Costa Rica
República de Costa Rica | |||||
|
|||||
Lema nacional: ¡Vivan siempre el trabajo y la paz! | |||||
Himnu nacional: Himnu Nacional de Costa Rica | |||||
Capital • Población • Coordenaes |
San José 1.345.750 9º 56' S, 84º 05' O |
||||
Ciudá más poblada | {{{ciudá_más_poblada}}} | ||||
Llingües oficiales | {{{llingües_oficiales}}} | ||||
Llingües reconocíes | {{{llingües_reconocíes}}} | ||||
Forma de gobiernu
• Presidente
• Vicepresidentes |
Democracia Presidencialista • Luis Guillermo Solís • 1u Helio Fallas Venegas 2u - Ana Helena Chacón Echeverría |
||||
Independencia • Fecha |
de España • 15 de setiembre de 1821 |
||||
Superficie • Total • % agua Llendes Costes |
Puestu 129º 51.100 km² 0,7% 516 km 1412 km |
||||
Población • Total • Densidá |
Puestu º 4.301.712 (2011 84,18 hab/km² |
||||
PIB (PPA) • Total (2010) • PIB per capita |
Puestu 82º US$ 35.789 millones US$ 7.701 (2010) |
||||
Moneda | El Colón | ||||
Xentiliciu | costarricanu, -a, -o | ||||
Zona horaria • en Branu |
UTC - 6 UTC - 6 |
||||
Dominiu d'Internet | .cr | ||||
Códigu telefónicu | +506 |
||||
Prefixu radiófonicu | TIA-TIZ, TEA-TEZ |
||||
Códigu ISO | 188 / CRI / CR | ||||
Miembru de: ONX, OEA, ODECA, G-77 | |||||
Sitiu web del Gobiernu: |
|||||
Costa Rica[1] ye un país de Centroamérica. Llenda al norte con Nicaragua y al sureste con Panamá, y ta arrodiáu al este pol Mar Caribe y al oeste pol Océanu Pacíficu.
Índiz
Historia[editar | editar la fonte]
Cristóbal Colón foi el primer européu n'aportar a la rexón nel so cuartu y caberu viaxe, en 1502. Por embargu, el so territoriu nun foi conquistáu hasta la segunda metá del sieglu XVI, dempués de que dellos esploradores, como Hernán Ponce de León y Juan de Castañeda, esploraran la so fastera caribeña. D'aquella el territoriu qu'anguañu ye Costa Rica taba pobláu polos chibchas y por otres comunidaes indíxenes más pequeñes, como los boruca, los caribes, los chorotecas y los nahual. Estos pueblos nun aceutaren a los conquistadores, que nun tuvieron un asentamientu permanente na rexón hasta 60 años dempués de qu'aportaran por primer vegada.
El desendolcu de Costa Rica durante la dómina colonial tuvo conseñáu pol aisllamientu rellativu nel que vivió respeutu d'otros enclaves españoles na rexón. Como colonia nunca foi rica nin bayurosa. De fechu, el país foi nenguneáu y despreciáu polos colonizadores que cuasi s'escaecieron d'él pola mor de la so falta en minerales.
No cabero del sieglu XVIII, Costa Rica tuvo subordinada a Nicaragua, pesie a que la Corona española ellevare a la categoría d'intendencies les sos otres posesiones centroamericanes. En 1821, cuando México se declaró independiente d'España, Costa Rica xunióse, con otros dominios centroamericanos, al feble imperiu mexicanu. En 1823, el país formó parte de les Provincies Xuníes d'América Central, pero en 1838 decidió separtase de la federación centruamericana y constituyóse n'estáu independiente col caudillu Francisco José Morazán como cabezaleru.
