22. nóvember
Úr Wikipediu, frjálsa alfræðiritinu
22. nóvember er 326. dagur ársins (327. á hlaupári) samkvæmt gregoríska tímatalinu. 39 dagar eru eftir af árinu.
Atburðir[breyta | breyta frumkóða]
- 1286 - Hópur grímuklæddra manna drap Eirík klipping Danakonung að næturlagi í hlöðu þar sem hann hafði leitað sér skjóls í veiðiferð.
- 1357 - Nóvemberuppgjörið þar sem Eiríkur Magnússon fékk enn stærri hluta Svíþjóðar.
- 1617 - Akmeð 1. Tyrkjasoldán lést og bróðir hans Mústafa 1. tók við.
- 1888 - Mikið tjón varð vegna óveðurs og stórflóðs um suðvestanvert landið.
- 1907 - Í Reykjavík fengu giftar konur kosningarétt og kjörgengi til sveitarstjórnar og nýttu sér það nokkrum mánuðum síðar.
- 1907 - Vegalög voru staðfest og kváðu þau á um að vinstri umferð væri í gildi á Íslandi. Var sú ákvörðun tekin með tilliti til kvenna, sem riðu í söðli, en þær höfðu báða fætur á vinstri hlið hestsins og hentaði vinstri umferð því betur. Hægri umferð gekk í gildi 26. maí 1968.
- 1909 - Björn Jónsson, ráðherra Íslands, vék bankastjórn Landsbankans úr starfi „sökum magvíslegrar, megnrar og óafsakanlegrar óreglu í starfsemi yðar í stjórn bankans og frámunarlega lélegs eftirlits með honum.“
- 1963 - John F. Kennedy, forseti Bandaríkjanna, var myrtur í borginni Dallas í Texas.
- 1968 - Hvíta albúmið eða The Beatles kom út í Bretlandi.
- 1974 - Palestínumönnum var veitt áheyrnarstaða hjá Sameinuðu þjóðunum.
- 1979 - Í tilefni af ári barnsins sáu börn um meginhluta dagskrár Ríkisútvarpsins.
- 1986 - Fyrsti lottómiðinn var keyptur í Reykjavík af Steingrími Hermannssyni, þáverandi forsætisráðherra.
- 1991 - Línuskipið Eldhamar GK 13 strandaði á Hópsnesi við Grindavík. Fimm af sex manna áhöfn skipsins fórust.
- 2005 - Angela Merkel var kjörin kanslari Þýskalands af þýska sambandsþinginu og varð fyrsta konan til að gegna því embætti. Hún tók við af Gerhard Schröder.
- 2008 - Eftir að á bilinu 9-11.000 manns mótmæltu ríkisstjórninni friðsamlega á Austurvelli, mótmælti nokkur hundruð manna hópur því fyrir utan lögreglustöðina á Hverfisgötu, að mótmælandi hafði verið tekinn fastur kvöldið áður. Mótmælin fóru úr böndunum, mótmælendur reyndu að ryðja sér leið inn í lögreglustöðina en voru stöðvaðir með piparúða. Fimm þurftu að leita sér aðhlynningar á slysavarðstofu og erlendis var fjallað um atburðinn eins og óeirðir.
- 2013 - Norðmaðurinn Magnus Carlsen, 22 ára, varð heimsmeistari í skák er hann sigraði Viswanathan Anand í einvígi um heimsmeistaratitilinn. Hann fékk 6,5 vinninga á móti 3,5 vinningum Anands í 10 skákum.
Fædd[breyta | breyta frumkóða]
- 1787 - Rasmus Kristján Rask, danskur málfræðingur (d. 1832).
- 1890 - Charles de Gaulle, forseti Frakklands (d. 1970).
- 1913 - Benjamin Britten, breskt tónskáld (d. 1976).
- 1917 - Andrew Huxley, breskur líffræðingur og nóbelsverðlaunahafi (d. 2012).
- 1949 - Ásgeir Elíasson, íslenskur íþróttamaður og knattspyrnuþjálfari (d. 2007).
- 1956 - Kjartan Bjargmundsson, íslenskur leikari.
- 1958 - Jamie Lee Curtis, bandarísk leikkona.
- 1963 - Ingvar Eggert Sigurðsson, íslenskur leikari.
- 1965 - Þórunn Sveinbjarnardóttir, íslenskur stjórnmálamaður.
- 1984 - Scarlett Johansson, bandarísk leikkona.
Dáin[breyta | breyta frumkóða]
- 1286 - Eiríkur klipping Danakonungur (f. 1249).
- 1617 - Akmeð 1. Tyrkjasoldán (f. 1590).
- 1963 - John F. Kennedy, forseti Bandaríkjanna (f. 1917).
- 1981 - Sir Hans Adolf Krebs, breskur lífefnafræðingur og nóbelsverðlaunahafi (f. 1900).
|