14. nóvember
Úr Wikipediu, frjálsa alfræðiritinu
14. nóvember er 318. dagur ársins (319. á hlaupári) samkvæmt gregoríska tímatalinu. 47 dagar eru eftir af árinu.
Atburðir[breyta | breyta frumkóða]
- 1417 - Vopnahléssamningur var gerður í Slésvík milli Kalmarsambandsins og greifanna í Holtsetalandi.
- 1642 - Hollenski landkönnuðurinn Abel Tasman uppgötvaði Van Diemens-land sem síðar var nefnt Tasmanía.
- 1643 - Meishō keisaraynja í Japan sagði af sér og Kōmyō annar tók við embættinu.
- 1659 - Danir og Hollendingar tóku sænskar hersveitir á Fjóni til fanga eftir orrustuna um Nyborg.
- 1665 - Konungslögin um einveldið í Danmörku voru undirrituð af Friðriki 3..
- 1894 - Sjómannafélagið Báran var stofnað í Reykjavík.
- 1917 - Staðfest voru lög um sjálfræði og fjárræði manna. Samkvæmt þeim urðu menn sjálfráða 16 ára og fjárráða 21 árs. Síðar lækkaði fjárræðisaldur í 20 ár þann 19. desember 1967 og í 18 ár þann 1. október 1979.
- 1930 - Hitaveita Reykjavíkur var tekin í notkun með 2800 metra langri heitavatnslögn frá þvottalaugunum í Laugardal. Þetta var fyrsta hitaveita á Íslandi og tengdust henni 70 - 80 hús, þar á meðal Sundhöllin og Landspítalinn.
- 1940 - Flugher Þjóðverja, Luftwaffe, réðist á Coventry í Bretlandi og olli miklum skaða.
- 1956 - Togarinn Fylkir sigldi á tundurdufl norður af Straumnesi og sökk. Öll áhöfnin bjargaðist um borð í togarann Hafliða.
- 1963 - Ríkisstjórn undir forsæti Bjarna Benediktssonar tók við völdum og sat í tæplega sjö ár. Hún var hluti svokallaðrar viðreisnarstjórnar.
- 1963 - Surtseyjargossins varð vart um klukkan sjö að morgni að staðartíma á Íslandi.
- 1970 - Bílgreinasambandið var stofnað á Íslandi.
- 1972 - Dow Jones-vísitalan fór yfir þúsund stig í fyrsta skipti.
- 1985 - Hólmfríður Karlsdóttir var kjörin Ungfrú heimur 22 ára gömul.
- 2007 - Jarðskjálfti upp á 7,7 á Richter skók Chile.
- 2009 - Haldinn var um 1.500 manna þjóðfundur í Laugardalshöll í Reykjavík um framtíðarstefnu Íslands.
Fædd[breyta | breyta frumkóða]
- 1567 - Mórits af Nassá, Óraníufursti (d. 1625).
- 1765 - Robert Fulton, bandarískur verkfræðingur og uppfinningamaður (d. 1815).
- 1779 - Adam Gottlob Oehlenschläger, danskt skáld (d. 1850).
- 1840 - Claude Monet, franskur listamaður (d. 1926).
- 1894 - Pétur J.H. Magnússon, íslenskur knattspyrnumaður og formaður Knattspyrnufélagsins Fram (d. 1963).
- 1907 - Astrid Lindgren, sænskur rithöfundur (d. 2002).
- 1944 - Björn Bjarnason, íslenskur stjórnmálamaður.
- 1948 - Karl Bretaprins.
- 1954 - Logi Ólafsson, íslenskur knattspyrnuþjálfari.
- 1984 - Marija Šerifović, serbnesk söngkona.
Dáin[breyta | breyta frumkóða]
- 1716 - Gottfried Wilhelm von Leibniz, þýskur stærðfræðingur og heimspekingur (f. 1646).
- 1831 - Georg Wilhelm Friedrich Hegel, þýskur heimspekingur (f. 1770).
- 1832 - Rasmus Kristján Rask, danskur málfræðingur (f. 1787).
- 1918 - Torfhildur Hólm, íslenskur rithöfundur (f. 1845).
- 1938 - Hans Christian Gram, danskur örverufræðingur (f. 1853).
- 1966 - Steingrímur Steinþórsson, forsætisráðherra Íslands (f. 1893).
- 1983 - Tómas Guðmundsson skáld og rithöfundur, 82 ára.
|