En 1890, elixóse a José Joaquín Rodríguez pa la presidencia, nes que tan consideraes les primeres eleiciones llibres dafechu nel continente. Asina, hebo una tradición democrática que nun amenorgó en tola hestoria sacantes dos vegaes: primeru, cuando l'aventureru norteamericanu William Walker, tres d'apoderiase de Nicaragua, intentó enantar el so dominiu al restu de Centroamérica, y foi derrotáu polos costarricanos; y segundu, cuando pola mor d'un fraude eleutoral hebo una guerra civil na que s'impunxeron les fuercies del líder opositor José Figueres. Un añu dempués promulgóse una Constitución presidencialista qu'esanició la formación d'exércitos. Figueres convirtióse en líder democráticu del área centroamericana, llarada de dictadures que diben durar entá 40 años más.
Metanes la década de los ochenta, la Revolución Sandinista ya se configurara como un fenómenu políticu con repercusiones en tola rexón, y foi a traviés de les sos propuestes pa solventar la crisis rexonal, cola ablucante amenaza d'invasión norteamericana, que'l socialdemócrata Óscar Arias Sanchez ganó les eleiciones de 1986. El denomáu «plan Arias», propunxaba l'altu'l fueu en Nicaragua, la fin de les aides norteamericanes a la "contra" y un calendariu de reformes polítiques en Nicaragua, qu'incluyía'l facer eleiciones y que foi adoptáu pol gobiernu Sandinista. En febreru de 1990, Rafael A. Calderón, del Partido Unidad Social y Cristiana (PUSC) algamó la presidencia.
A partir de la fundación del PUSC en 1983 xestóse en Costa Rica el sistema bipartidista qu'imperó dende entós hasta'l 2002, au los dos partíos mayoritarios y oscilantes nel poder, el PLN y el PUSC, hexemonizaben la política nacional (polo que se-yos aplicó el nomatu de PLUSC). En 1987, l'entós presidente de Costa Rica, el Dr. Óscar Arias Sánchez, consiguió'l Premiu Nobel de la Paz.
Política y gobiernu[2][editar | editar la fonte]
Organización política[editar | editar la fonte]
L'actual Constitución, que define al país como una república democrática, foi promulgada'l 7 de payares de 1949.
El poder executivu exércelu'l presidente. Esti, y los sos dos vicepresidentes, son elexíos simultáneamente, pa un mandatu de cuatro años, por una mayoría de más del 40% de tolos votos emitíos nes elecciones.
El poder llexislativu reside na Asamblea Llexislativa. Esta compónenla 57 diputaos, que son elexíos tamién por cuatro años y nes mesmes elecciones que'l presidente.
El muérganu cimeru del poder xudicial ye la Corte Suprema de Xusticia. Esta ta formada por 22 maxistraos, nomaos pa un mandatu mínimu d'ocho años pola Asamblea Llexislativa.
Gobiernu[editar | editar la fonte]
La presidenta de la república ye, dende'l 8 de mayu del 2014, Luis Guillermo Solís. El so vicepresidente primeru ye Helio Fallas Venegas, y el segundu Ana Helena Chacón Echeverría. El presidente de l'Asamblea Llexislativa ye Marcial Rodríguez Conejo, y los 17 ministerios qu'había n'abril de 2012, colos sos titulares, son los que vienen darréu:
- Presidencia: Carlos Ricardo Benavides.
- Planificación: Laura Alfaro.
- Relaciones Esteriores: Enrique Castillo.
- Facienda: Fernando Herrero.
- Comerciu Esterior: Anabel González.
- Obres Públiques y Tresportes: Francisco Jiménez.
- Educación: Leonardo Garnier.
- Salú: Daisy Corrales.
- Trabayu y Seguridá Social: Sandra Piszk.
- Xusticia: Hernando París.
- Vivienda y Llucha escontra la Probeza: Fernando Marín.
- Seguridá Pública: Mario Zamora.
- Turismu: Allan Flores.
- Cultura: Manuel Obregón.
- Educación: Alberto Sileoni.
- Ciencia y Tecnoloxía: Alejandro Cruz.
- Agricultura: Gloria Abrahams.
