27. júlí
Úr Wikipediu, frjálsa alfræðiritinu
27. júlí er 208. dagur ársins (209. á hlaupári) samkvæmt gregoríska tímatalinu. 157 dagar eru eftir af árinu.
Atburðir[breyta | breyta frumkóða]
- 1627 - Jarðskjálfti eyddi bæina San Severo og Torremaggiore á Ítalíu.
- 1699 - Hólmfastur Guðmundsson, hjáleigumaður á Brunnastöðum á Vatnsleysuströnd var húðstrýktur fyrir að selja kaupmanninum í Keflavík nokkra fiska en vegna einokunarverslunarinnar bar honum að versla aðeins við kaupmanninn í Hafnarfirði.
- 1896 - Tólf læknar og þrír læknanemar sóttu fyrsta læknafund á Íslandi, sem haldinn var í Reykjavík og stóð í fjóra daga.
- 1898 - Holdsveikraspítalinn í Laugarnesi, sem Oddfellowreglan í Danmörku gaf Íslendingum, var vígður með viðhöfn. Hann var tekinn í notkun 1. október.
- 1903 - Fyrsta kvikmyndasýning í Reykjavík var í Iðnó, er tveir Norðmenn sýndu „lifandi myndir“, meðal annars frá dýragarði í London, ófriðnum í Suður-Afríku og krýningu Játvarðs konungs sjöunda.
- 1921 - Frederick Banting og Charles Best við Háskólann í Torontó einangruðu insúlín úr hundsbrisi og sýndu fram á virkni þess.
- 1929 - Jarðskjálfti varð á Reykjanesskaga sem var 6,3 stig á Richter. Jarðskjálftin varð í Brennisteinsfjöllum, en fannst í Reykjavík, einkum í miðbænum. Fregnir um hann voru mjög orðum auknar, einkum í erlendum blöðum.
- 1953 - Kóreustríðinu lauk með vopnahléi.
- 1955 - Stærsta síld sem vitað er um veiddist á Sléttugrunni, 46,3 sentimetrar á lengd, 710 grömm á þyngd. Síldin var alíslensk og talin tíu ára.
- 1987 - Ísafjarðarkirkja stórskemmdist í bruna. Kirkjan var bárujárnsklætt timburhús og var vígð árið 1863.
Fædd[breyta | breyta frumkóða]
- 1667 - Johann Bernoulli, svissneskur stærðfræðingur (d. 1748).
- 1974 - Ragnheiður Elín Gunnarsdóttir, íslensk leikkona.
Dáin[breyta | breyta frumkóða]
- 1206 - Gissur Hallsson, goðorðsmaður í Haukadal (f. um 1125)
- 1873 - Fjodor Tuttsjev, rússneskt ljóðskáld.
- 1970 - Antonio Oliveira de Salazar, einræðisherra Portúgals (f. 1889).
- 1980 - Mohammed Reza Pahlavi, Shah Írans (f. 1919)
- 2013 - Jóhannes Jónsson, íslenskur verslunarmaður og fjárfestir.
|