২০ আগষ্ট

২০ আগষ্ট দিনটো গ্ৰেগৰিয়ান বৰ্ষপঞ্জী অনুসাৰে বছৰৰ ২৩২ তম (অধিবৰ্ষত ২৩৩ তম) দিন। বছৰটো শেষ হ’বলৈ আজিৰ পৰা মুঠ ১৩৩ টা দিন বাকী থাকে। এইদিনটোত ঘটা কেইটামান উল্লেখযোগ্য ঘটনা-

জন্ম

1. ১৯০১ চনৰ আজিৰ দিনটোতে ইটালীৰ কোৱাশ্বিমোডোৰ জন্ম হয়। ১৯৫৯ চনত তেওঁ সাহিত্যৰ নোবেল বঁটা লাভ কৰিছিল ।
2. ১৯৪৪ চনৰ আজিৰ দিনটোতে ভাৰতৰ প্ৰাক্তন প্ৰধান মন্ত্ৰী ৰাজীৱ গান্ধীৰ জন্ম হয় ।
3. ১৯৩৪ চনৰ আজিৰ দিনটোতে গুৱাহাটী বিশ্ববিদ্যালয়ৰ অসমীয়া বিভাগৰ প্ৰাক্তন মুৰব্বী অধ্যাপক, শ্ৰীমন্ত শঙ্কৰদেৱ সঙ্ঘৰ প্ৰাক্তন উপ-পদাধিকাৰ ভৱপ্ৰসাদ চলিহাদেৱৰ জন্ম হৈছিল ৷
4. ১৯৬০ চনৰ আজিৰ দিনটোতে অসমীয়া সাহিত্য জগতৰ এগৰাকী কবি, ঔপন্যাসিক আৰু সাহিত্য অকাডেমি বঁটা বিজয়ী লেখিকা (‘‘মাকাম’’ৰ স্ৰষ্টা) ড° ৰীতা চৌধুৰীৰ জন্ম হৈছিল ।

অনান্য

1. ১৯৭৪ চনৰ আজিৰ তাৰিখতে ফখৰুদ্দিন আলি আহমেদ ভাৰতৰ সৰ্বোচ্চ পদবী ৰাষ্ট্ৰপতি পদত অধিষ্ঠিত হয় ।
2. ১৮২৮ চনৰ আজিৰ দিনটোতে কলকতাত ব্ৰাহ্ম সমাজ প্ৰতিষ্ঠা হয় ।
3. ১৮৯৭ চনত আজিৰ দিনটোতে ইংৰাজ বিজ্ঞানী ছাৰ ৰনাল্ড ৰছে মেলেৰিয়া ৰোগৰ বীজাণু যে মহৰ দ্বাৰা সংক্ৰমিত হয় সেই কথা আৱিষ্কাৰ কৰে ।
4. ১৯৯১ চনৰ আজিৰ দিনটোতে এষ্টোনিয়াই পূৰ্ণ স্বাধীনতা লাভ কৰে ।

দিৱস

1. আজি সদ্ভাৱনা দিৱস।

বাহ্যিক সংযোগ

• বিবিচি: এই দিনটোত ঘটা কেইটামান উল্লেখযোগ্য ঘটনা

---