Liachtnstoa

Der Artikl is im Dialekt Pongaurisch gschrim worn.

Firschtntum Liachtnstoa
Fürstentum Liechtenstein

Omtssprouch

Deitsch

Hauptstoud

Vaduz

Stoutsform

konstituzionäie Erbmonarchie

Stoutsowerhaupt

Firscht Hans-Adam II. vo und z' Liachtnstoa
Omtsausiwender Stäivatreter:
Erbprinz Alois vo und z' Liachtnstoa

Regiarungsschef

Klaus Tschütscher
(Vaterländische Union (VU))

Flächen

160,475 km²

Eiwonerzoi

34.905 (31. Dezember 2005)

Bevejkarungsdichten

213 Aiwoner pro km²

Gejt

Schwaizer Franken

Nazionaalhymne

Oben am jungen Rhein

Nazionaalfeierschtoug

15. August

Zeidzone

UTC+1

Kfz-Kennzeichen

FL

Internet-TLD

.li

Telefonvurwoi

+423

As Firschtntum Liachtnstoa (Hochdeitsch: Fürstentum Liechtenstein) is a suvaräner Stoot im mittleiropäischn Oipmraum. s Lond ligt zwischn Östareich und da Schweiz am Ostuafer vom Rhein. s Firschtntum gijt haid ois konstituzionäie Erbmonarchie auf demokratisch-parlamentarischer Grundloug. De Suvaränität lig sowoi baim Voik ois wia aa baim Firscht. Liachtnstoa gliaderscht se in äif Gmoana. Hauptort und Firschtsitz is Vaduz. Liachtnstoa houds hächste BIP pro Kopf wäidwaid - s lig bai 80.800 Airo (2005).

Geografie[VE | Weakln]

Liachtnstoa is umgem vo d' Schwaizer Kantone St. Gallen und'm Kanton Graubünden im Westn sowia'm esterraichischm Bundeslond Vorarlberg im Ostn. Zomm mid Usbekistan iss oaner vo de zwee Binnenstoutn vo da Wäid, de säim nur vo Binnenstoutn umgem sand. De gsomte westliche Stoutsgrenz za da Schwaiz entspricht 'm Rhein-Valaaf. D' ästliche Stoutsgrenz is prägt vom Oipm-Hochgebirg, 'm Rätikon. s Lond grenzt auf 41,1 km an d' Schwaiz. 27,1 km vo da Grenzläng entfoin auf'm Kanton St. Gallen und 14,0 km auf'm Kanton Graubünden. D' Grenzläng mid da Republik Esterraich betroug 34,9 km und entfoit väiig aufs Bundeslond Vorarlberg. Da hächste Bunkt vo Liachtnstoa is da Grauspitz mid ner Hächn vo 2599 m. Da tiafste Bunkt is as Ruggeller Riet mit ner Hächn vo 430 m. s Lond misst an sainer längstn Stäi 24,56 km und an sainer broadastn 12,36 km.

Klima[VE | Weakln]

As Klima vom Lond ko trotz da Gebirgsloug ois relatiav mijd bezaichnascht wern. Es werscht storch durch d' Aiwirkung vom Fähn (worma, trockaner Foiwind) prägt, wodurch d' Vegetazionszaid im Lassing und im Herest valängascht werscht. D' Messungan vo d' joulichn Niaderschlougsmengan dagem im Schnitt guade 900 bis 1.200 Millimeter auf oan Quadratmeter. Im direktn Oipmgebit dageng lingan de Niaderschläg oft bai bis za 1.900 Millimeter. Im Winter sinkts Thermometer säitn unter minus 15 Grod, wärnd im Summer de mittlern Temperraturn zwischen 20 und 28 Grod schwonknd.

Beväikarung[VE | Weakln]

Etwoa zwoa Drittl vo d' Eiwohna sand gebirtige Liachtnstoaner (65,8%); de ausländische Wonbeväkarung kimmb dageng za etwoa oan Fimbftl (20,1%) hauptsächlich aus'm iwring deitschn Sprouchraum (doudavo 10,8% aus da Schwaiz, 5,9% aus Esterraich und 3,4% aus da Bundesrepublik Deitschland, gfoigt vo je 3,3% aus Italien und Laid vom friaran Jugoslawien, 2,6% sand Tirkn und 4,8% kemman aus onnerne Stoutn).

Vawoitung[VE | Weakln]

Liachtnstoa gliaderscht se in äif Gmoana, de auf de boadn Woikroas Unterlond und Owerlond vatoaet sand.

Floggn	PLZ und Gmoanom	Eiwohna (31. Dez. 2005)	Flächn in km²	Orte
Woikroas Unterlond
	9491 Ruggell	1925	7,4	Ruggell
	9488 Schellenberg	974	3,5	Schellenberg
	9487 Gampirn	1436	6,1	Gamprin Bendern
	9492 Eschen	4076	10,3	Eschen Nendeln
	9493 Mauren	3649	7,5	Mauren Schaanwald
Woikroas Owerlond
	9494 Schaan	5811	26,8	Schaan
	9498 Planken	366	5,3	Planken
	9490 Vaduz	5047	17,3	Vaduz
	9497 Triesenberg	2542	29,8	Triesenberg, Masescha, Silum Gaflei, Steg, Malbun
	9495 Triesen	4643	26,4	Triesen
	9496 Balzers	4436	19,6	Balzers Mäls
	Liachtnstoa	34905	160,0