Грекъ

38.301111, 23.741111

Гречъы Республикæ
Ελληνική Δημοκρατία

Тырыса Герб
Девиз: «Ἐλευθερία ἤ Θάνατος (Сæрибардзинад кæнæ мæлæт)»
Гимны ном: «Ύμνος εις την Ελευθερίαν»
Хæдбар сси	1821 Османты империйæ
Æвзаг	бердзенаг
Сæйраг сахар	Афинæтæ
Стырдæр сахартæ	Афинæтæ, Салоники
Хицауиуæджы хуыз	Парламентон республикæ
Президент Премьер-министр	Каролос Папульяс Алексис Ципрас
Фæзуат	131 940 км²
Доны процент	0,86
Цæрджытæ • Бахыгъд (2013) • Æнгомад	10 772 967 ад. 85,3 ад./км²
ÆМП • Æдæппæт (2004) • Иу адæймагмæ	дунейы 37-æм 223,5 млрд. $ 22.800 $
Валютæ	евро
Интернет-домен	.gr
Телефонон код	+30
Сахатон таг	UTC+2

Грекъ (гр. Ελλάδα [ɛˈlaða]) кæнæ Гречъы Республикæ (гр. Ελληνική Δημοκρατία [eliniˈkʲi ðimokraˈtia]) у Европæйы паддзахад, Европæйы Цæдис æмæ НАТО-йы уæнг. Гречъы фæзуат ахсы Балканы æрдæгсакъадахы хуссайраг хай æмæ 2 мин сакъадахы, уый кæны 131 940 км² (дунейы 94-æм). Цæрынц дзы 10 964 020 (2003-æм азы; уымæй у дунейы 70-æм).

Административон æгъдауæй дихгонд у 13 зылдыл (хуыйнынц периферитæ), периферитæ та дихгонд сты лыстæгдæр иуæгтыл — 51 префектурæйыл.

Грекъ йæ хæдбардзинады бон бæрæг кæны 6 апрелы. Хæдбар паддзахад сси 1821-æм азы, Османты империйæ йæхи ссæрибар кæнгæйæ.

Нырыккон Грекъ у дунейы ахсджиагдæр туристон бæстæтæй иу. Грекъ экспорт кæны хъæууон хæдзарады продукци. Гречъы компанитæм ис дунейы базарадон наутæй сæ фылдæр хай.

Истори

Рагон Грекъ

Грекъ нымад у ныгуылæн цивилизацийы авдæныл. 3 мин азы нæ эрæйы агъоммæ æввахс Криты сакъадахы размæцыд минойаг цивилизаци фæзындис, фæстæмæ сæ культурæ фæхæлиу ис материкыл. Фæстæдæр райдыдта критаг-микенаг (æндæр ныхасæй эгейаг) цивилизацийы эпохæ. Фæзындысты грекъаг полистæ; Стыр Грекъ, Къаннæг Ази æмæ Цæгат Сау денджызы былы антикон колонитæ дæр.

Полистæ Афинæтæ æмæ Спартæ фæуæлахиз сты Персийыл, фæлæ цæ уый фæстæ Фивтæ ныппырх кодтой.