31. desember
Úr Wikipediu, frjálsa alfræðiritinu
31. desember, eða gamlársdagur, er 365. dagur ársins (366. á hlaupári) samkvæmt gregoríska tímatalinu og jafnframt sá síðasti.
Efnisyfirlit
Atburðir[breyta | breyta frumkóða]
- 1791 - Skólapiltar í Hólavallarskóla héldu fyrstu áramótabrennu sem vitað er um með vissu á Íslandi.
- 1829 - Jónas Hallgrímsson prédikaði við aftansöng í Dómkirkjunni í Reykjavík og sagði þá meðal annars: „Tökum því vara á tímanum, fyrir hvers brúkun vér eigum þá einnig reikning að standa.“
- 1857 - Viktoría Bretadrottning valdi Ottawa sem höfuðborg Kanada.
- 1871 - Fyrsta blysför var farin í Reykjavík að undirlagi skólapilta. Á Tjörninni var álfadansleikur og þar var frumflutt kvæðið Máninn hátt á himni skín eftir Jón Ólafsson.
- 1874 - Á síðasta degi þjóðhátíðarárs var mikil skemmtisamkoma haldin á Espihóli í Eyjafirði, þar sem gerður var veisluskáli úr snjó með borðum, bekkjum og ræðustól úr ís.
- 1900 - Mikill fjöldi fólks kom saman á Austurvelli og fagnaði aldamótunum 1900 - 1901. Víðar um land var lokadags aldarinnar minnst með viðhöfn, svo sem á Akureyri og Ísafirði.
- 1914 - Gleðskapur var með mesta móti í Reykjavík, en frá og með miðnætti var öll sala og framleiðsla áfengis bönnuð á Íslandi um alllangt skeið.
- 1929 - Guy Lombardo lék Auld Lang Syne í fyrsta sinn.
- 1944 - Seinni heimsstyrjöldin: Ungverjaland sagði Þýskalandi stríð á hendur.
- 1949 - Gamlárskvöld fór fram með besta móti í Reykjavík og var það þakkað brennum, sem skipulagðar voru víða um borgina.
- 1956 - Rithöfundasjóður Ríkisútvarpsins veitti styrki í fyrsta sinn og voru fyrstu styrkþegar Snorri Hjartarson og Guðmundur Frímann.
- 1963 - Sambandsríki Ródesíu og Nýasalands leystist upp þegar tveir hlutar þess, Norður-Ródesía og Nýasaland, fengu sjálfstæði frá Bretlandi og urðu að Sambíu og Malaví.
- 1970 - Halldór Laxness birti grein í Morgunblaðinu sem hann nefndi Hernaðurinn gegn landinu og olli hún miklum deilum. Þar mótmælti hann meðal annars hugmyndum um stórvirkjanir og framræslu mýra.
- 1985 - Sinubrunar urðu vegna flugelda á höfuðborgarsvæðinu, því að þurrt var og auð jörð.
- 1990 - Rússinn Garrí Kasparov varði titill sinn í heimsmeistaramótinu í skák þegar hann lagði landa sinn Anatolíj Karpov að velli.
- 1991 - Sovétríkin leystust upp.
- 1999 - Boris Jeltsín sagði af sér sem forseti Rússlands og Vladímír Pútín var settur forseti í hans stað.
- 1999 - Panamaskurðurinn komst allur í hendur Panama.
- 2005 - Flugeldasala Hjálparsveitar skáta í Hveragerði brann eftir að sprenging varð í húsnæðinu um eittleytið, einnig brunnu tæki hjálparsveitarinnar, bílar og fleira. Einn fótbrotnaði en allir komust lífs af.
- 2006 - Útvarpsstöðin Kántríbær hætti útsendingum.
Fædd[breyta | breyta frumkóða]
- 1378 - Kalixtus 3. páfi (d. 1458).
- 1491 - Jacques Cartier, franskur landkönnuður (d. 1557).
- 1869 - Henri Matisse, franskur málari og grafískur hönnuður (d. 1954).
- 1877 - Viktor Dyk, tékkneskt skáld (d. 1931).
- 1914 - Gils Guðmundsson, íslenskur rithöfundur og stjórnmálamaður (d. 2005)
- 1937 - Anthony Hopkins, velskur leikari.
- 1941 - Alex Ferguson, skoskur knattspyrnukappi og knattspyrnustjóri.
- 1943 - John Denver, bandarískur söngvari (d. 1997).
- 1943 - Ben Kingsley, enskur leikari.
- 1948 - Donna Summer, bandarísk söngkona (d. 2012).
- 1954 - Alex Salmond, skoskur stjornmalamadur.
- 1954 - Ingibjörg Sólrún Gísladóttir, íslenskur stjórnmálamaður.
- 1959 - Val Kilmer, bandarískur leikari.
- 1966 - Rúnar Róbertsson, útvarpsmaður á Bylgjunni.
- 1972 - Gregory Coupet, franskur knattsyrnumadur.
- 1977 - Psy, sudur-koreskur songvari og lagahofundur.
- 1982 - Craig Gordon, skoskur knattspyrnumadur.
Dáin[breyta | breyta frumkóða]
- 1848 - Johann Gottfried Jakob Hermann, þýskur fornfræðingur (f. 1772).
- 1855 - Karl Friedrich Hermann, þýskur fornfræðingur (f. 1804).
- 1964 - Ólafur Thors, forsætisráðherra (f. 1892).
Hátíðis- og tyllidagar[breyta | breyta frumkóða]
- Gamlárskvöld (síðasti dagur ársins) í löndum þar sem gregoríska tímatalið er notað.
Heimilidir[breyta | breyta frumkóða]
- „Útvarpsstöð Kántríbæjar hættir útsendingum á morgun“, skoðað þann 2. janúar 2007.
|