Jode
Jode | |
---|---|
Totale bevolking: | 13 428 300[1] |
Belangrike bevolkings in: | Israel 5 703 700[1] Verenigde State 5 275 000[1] Frankryk 483 500[1] Kanada 375 000[1] Verenigde Koninkryk 292 000[1] Rusland 205 000[1] Argentinië 182 300[1] Duitsland 119 000[1] Australië 107 500[1] Brasilië 95 600[1] Oekraïne 71 500[1] Suid-Afrika 70 800[1] Hongarye 48 600[1] Oekraïne 71 500[1] Meksiko 39 400[1] België 30 300[1] Nederland 30 000[1] Italië 28 400[1] Chili 20 500[1] Alle ander lande 250 200[1] |
Taal: | Hebreeus, Jiddisj, Ladino |
Geloofsoortuiging: | Judaïsme |
Verwante etniese groepe: | Arabiere en ander Semiete. |
Die woord Jood (van Hebreeus: יהודים: jehudi meervoud jehudim) word op verskillende maniere gebruik, maar verwys mees algemeen na 'n navolger van die Joodse geloof, 'n kind van 'n Joodse moeder, of 'n lid van die Joodse kultuur of etnisiteit en gereeld 'n kombinasie van hierdie kenmerke. Hierdie artikel bespreek die etniese groep; vir 'n oorweging van die geloof, kyk gerus na Judaïsme.
Die meeste Jode beskou hulleself as 'n volk, lede van 'n nasie, en die voorvaders van Joodse nasionale identiteit word deurgetrek vanaf die Bybelse patriarg Abraham (Avraham), sy seun Isaak en veral Jakob (Ja'akov), Isak (Jitshak) se seun, asook deur die persone wat mettertyd by hulle aangesluit het as bekeerdes (sien ook Israeliete). Die term Jood ("Jahudi") se oorsprong begin by die verdeling van die Koninkryk van Israel (Jisra'el) in die noordelike Koninkryk van Israel en die suidelike Koninkryk van Juda (Jahuda). Daarom is die Israeliete (wat later deur die Assiriërs verwoes is) afkomstig vanuit die noordelike koninkryk, en die Jode (Jahudim) - wat oorleef het - van die suidelike koninkryk. Algaande het die woord Jood begin verwys na dié van die Joodse geloof eerder as dié wat van Juda afkomstig is. Etniese Jode sluit sogenaamde "gelowige Jahudim" (die wat Judaïsme beoefen) asook "sekulêre Jahudim" (dié wat nie Judaïsme as 'n geloof beoefen nie), maar nog steeds hulleself as Jode in 'n kulturele of etniese sin identifiseer) in.