蒙古國

蒙古國

蒙古國草原。蒙古地形主要係草原，平均海拔1600米。

蒙古對外主要靠鐵路連接

蒙古國係亞洲一國，夾響中國內蒙古同埋俄羅斯之間。

今日個蒙古國係指外蒙古，但實際上「蒙古」係應該包括埋內蒙古。分別在於：蒙古高原北半部係外蒙古，南半部就係內蒙古。

歷史

蒙古人自古以嚟就係中國嘅外族。喺十三世紀成吉思汗橫掃歐亞以嚟，蒙古人嘅帝國曾經係世界最大嘅，面積甚至雒大過而家嘅俄羅斯。清朝嗰陣，蒙古人同清朝政治有密切關係。

喺1912年民國成立之前，外蒙古已經脫離大清帝國而獨立。1924年，外蒙古喺蘇聯支持底下，成立「蒙古人民共和國」。

地理

蒙古國係內陸國家，大部分都係山地或者高原，平均海拔1600米。西面有好多湖。因為係內陸國家，氣候冇咁好，夏天比較乾燥，冬天重長過夏天，係亞洲大陸寒流嘅發源地之一。

人口

蒙古94.9%人口係蒙古族，少數民族主要係哈薩克人。佢亦都係世界人口密度最低嘅國家之一，平均每平方公里得1.91人。蒙古近一半人口都住喺首都烏蘭巴托。

根據2000年人口普查，蒙古有三分之二人口年齡唔夠30歲，36%人口年齡唔夠14歲。

經濟

蒙古國因為係內陸國家，基建好少，所以經濟冇咁發達。傳統上佢係靠畜牧業食飯，養牛、羊、馬等等。至於工業亦都只係畜牧業加工製品。

蒙古嘅出口有68.4%係到中國（2006年），而進口除咗中國之外，仲有俄羅斯。