Wikipedia:Datenschutz

Wikipedia:Dateschutz

Richtlinie

• Zentrali Grundsätz
• Was d Wikipedia nit isch
• Artikelrichtlinie
• Dialäktrichtlinie
• Neutrale Standpunkt
• Kei Theoriifindig
• CC-BY-SA 3.0 Unported-Lizenz
• GNU Freie Dokumentationslizenz
• Urheberrecht
• Dateschutz
• Wikiquette
• Namenskonvention
• Kategorie
• Wiä schriib ich guets Alemannisch?
• Rotschläg fir Ibersetzige

---

Hywys

Die Site isch e Übersetzig vo de Dateschutzrichtlinie vo de Wikimedia Foundation. Im Zwyfelsfall gältet numme sälli Änglischi Version als offiziäll. Bitte düe Änderigsvorschläg uff de Diskussionssite uff em Metawiki diskutiere.

---

Zämmefassig

Wenn du numme Site vo me Wikimedia-Brojäkt lysisch, no speichere d'Dienschträchner nit meh Informatione über dich ab wie's bi Internetsite ieblig isch.

Wenn dr zu einem vo de Brojäkt bydraisch, no wird jedes Wort, wo dr abspeichersch, veröffentligt. Wenn dr öbbis schribsch, no wird säll duhaft öffentlig z seh sy. Säll gältet für Artikel, Nutzer- und Diskussions- wie au für alli andere Arte vo Site. Es git e baar Usnahme, wo witer unde genauer erchlärt werre.

Veröffentligunge im Wiki

Wenn dr e Site eifach numme alüegsch, no wird dini Identität nit öffentlig sichtbar sy. Soball dr aber e Site bearbeitsch, veröffentligsch du e Dokumänt. Säll isch öffentlig; jede cha dich deno als Autor vo dem Bydrag identifiziere.

Identifikation vom Autor

Wenn dr e Wiki-Site bearbeitsch, no chasch e Sitzig uffmache, d.h. dich amälde, oder's blybe lo.

Im Fall dr dich agmäldet häsch, no cha mer dy Nutzername als Autor usefinde. Als Nutzername chasch dy ächte Name wähle, wenn dr wottsch, chasch aber au under me Pseudonym schaffe. De Nutzername wird bim Alege vom Chonto festglegt.

Im Fall dr dich nit agmäldet häsch, no cha mer dini IP-Adräss öffentlig seh. Säll sin vier Gruppe vo Zahle, wo ussait, bi wellem Internetabieter du bisch, oder, wenn dr a me öffentlige Computer schaffsch, wem dä ghört (zum Bispyl dinem Chef). Es cha sy, dass öbber d'Herchumft vo diner IP-Adräss usefindet und dich deno mithilf vo de Interässe, wo durch dini Bearbeitige villicht chlar wird, identifiziere.

Es cha für öbber genauso güet eifach wie schwyrig sy, über dini IP-Adräss dini richtigi Identität usezfinde. Vo dem her isch's besser, dich mit me Pseudonym azmälde, wenn dr d'Anonymität wichtig isch.

Wenn dr e Pseudonym benutzisch, no wird dini IP-Adräss nit publiziert; e Usnahm bildet de Missbruchsfall. Säll gältet für jedi beliebigi Art vo Vandalismus, wo dr uff de Wikimedia-Site vornimmsch – du oder öbber, wo di glychi IP-Adräss benutzt wie du. D'Dienschträchner speichere dini IP-Adräss ab und öbber, wo d'CheckUser-Rächt hät, cha si usefinde. Under gwüsse Umständ werre si an Dritti witergee (lüeg unde).

Wenn dr de Computer vo dinem Arbetgäber benutzisch, no isch's für dä meistens eifach, dini IP-Adräss und dodemit dini Bydräg usezfinde. Drum isch e Nutzerchonto anonymer; du darfsch aber nit vergässe, dich noch de Sitzig abzmälde, wenn de Computer für anderi züegänglig isch. Wenn dr des nit machsch, no cha jede, wo Züegang zum Computer hät, under dinem Chonto Bearbeitige vorneh.

Cookies

Jedes Mol, wenn dr e Wikimedia-Site uffrüefsch, wird vom Wiki e temporärs Cookie überdrage (PHPSESSID). Wenn de dich nit amäldsch, no chasch s Cookie ablähne; für d'Verwändig vo dinem Chonto (Sitzig) isch's aber nötig. Es wird glöscht, soball dr d'Sitzig beändsch.

