رومانيا

المقاله دى مترشحه تكون مقالة مختاره. شارك في تقييمها حسب الشروط المحددة في شروط المقالة المختاره وضح رأيك فى ترشيحات المقالات المختاره .

România
رومانيا

(علم الدولة) (شعار الدولة)
اللغه رسميه	الروماني
العاصمه	بوخارست
اكبر المدن	بوخارست
المجموعات العرقية	89.5% رومانيين, 6.6% مجريين, 2.5% روما , 1.4% اقليات تانيه
الرئيس	تريان باسيسكو
رئيس الوزرا	ايميل بوك
المساحه - المجموع - المايه	متصنفه الـ82 عالميا 238,391 كلم² 3%
السكان - المجموع - الكثافه	متصنفه الـ50 عالميا 22,246,862 93/كلم²
الناتج المحلي الإجمالي - المجموع بالقيمة الإسمية - ن.م.إ/فرد	متصنفه الـ 38 عالميا 213.891 بيليون دولار متصنفه الـ 58 عالميا 9,953.33 دولار
التوحيد	1 ديسمبر 1918 م
الاعتراف بالاستقلال	13 يوليو 1878 م
العمله رمز العمله (ISO 4217)	ليو روماني RON
فرق التوقيت	UTC +2
النشيد الوطنى	Deşteaptă-te, române! (اصحوا يا رومانيين)
نطاق الانترنيت الاولي (TLD)	ro.
كود التليفون الدولي	++40

رومانيا دولة من دول أوروبا الشرقية و تحديدا فى جنوب شرق أوروبا الوسطى و بتيجي للشمال من شبه جزيرة البالكان و بتطل على البحر الاسود و بيحدها من ناحية الجنوب نهر الدانوب. رومانيا ليها حدود مشتركة مع الدول الاوربية دي: صربيا، المجر، اوكرانيا، مولدوفيا و بلغاريا. اول ما اتكونت الدولة كانت عبارة عن اتحاد بين مولدوفيا و ولاهيا ودا كان سنة 1859 و بعديها انضمت بقية المناطق اللى بتتكلم روماني سنة 1918 و كونوا الدولة زي ما هى معروفة دلوقتي تقريبا ما عدا ان جزء منها ضمه الاتحاد السوڤييتى بالقوه فى نهاية الحرب العالميه التانيه و الجزء دا معروف دلوقتي باسم جمهورية مولدوفيا. عدد سكان رومانيا حوالي 22 مليون انسان و مساحتها 238392 كيلومتر مربع و عاصمتها بوخارست اللى هى كمان تعتبر اكبر مدينة فيها. الثورة اللى حصلت فى 1989 و قضت على الحكم الشيوعى . بدات اول ما بدات من تيميشوارا و بعدين انتشرت لكل مدن رومانيا. رومانيا دولة عضوة فى الاتحاد الاوروبى من اول يناير 2007 و كمان عضوة فى الناتو و منظمة الدول الفرانكفونية.

اصل الاسم

اسم رومانيا منسوب للرومان و ليه علاقة بالامبراطورية الرومانية اللى بدورها منسوبة لعاصمتها روما (و فى اصل اسطوري لتسمية مدينة روما الايطالية بينسبها للتوامين رومولوس و ريموس).

السكان

حسب تعداد سنة 2002، رومانيا يعيش فيها حوالي 21,700,000 انسان مثل بقية دول شرق أوروبا العدد هاذا مترشح للنقصان بسبب انخفاض نسبة المواليد. حوالي 89.5 % من السكان رومانيين اصليين و الباقي اقليات مثل المجريين و الغجر و كمان فى اقليات اخرى لاكن نسبتهم قليلة لا يتعدا 1.4%. اللغة الرسمية لرومانيا هى الروماني و هى واحدة من اللغات الرومانسية مثلها مثل الاسباني و الطلياني و الفرنساوي.و ايضاً فى لغات اقليات معترف بيها رسميا مثل المجري و الغجري. اللغات الانجليزي و الفرنساوي معروفة على مستوي واسع و خصوصا الانجليزي بين الشباب.

الدين

رومانيا دولة علمانية حسب الدستور يعني مافيش حاجة اسمها دين رسمي للدولة بس اغلب السكان بينتموا للكنيسة الاورثوزوكسيه الرومانية(حوالي 86 % من السكان) و جنبهم فى اقليات دينية كتيرة زي الروم الكاثوليك والبروتستانت و شوية سكان مسلمين و يهود.

