Trínidad og Tóbagó
Republic of Trinidad and Tobago | |
Fáni | Skjaldarmerki |
Kjörorð: „Together we aspire, together we achieve“ |
|
Þjóðsöngur: Forged From The Love of Liberty |
|
Höfuðborg | Port of Spain |
Opinbert tungumál | enska |
Stjórnarfar | lýðveldi George Maxwell Richards Kamla Persad Bissessar |
Flatarmál - Samtals - Vatn (%) |
163. sæti 5.128 km² ~0 |
Mannfjöldi - Samtals (2011) - Þéttleiki byggðar |
151. sæti 1.328.019 259/km² |
VLF (KMJ) - Samtals - á mann |
áætl. 2005 17.966 millj. dala (115. sæti) 13.958 dalir (50. sæti) |
Gjaldmiðill | trínidad og tóbagódalur |
Tímabelti | UTC-4 |
Þjóðarlén | .tt |
Landsnúmer | 1-868 |
Trínidad og Tóbagó eru eyríki í Karíbahafi, rétt undan norðurströnd Venesúela. Ríkið heitir eftir tveimur stærstu eyjunum, Trínidad og Tóbagó, en eyjaklasanum tilheyra um 21 minni eyjar. Eyjarnar eru sunnan við Grenada sem er hluti af Kulborðseyjum í Litlu-Antillaeyjaklasanum og eru stundum taldar með þeim. Landhelgi eyjanna mætir meðal annars landhelgi Gvæjana, Venesúela og Barbados. Trínidad er stærsta og fjölmennasta eyjan í eyjaklasanum.
Eyjarnar voru numdar af indíánum frá Suður-Ameríku fyrir að minnsta kosti sjö þúsund árum. Þær urðu spænsk nýlenda eftir heimsókn Kólumbusar 1498 og landnám Spánverja eftir 1530. Á 18. öld byggðust eyjarnar fólki alls staðar að frá Evrópu, Afríku og öðrum Karíbahafseyjum. Bretar hertóku eyjarnar í Napóleonsstríðunum 1797 og juku innflutning þræla. Þrælahald var afnumið 1838. Eftir efnahagsuppgang vegna olíuvinnslu á 6. áratugnum urðu eyjarnar hluti af Vestur-Indíasambandinu 1958 og fengu sjálfstæði 1962. Landið varð lýðveldi innan Breska samveldisins 1976.
|
|