Es chönne au Cookies überdrage werre, wo dr dich demit nit jedes Mol neu amälde müesch. Sälli blybe 30 Däg uff dinem Computer. Wenn dr e öffentlige Computer benutzisch, no chasch sälli Cookies am Änd vo diner Aktivität lösche, sodass niemer dy Nutzername usefinde cha (dodezüe müesch aber au de Zwüschespeicher (Cache) vom Internetbrogramm leere)

Basswörter

Vyli Aspäkt vo de Gmeinschafts-Interaktione in de Wikimedia-Brojäkt basiere uff Reputation und Respäkt, wo bi de Arbet an de Wikipedia-Artikel erwachse sin. Basswörter sin di einzigi Garanty, dass d'Integrität vo de Bearbeitigsgschicht vo me Nutzer gwährleistet wird. Alli Nutzer sotte sicheri Basswörter wähle und si niemerem verrote. Niemer soll absichtlig s Basswort vo me andere Nutzer diräkt oder indiräkt veröffentlige.

Brotokollierig

Jedes Mol, wenn dr e Site im Netz bsüechsch, wird jedi Mängi an Informatione an de Dienschträchner vo derre Site gschickt. Di meiste Dienschträchner nutze sälli Informatione zum e Übersicht griege, welli Site wie beliebt isch oder was für e Internetbrogramm de Bsüecher nutzt. D'Dienschträchner vo de Wikimedia Foundation nämme d'Informatione nit uff, dass demit legitimi Benutzer überwacht werre.

D'Brotokoll werre für d'Statistike uff derre Site verwändet. D'Date uss de Brotokoll werre nit veröffentligt und normalerwis noch ca. zwei Wuche glöscht.

Des isch e Bispyl defür, was noch em Bsüech im Brotokoll stoh cha:

64.164.82.142 - - [21/Oct/2003:02:03:19 +0000]
"GET /wiki/draft_privacy_policy HTTP/1.1" 200 18084
"http://en.wikipedia.org/wiki/Wikimedia_projects:Village_pump"
"Mozilla/5.0 (Macintosh; U; PPC Mac OS X; en-us) AppleWebKit/85.7 (KHTML, like Gecko) Safari/85.5"

D'Entwickler chönne d'Brotokoll yseh zum technischi Broblem löse und Bots finde, wo falsch ygstellt worre sin und e z großi Bandbreiti hän. D'IP-Adrässe vo de Benutzer, wo in de Brotokoll agee werre, werre oft dezüe benutzt, de Nutzer und d'IP-Adräss in e Zämmehang z bringe. Säll wird brucht zum de Missbruch vo de Wikimedia-Brojäkt verhindere, zum Bispyl d'Erstellig vo Sockebubbe (mehreri Chonte, wo vo einem Nutzer verwaltet werre), Vandalismus, Belästigung vo de Nutzer oder s Störe vo de Artikelarbet.

Reglig vo de Publizierig vo Date uss de Brotokoll

Es ghört zu de Bolitik vo de Wikimedia-Brojäkt, dass d'Informatione in de Brotokoll, wo e CheckUser-Berächtigte seh cha und wo demit e Person identifiziert werre cha, vo Systemadministratore und CheckUser under denne Umständ veröffentligt werre chönne:

1. Wenn's e Antwort uff e gültigi Afrog vo-n-re gsetzlige Autorität isch.
2. Wenn de Nutzer, wo's bedrifft, sy Yverständnis gee hät.
3. Wenn si de Bräsidänt vo de Wikimedia Foundation und sy Root bruche zum e Missbruchsbeschwärde undersüeche.
4. Wenn sich's um Date über irgende beliebige Bot handelt und mer d'Informatione zum Erkänne und Löse vo technische Broblem brucht.
5. Wenn de Nutzer über längeri Zit Artikel vandaliert hät oder uff e anders unzüelässigs Verhalte uffwyst; deno cha d'Information als Mittel für e zylti IP-Sperrig oder e Beschwärde bim Internetabieter publiziert werre.
6. Wenn's zum Schutz vom Rächt, im Bsitz oder de Sicherheit vo de Wikimedia Foundation oder ihre Nutzer nötig isch.

Noch de Richtlinie vo de Wikimedia chönne d'Date nit publiziert werre, wenn keini vo denne Bedingige erfüllt isch.

Witergab an Dritti

Wo's nit usdrücklig anderscht vermerkt isch, wird jede Tekscht, wo uff d'Wikimedia-Brojäkt uffeglade wird, under de Creative Commons-Lizenz Attribution-ShareAlike 3.0 Unported lizenziert.

D'Wikimedia git keini brivate Date vo de Nutzer an Dritti witer (z.B. E-Mail-Adräss), usser wenn's sälli erlaube oder's s Gsetz verlangt.