التاريخ

اقدم بقايا للانسان فى اوروبا اتلقت فى رومانيا و كان عمرها حوال 42,000 سنة ومن المحتمل ان الرومانيين هما اول البشر اللى قدرو يوصلو لقارة اوروبا. اول واحد يكتب عن الناس اللى كانو عايشين فى رومانيا هو هيرودوت فى كتابه الرابع سنة 440 (ق ع ح) و اللى حكى فيه عن هزيمة الامبراطور الفارسي داريوس الاعظم على ايد الداشيين اللى كانو عايشين فى منطقة اسمها داشيا ( فى الوقت الحالي بتضم رومانيا و مولدافيا و حتت من شمال بولجاريا). الامبراطور الروماني تراجان غزا بلاد داشيا و هزم شعبها والملك بتاعها ديتشتبال فى حروب استمرت من سنة 101 لحد 106 (ع ح ) و بعديها بقت داشيا حتة (مقاطعة) رومانية. الامبراطور الروماني تراجان وهو راجع لروما بعد الانتصار جاب معاه 165 طن من الدهب و 330 طن من الفضة استولى عليهم من داشيا. فى العصور الوسطى الرومانيين عاشو فى تلات مناطق: والاهيا،مولدافيا و ترانسيلفانيا. والاهيا و مولدافيا وقعو تحت الاحتلال العثماني و ترانسيلفانيا اتضمت بالقوة للامبراطورية النمساوية-المجرية.و بكدا اتقسمت رومانيا بين القوى العظمى فى الوقت دا وبقى الرومانيين مواطنين من الدرجة التانية فى بلادهم.فى 1914 لما قامت الحرب العالمية الاولانية، رومانيا اعلنت الحياد بس تحت ضغط الحلفا اعلنت رومانيا الحرب على المحور سنة 1916 ووعدتها القوى الكبير بجعمهم فى انهم يعملو دولة موحدة و مستقلة.و فعلا فى نهاية الحرب و فى سنة 1918 اتحدت ترانسيلفانيا مع والاهيا و مولدوفا و عملو رومانيا الكبرى.فى الحرب العالمية التانية حاولت رومانيا لتاني مرة تتنيها على الحياد بس اضطرت اخيرا انها تدخل الحرب جنب المحور ضد الحلفا وبسبب هزيمة المحور فقدت رومانيا حتت كبيرة من اراضيها للاتحاد السوفيتي واحتلها الجيش الاحمر و بعديها دخلت فى حلف وارسو وانضمت للستار الحديدي و الكتلة الشيوعية فى زمن الحرب الباردة.فى سنة 1989 حصلت ثورة فى رومانيا انتهت فيها الشيوعية واتعدم نيكولاي شاوشيسكو اخر رئيس شيوعي لرومانيا بالرصاص هو و مراته قدام التليفزيون و اعلن الثوار الديمقراطية و الانتخابات الحرة و حريات تانية كتيرة.الريس الحالي لرومانيا هو ترايان باسيسكو و ريس الوزرا هو ايميل بوك.

مناطق رومانيا

مناطق رومانيا الخمسة

رومانيا فيها خمس مناطق اساسية مشهورين بتنوعهم الجغرافي ودا بيخليها من احسن الوجهات السياحية فى اوروبا.

• ترانسيلڤانيا: اكبر مناطق رومانيا و بيحدها من الشرق و الجنوب جبال الكاربات و اللى كانت زمان بتعملها حماية ضد الغزوات الخارجية اللى جاية من ناحية الشرق.سكانها الاصليين هما الرومانيين بس جه مجريين فى القرن العاشر و جه كمان المان فى القرن الاتناشر و استوطنو فيها جنب السكان الاصليين.
• مولدوڤا (مولداڤيا): وهي موجودة فى شمال شرق رومانيا و بتمتد من جبال الكاربات لحد نهر الدنيستر.فى سنة 1940استولى الاتحاد السوفيتي على المنطقة اللى بين نهر البروت و نهر الدنيستر و ضمها ليه بالقوة على الرغم من 60% من السكان كانو رومانيين. فى سنة 1990 استقلت مولدوفا عن الاتحاد السوفيتي بمساعدة رومانيا بس المولدوفيين فضلو انهم ما ينضموش للوطن الام رومانيا و اعلنو نفسيهم دولة مستقلة باسم جمهورية مولدوفا.( ماتتلخبطش بين جمهورية مولدوفا المستقلة وبقية منطقة مولدوفا اللى تنتها حتة رومانيا).
• والاهيا: اللى فى جنوب رومانيا و اللى فى وسطها العاصمة بوخارست. المنطقة دي عبارة عن اراضي سهلة و خصبة
• دوبوروجا Dobrogea: واللي بتطل على ساحل البحر الاسود و وقعت تحت الاحتلال العثماني فترة طويلة و عشان كدا فيها جوامع و مسلمين اكتر من اى منطقة تانية فى رومانيا.اكبر مدينة فى دوبوروجا هى كونستانتسا و اللى كمان بتعبر اهم مينا فى رومانيا.
• بانات: فى المنطقة الغربية من رومانيا و بتحدها صربيا و اكبر مدينة فيها هى تيميشوارا.

فيه فايلات فى تصانيف ويكيميديا كومونز عن:

رومانيا