Monaco

Fia andane Bedeitunga schau: Monaco (Begriffsklearung).

Principauté de Monaco Fiaschtndum Monaco
Woispruch: Deo Juvante (Lateinisch fia »Mit da Huif vo God«)
Amtssproch	Franzesisch
Haptstod	Monaco1
Stootsform	konstitutionelle Erbmonarchie
Stootsobahapt	Fiascht Albert II.
Regiarungschef	Jean-Paul Proust
Fläch	1,97 km²
Eiwohna	uma 33.300 (November 2004), davon 5.070 Monegassen und 900 Deutsche
Dichtn	16.866 Eiwohna pro km²
Währung	Euro
Nationalhymne	Hymne Monégasque
Zeitzone	MEZ (UTC+1)
Kfz-Kennzoachn	MC
Internet-TLD	.mc
Telefonvoawoi	+377
1 Monaco is a Stodstoot. Monaco-Ville („Monaco-Stod“) ist koa Stod, sondan nur a Stodbeziak, in dem wo da Palast liegt.

As Fiaschtndum Monaco is a Stodstoot in Westeiropa. Es liegt, vo Frankreich umschlossn, an as Middlmeea-Gstod in da Nachan zua italienischn Grenz. Frankreich is fia de militärische Sicherheit vo Monaco zuaständig.

Da Nama geht auf griachische Siedla zruck, de wo si im 5. Joarhundat v. Chr. im Gebiet vom heitign Monaco niedaglossn ham. Heit is Monaco bsundas bei de Reichn vo da Wäid ois Wohnsitz begeat, wei koa Einkommensteia und koa Erbschaftsteia erhom werd und im Ausland begangane Finanzvergehn net vafoigt wern.

Gschicht

Monaco steht seit am 13. Joarhundat unta da Herrschaft vo de Grimaldi (urspringli aus Genua). 1731 is de männliche Linie vo da Familie ausgstorbn, de Familie Goyon-Matignon (eigheirat) is in Nama und Herrschaft nochgfoigt. Am 17. Juli 1918 is a Erschts Bilaterals Obkomma mit Frankreich gschlossn worn. Internationale Aufmerksamkeit hots 1956 gem, wia de amerikanische Schauspuiarin Grace Kelly an Fiaschtn Rainier gheirat hod. 1993 is da Beitritt zur UN eafoigt. Seitm 7. Jenna 2000 gibts an ständigen Vertreter bei der EU in Brüssel. 2005 is des Zwoate Bilaterale Obkomma mit Frankreich gschlossn worn.

Eadkund

Des Fiaschtndum liegt an da franzesischen Mittelmeagstod, auf 43° 44' neadlicha Broadn und 7° 25' estlicha Läng zwischn da franzesischn Stod Nizza im Westn (15 km Entfernung) und da franzesisch-italienischen Grenz im Osten. De Gstodläng vom Fiaschtndum betrogt 4,1 km. In de letztn Joarzehnte hod ma des Stootsgebiet durch Landgewinnung um 40 ha auf 197 ha (1,97 km²) vagrässat.

Mit seina recht kloanan Fläch is Monaco, nochm Vatikanstaat, da kloanste Stoot vo da Wäid, hod oba de hechste Einwohnadichte vo alle Stootn.

Verwoitungsgliedarung

De Unterscheidung zwischn Staat und Stod is rein theoretisch, da Staat besteht de facto nur aus da Stod. Nach da Verfassung vo 1911 war des Fürstentum ursprünglich in drei Gmoandn gliedert:

• Monaco (Monaco-Ville, Oidstod mit Fiaschtnnpalast)
• Monte Carlo (Nordosten)
• La Condamine (Westen und Nordwesten mit Hafengebiet)

1917 san aba de drei Gmoana in oane zsamgfasst worn und geltn iatz ois Stodbezirke (Quartiers). Ois vierta Stodbezirk is Fontvieille dazuakemma, der ab in ebba 1970 im Sidwestn duach Neilandgwinnung aus'm Meer entstandn is. In da Folge san no mehra Stodbezirke entstandn.

Heit werd des Fiaschtndum in 10 Stodbezirke gliedert.

