30. júlí

30. júlí er 211. dagur ársins (212. á hlaupári) samkvæmt gregoríska tímatalinu. 154 dagar eru eftir af árinu.

Atburðir[breyta | breyta frumkóða]

657 - Vítalíanus páfi tók við embætti.
1284 - Sturla Þórðarson sagnaritari lést. Hann var lögmaður um skeið og tók saman eina gerð Landnámu og einnig Íslendingasögu.
1514 - Rússar hertóku pólsku borgina Smolensk.
1588 - Englendingar unnu sigur á Flotanum ósigrandi.
1609 - Franski landkönnuðurinn Samuel de Champlain tók þátt í orrustu milli húronindíána og írókesa og skaut tvo höfðingja írókesa til bana.
1619 - Burgeisaþingið, fyrsta þing landnema í Norður-Ameríku kom saman í Jamestown, Virginíu.
1626 - Um tíu þúsund manns létust þegar jarðskjálfti reið yfir Napólí á Ítalíu.
1627 - Ítölsku bæirnir Torremaggiore og San Severino hrundu í jarðskjálfta.
1797 - Geir Vídalín var vígður biskup Skálholtsbiskupsdæmis og fór vígslan fram á Hólum, en aðsetur biskups skyldi vera í Reykjavík.
1874 - Kristján 9. konungur Íslands og Danmerkur kom til Íslands til að vera viðstaddur þjóðhátíð í byrjun ágúst. Hann var fyrsti konungur Íslands sem kom til landsins.
1907 - Friðrik 8. konungur Íslands og Danmerkur kom til Íslands og ferðaðist um Suðurland auk þess að fara til Ísafjarðar, Akureyrar og Seyðisfjarðar.

1909 - Giftar konur fengu kosningarétt á Íslandi, svo og þær vinnukonur sem greiddu opinber gjöld.
1932 - Sumarólympíuleikar voru settir í Los Angeles.
1946 - Bifreið var ekið í fyrsta sinn úr Fljótum um Lágheiði og til Ólafsfjarðar og tók ferðin 6 klukkustundir.
1950 - Skúli Guðmundsson setti Íslandsmet í hástökki sem stóð í 10 ár.
1951 - Örn Clausen varð Norðurlandameistari í tugþraut, þá 22 ára gamall.
1961 - Brú var vígð yfir Hornafjarðarfljót og var hún þá næstlengsta brú landsins, 255 metrar.

1971 - 162 létust í árekstri Boeing 727-farþegaþotu og herþotu í Japan.
1977 - Stálvík í Garðabæ hleypti af stokkunum fyrsta skuttogara, sem smíðaður var hérlendis, Stálvík, SI.
1980 - Vanúatú fékk sjálfstæði frá Bretlandi og Frakklandi.
1994 - Langferðabíll með 32 erlenda ferðamenn valt út af veginum fyrir ofan Bólstaðarhlíð í Húnavatnssýslu. Fjölmargir slösuðust og ellefu voru lagðir á sjúkrahús.
1998 - Obuchi Keizo tók við af Ryūtarō Hashimoto sem forsætisráðherra Japans.
2000 - Stafkirkja var vígð í Vestmannaeyjum. Hún var gjöf frá Norðmönnum.