Monako

Monako Knyazlığı
fr. Principauté de Monaco'

Bayrağı Gerbi
Paytaxt	Monako-Vill
Böyük şəhərlər	Monako-Vill, Monte Karlo, La Konadamin, Fovyey
Rəsmi dil	Fransız
Dövlət dini	Katolik
Etnik qruplar	fransızlar -45% ,italiyalılar -20% ,moneqasklar -16 %
İdarəetmə forması	Dualistik, konstitusiyalı monarxiya
Knyaz	II Albert (IV.2005~)
Dövlət naziri	Mişel ROJE (III.2010~)
Ərazi • Ümumi	2,02 km² (236 yer)
Əhali • Təxmini sayı (2013) • Siyahıyaalma (2008) • Əhali sıxlığı	34 min nəfər (210-cu yer) 31 109 nəfər 17 000 nəfər/km²
ÜDM (AQP)   • Cəmi (2011)   • Adam başına	$5 748 million $  (166 yer) $70 700 $  (6 yer)
Pul vahidi	Avro (EUR)
Saat qurşağı	+1 (UKV)
İnternet domeni	.mc

Monako knyazlığı — Avropa dövləti. Rəsmi adı Monako knyazlığıdır fr. Principauté de Monaco. moneqask dilində: Principatu de Múnegu; Oksitan dilində: Principat de Mónegue; italyanca: Principato di Monaco). Sahəsi 2,02 km²-dir. Bu dövlət dünyada fransızdilli ən kiçik ərazi sayılır. Knyazlığa Qrimaldi sülaləsindən olan 2 Albert başçılq edir.

1911-ci il konstitusiyasına görə, Monako rəsmi olaraq 3 bələdiyyəyə (kommuna) bölünür:

1. Monako(Monako-Vil) knyazlığın paytaxtıdır, knyazların iqamətgahı burada yerləşir.
2. Monte Karlo - şərq və şimal-şərqi əhatə edir, kurort və kazino ərazisi kimi məşhurdur.
3. La Kondamin - limanın da daxil olduğu şimal-qərb bölgəni əhatə edir.

Monakonun 20 otelində dünyanın müxtəlif dillərində danışan qonaqlara rast gəlmək mümkündür. Monako knyazlığı öz qonaqlarını 7 əsrlik zəngin qəhrəmanlıq hadisələri ilə dolu Qrimaldi ailəsinin tarixi ilə tanış edir. Köhnə şəhər üzərində ucalan knyaz sarayı öz memarlığı və hər gün düz günorta baş verən gözətçi dəyişikliyi ilə məşhudur. Sarayın ətraflarında isə digər görməli yerlər var; qeyri-adi akvariuma malik Okeanoqraf muzeyi, həmişə yaşıl Ekzotik bitkilər bağı, Monte-Karlo kazinosu, Dəniz muzeyi, kino muzeyi, Monako knyazının köhnə avtomobillər kolleksiyası ekspozisiyası və s.

Monako incəsənətlə yaşayır. Burada hər il müxtəlif sərgilər, solo və filarmonik konsertlər keçirilir, dünyanın mxtəlif yerlərindən gəlmiş məşhur opera müğənniləri və balet truppaları çıxış edirlər.

Monakoda Knyaz sarayı çoxəsrlik adət-ənənənin mühafizəkarıdır. Saray 1215-ci ildə Genuya qalasının yerində tikilmişdir. Sarayın qabaq hissəsini tutan, XVI (16-cı) əsr Genuya rəssamlarının əsərlərindən ibarət italyan qalereyası, Lüdovik XV (15-ci) qonaq otağı öz gözəlliyi ilə seçilir. Qışda qara, yayda ağ parad formasına malik karabiner gözətçilərinin növbə dəyişməsi hər gün saat 11:55-də təntənəli surətdə həyata keçirilir.

Monakoda İdman

Monako burada keçirilən idman hadisələri ilə də tanınmışdır; məşhur Formula 1 Qran-Pri yarışları, tennis üzrə bütün dünyada məşhur «Open» turniri, at yarışları, yaxta yarışları, müxtəlif yarışlar və çempionatlar. Aktiv istirahət həvəskarları; su xizəyi və motosikl, yelkən qayıqları və vindserfinq ilə də məşğul ola bilərlər. Məşhur Kantri-Klubun tennis kortları və dəniz səviyyəsindən 1890 m hündürlükdə yerləşən qolf meydançası ilin fəslindən asılı olmayaraq hamı üçün açıqdır.

Maraqlı faktlar

• Monakonun Milli orkestrinin üzvlərinin sayı ordusundakı əsgərlərin sayından çoxdur.
• 2010-cu ilin sentyabrında Monakodan yola düşən günəş enerjisi ilə çalışan ilk gəmi yer üzünü 587 günə dövr edib. 28 ölkə, 3 okean, 11 dəniz qət edən bu gəmi dünyada günəş enerjisi ilə çalışan ən böyük gəmidir. Gəminin adı MS Turanor PlanetSolar-dır.