2 Шыжа

2 Шыжа — григориан кечышот почеш идалыкын 275-ше (кужемдыме ийлаште 276) кечыже. Идалык пытыме марте 90 кече кодеш.

Пайрем-влак

Россий — Профтехобразований кече.

Лӱмгече

Шыжа тылзын кокымшо кечынже Игорь, Константин, Алекей, Гавриил, Георгий, Давид, Макар, Трофим да Фёдор-влакын лӱмгечышт палемдалтеш.

Мо лийын

Тыгак ончо: Категорий:2 Шыжа Мо лийын

• 1552 — Шучко Йыван кугыжан войскаже-влак Озаҥ олам руалтен налыныт, Озан ханстве Россий дек куснен.
• 1803 — Москваште икымше гана воздушный шарым южыш колтеныт.
• 1987 — «Взгляд» телепрограммын премьерыже лийын.

Кӧ шочын

Тыгак ончо: Категорий:2 Шыжа Кӧ шочын

• 1936 — Арнольд Валентинович Муравьёв, шанче да туныктыш пашаеҥ. Провой кундем Кожласолаште шочын. Паша корныжо Марий политехник институт дене кылдалтын: кафедре вуйлатышыланат, деканланат ятыр тыршен. 1995-2001-ше ийлаште Козьмодемьянск тоштер-заповедникын вуйлатышыжлан тыршен. Историйым шымлымаштат Арнольд Валентиновичын надырже кугу. Тиде суапле пашажлан тудым чап танык дене палемденыт.
• 1961 — Геннадий Феликсович Попов, туныктыш пашаеҥ. Поранча кундем Кугу пумарий ялыште шочын-кушкын. 1987-ше ий гыч тудо Арбор кыдалаш школ вуйлатышылан пашам ышташ тӱҥалын. Тӱвыра пашаштат уста вуйлатыше пагалымашым сулен шуктен: тудын чумырымо «Марий кумыл» ансамбльже эсогыл кундемна мучко чапланен.

Кӧ колен

Тыгак ончо: Категорий:2 Шыжа Кӧ колен

Калык пале

Трофим да Зосимын кечыже. Ожнысо йула почеш тиде кечын эрден-эрак муйым кочман улмаш да левырак вуд дене подыл колтыман. Калык палымат эскернеыт: мардеж кечвалвелым пуалеш гын, вес ий кокияш шурно лектыш сай лиеш.

	2 Шыжа Викиклатыште?