Partíos políticos y sindicatos[editar | editar la fonte]
Los principales partíos políticos del país son los que vienen darréu. Ente paréntesis figura'l nome del so presidente:
- Movimiento Libertario (ML) (Otto Guevara).
- Partido Integración Nacional (PIN) (Walter Muñoz).
- Partido Liberación Nacional (PLN) (Francisco Antonio Pacheco).
- Partido de Unidad Socialcristiana (PUSC) (Gerardo Vargas).
- Partido Acción Ciudadana (PAC) (Elizabeth Fonseca).
- Partido Renovación Costarricense (PRC) (Justo Orozco).
- Partido Patria Primero (PP) (Juan José Vargas).
- Partido Vanguardia Popular (anantes Pueblu Xuníu) (Trino Barrantes).
- Partido Accesibilidd sin Exclusión (PASE) (Óscar López).
- Frente Amplio (José Merino).
- Partido Restauración Nacional (Carlos Luis Avendaño).
No que cinca a los sindicatos, los principales son la Confederación Rerum Novarum, que'l so secretariu xeneral ye Rodrigo Aguilar, y l'Asociación Nacional d'Emplegaos Públicos, que tien a Albino Vargas como'l so secretariu xeneral.
Xeografía[editar | editar la fonte]
Organización territorial[editar | editar la fonte]
El país ta dividíu nes siguientes provincies:
Demografía[3][editar | editar la fonte]
La población del país, según los datos del censu de 2011, ye de 4.301.712 habitantes. D'ellos, según el mentáu censu, el 86,8% son blancos, el 7% mestizos y el 6,2% pertenez a otres races non especificaes.
Les principales ciudaes del país pol númberu los sos habitantes son les siguientes:
Ciudá | Población (2011) |
---|---|
San José | 287.619 |
Alajuela | 254.567 |
Desamparados | 207.082 |
San Carlos | 163.751 |
Cartago | 147.882 |
Pérez Zeledón | 135.429 |
Pococí | 125.847 |
Heredia | 123.067 |
Puntarenas | 115.009 |
Goicoechea | 114.736 |
La Unión | 100.013 |
Limón | 94.420 |
Economía[editar | editar la fonte]
Cultura[editar | editar la fonte]
Referencies[editar | editar la fonte]
- ↑ Cartafueyos Normativos. Nomes de los países del mundu y de les sos capitales y xentilicios, Academia de la Llingua Asturiana, 2010; ISBN 987-84-8168-500-8
- ↑ Los datos recoyíos nesti apartáu tán sacaos del Anuario Iberoamericano 2012 del Real Instituto Elcano y l'Axencia Efe. Disponible en http://www.anuarioiberoamericano.es/
- ↑ Los datos recoyíos nesti apartáu tán sacaos del Anuario Iberoamericano 2012 del Real Instituto Elcano y l'Axencia Efe. Disponible en http://www.anuarioiberoamericano.es/
Enllaces esternos[editar | editar la fonte]
- Presidencia de la República
- Bancu Central de Costa Rica
- Institutu Nacional d'Estadística y Censos
- Institutu Costarricanu de Turismu
Países d'América |
Antigua y Barbuda | Arxentina | Islles Bahames | Barbados | Belize | Bolivia | Brasil | Canadá | Chile | Colombia | Costa Rica | Cuba | Dominica | República Dominicana | Ecuador | Estaos Xuníos d'América | Granada | Guatemala | Guyana | Haití | Hondures | México | Nicaragua | Panamá | Paraguay | Perú | El Salvador | Saint Kitts y Nevis | Saint Lucia | Saint Vincent y les Granadines | Surinam | Trinidad y Tobago | Uruguay | Venezuela | Xamaica
Dependencies: Anguilla | Islles Bermudes | Islles Caimán | Clipperton | Guadalupe | Guyana Francesa | Groenlandia | Islles Malvines | Islles Turques y Caicos | Montserrat | Martinica | Puerto Rico | Shag Rocks | Xeorxa del Sur y Sandwich del Sur |