Verdrauligkeit vo de Informatione

D'Wikimedia Foundation garantiert nit, dass d'Informatione, wo dr bi dine Ystellige agisch, verdraulig behandlet werre. Jede, wo Züegriff uff d'Dienschträchner hät, cha si seh. E Liste vo de Systemadministratore findet mer do.

E-Bost, Mailingliste und IRC

E-Bost

Du chasch bi dine Ystellige dini E-Mail-Adräss agee und's dodemit andere agmäldete Nutzer erlaube, dir über d'Wikipedia e E-Brief z schrybe. Sälli Nutzer chönne dini Adräss nit seh, solang du ne nit antwortsch oder d'E-Mail durch e Fählermäldig vom E-Mail-Dienschträchner beantwortet wird. Au d'Wikimedia Foundation cha d'Adräss für globali E-Mails verschicke.

Wenn de dini E-Mail-Adräss nit agisch, no chasch dr kei neus Basswort schicke lo, wenn dr's emol vergissisch. Allerdings chasch e Systemadministrator kontaktiere, wo d'E-Mail-Adräss zu dine Ystellige dezüedüe cha.

Du chasch dini E-Mail-Adräss jederzit uss dine Ystellige lösche, wenn de nümmi wottsch, dass si vo andere Wikipedia-Nutzer brucht wird.

Mailingliste

Wenn dr eini vo de Mailingliste abonniersch, no chönne alli andere Abonnänte dini E-Mail-Adräss seh. D'Archiv vo de Wikimedia-Mailingliste sin meistens öffentlig züegänglig und dini E-Mail-Adräss cha dört uffglistet werre. D'Archivierig wird durch de Gmane vorgnoh. D'E-Mails werre numme im Usnahmefall glöscht.

Adrässe vo Informationsdienscht

Bi mänke E-Mail-Adrässe (lüeg unde) cha e Mail, wo dr aneschicksch, an e Gruppe vo Verdrauespersone vo de Wikimedia Foundation witergleitet werre (z.B. ORTS). Deno sin d'Mails zwar nit öffentlig sichtbar, di gnännti Gruppe vo Nutzer cha si aber seh, wenn d'Mail züe-n-ne witergleitet wird. D'Gruppe cha dini Frog deno diskutiere zum dir e besseri Antwort gee. Zu de E-Mail-Adrässe, wo vom OTRS gleitet werre, ghöre

• info-de [at] wikipedia [Punkt] org
• info-en [at] wikipedia [Punkt] org
• info-es [at] wikipedia [Punkt] org
• info-fr [at] wikipedia [Punkt] org
• info-it [at] wikipedia [Punkt] org
• info-nl [at] wikipedia [Punkt] org
• info-pl [at] wikipedia [Punkt] org

E E-Mail an eini vo sälle Adrässe cha ans OTRS witergleitet werre.

IRC-Chatrüm

De IRC-Chat ghört offiziäll nit zu de Wikimedia. Wer an eso me Chat deilnimmt, dem sini IP-Adräss wird evtl. für di andere Deilnämmer sichtbar sy. D'Regelige über d'Veröffentligung und Brotokollierig vo Diskussione sin verschyde.

Informatione über Nutzer

Informatione wie s Datum und d'Uhrzit vo ihre Bearbeitige cha jede mithilf vo de Site Spezial:Bydräg seh.

Löschig vo Nutzerchonte

Wenn dr e Chonto eimol uffgmacht häsch, no chasch es nümmi lösche. Es isch mittlerwyli möglig, e Nutzer umzbenänne (je noch em Wiki, wo-n-er aktiv isch und de Azahl Bearbeitige). D'Wikimedia Foundation garantiert aber nit, dass e Chonto uff Afrog umbenännt wird.

D'Löschig vo Agabe vo me Nutzerchonto wird noch de Richtlinie vo de einzelne Wikis braktiziert.

Löschig vo Inhalt

Wenn e Site glöscht wird, no wird si nit vollständig glöscht. In normale Artikel cha jeder in de Versionsgschicht di verschydene Versione vo de Site alüege. Wenn e Administrator d'Site löscht, no chönne alli Administratore witerhy di glöschte Versione seh; eso wird de Missbruch vo de Löschfunktion verhindert. E definitivi Löschig cha numme vo de Systemadministratore duregfiehrt werre; säll wird aber normalerwis nit gmacht, sondern numme wenn's uss rächtlige Gründ brucht wird.

---

Dä Artikel basiert uff re freie Übersetzig vo derre Site und stoht under de Creative Commons-Lizenz Attribution-ShareAlike 3.0 Unported. E Liste vo de Autore findsch do.

---