Nr	Stodbeziak (Quartier)	Fläch (m2)	Eiwohna (Zensus Zensus 2000)	Dichtn km−2	Blocks (îlots)	Omeakung
Ehemolige Gmoa Monaco
05	Monaco Ville	184.750	1.034	5.597	19	Oidstod mit Fürstenpalast
Ehemolige Gmoa Monte Carlo
01	Monte Carlo/Spélugues (Bd. Des Moulins-Av. de la Madone)	281.461	3.034	10.779	20	Wohngebiete und Hotels
02	La Rousse/Saint Roman (Annonciade-Château Périgord)	105.215	3.223	30.633	15	im Nordostn, mit Le Ténao
03	Larvotto/Bas Moulins (Larvotto-Bd Psse Grace)	328.479	5.443	16.570	15	Küstengebiet im Osten
10	Saint Michel (Psse Charlotte-Park Palace)	142.223	3.807	26.768	24	zentrals Wohngebiet
Ehemolige Gmoa La Condamine
04	Condamine	237.283	3.847	16.213	27	Nordwestn mit am Hofngebiet
07	La Colle (Plati-Pasteur-Bd Charles III)	188.073	2.822	15.005	15	an der Westgrenz mit Cap d'Ail
08	Les Révoires (Hector Otto-Honoré Labande)	75.747	2.515	33.203	11	mit dem Jardin Exotique
09	Moneghetti/ Bd de Belgique (Bd Rainier III-Bd de Belgique)	107.056	3.003	28.051	18
Neilandgwinnung ausm Meer
06	Fontvieille	324.157	3.292	10.156	9	Neilandgwinnung (seit 1971)
11	Le Portier	275.0001)	-	-	-	geplant (Bezug ab 2014)
	Monaco	1.974.444	32020	16217	173
1) geplante Flächn, net in da Summe enthoitn

Weda

Klimadiagramm vo Monaco

In Monaco herrscht a ognehms Mittelmääaklima, mit muidn Wintan und woarman, nia z hoassn Summan.

Beväikarung

Luftosicht vo Monaco

Monaco ist oana vo de am dichtesten bsiedlten unabhängign Stootn auf dera Wäid (uma 17.000 Eiwohna pro km²). De Eiwohna vo Monaco wern Monegassen gnennt. De hoamische Beväikarung (2004: 7.600) mocht oba nua an relativ kloan Otei vo da Beväikerung aus. 47 % vo de Eiwohna san Franzosn. Italiener und Monegassen mochan jeda 16 % vo da Beväiksrung aus. De restlichn 21% vateil si auf 125 verschiedne Nationaliteten.

Sproch

As Monegassische ist a romanischa Dialekt, de wo mitm ligurischen Dialekt vom Italienischn vawandt is. Alloanige Amtssproch is aba Franzesisch. Dazua werd in Monaco aa no Italienisch und Englisch gredt.

Religion

De Remisch-Katholische Kira is de Stootskira. Monaco is da Sitz von am Erzbischof, dea wo direkt am Heiligen Stui untastäit is.

Literadua

• Veszelits, Thomas: Die Monaco AG. Wie die Grimaldis ihr Fürstentum vergolden. Frankfurt a. Main 2006, ISBN 3-593-37956-2
• Bettina Grosse de Cosnac: Der Clan von Monaco - Geschichte und Gegenwart der Grimaldis, Europa-Verlag, Hamburg, 2002, ISBN 3-203-77520-4

Im Netz

 Commons: Monaco – Oibum mit Buidl, Videos und Audiodateien

• Hoamseitn vo da Regierung vo Monaco
• Lända- und Reiseinformationa vom Auswärtigen Amt

Stootn in Eiropa

Albanien | Andorra | Bäigien | Bosnien-Herzegowina | Buigarien | Denemark² | Deitschland | Estland | Finnland | Frankreich² | Griachaland | Holland² | Irland | Island | Italien² | Kasachstan¹ | Kosovo | Krowozien | Lettland | Liachtnstoa | Litaun | Luxnbuag | Malta | Mazedonien | Moldawien | Monaco | Montenegro | Norwegn² | Östareich | Poin | Portugal² | Rumänien | Russland¹ | San Marino | Schweden | Schweiz | Serbien | Slowakei | Slowenien | Spanien² | Tiakei¹ | Tschechei | Ukraine | Ungarn | Vaoanigts Kinireich (UK)² | Vatikanstod | Weißrussland

¹ Liegt zan gresstn Tei in Asien.  ² Hod aa Gebiete aussahoib vo Eiropa.