammikuu, што значи месец на дабот.
Јануари во другите словенски јазици[уреди | уреди извор]
Старото македонско име за месецот јануари е Коложег. Кај другите словенски и балкански јазици, најчесто се сретнува под името Сечко, Сијечањ, Сичен, Леден, Просинец и сл.
Поважни Православни празници во јануари[уреди | уреди извор]
- 5 - Преподобен Наум Охридски Чудотворец
- 7 - Раѓањето на Исус Христос - Божиќ
- 14 - Св. Василиј Велики, Василица
- 18 - Водокрст
- 19 - Богојавление
- 20 - Св. Јован Крстител
Надворешни врски[уреди | уреди извор]
јануари | февруари | март | април | мај | јуни | јули | август | септември | октомври | ноември | декември |
|