ديميتريوس
ديونيسوس او باكوس (باليونانى :Διόνυσος or Διώνυσος) كان فى ميثولوچى اليونانى كان إله الخمر و الاحتفلات و الفرح و السعاده و ملهم طقوس الابتهاج والنشوة و الفرح، كان معروف عن الرومان باسم باكوس و بالاضافه انه كان إله الخمر كان إله المسرح و الزراعه.
ولادته[تعديل]
بحسب ميثولوچى اليونانى , ديميتريوس كان ابن زيوس من ست بشريه اسمها سيملى, بس هيرا مرات زيوس كانت بتغير عليه من كل الستات , و بتحاول تقتل كل اولاده اللى من ستات تانيه, راحت لسيملى وقت ما كانت حامل فى ديميتريوس و سئلتها عن الاب فقالت لها زيوس , فهيرا عملت نفسها مش مصدقة و قالتلها لو زيوس هو ابو الطفل دا بجد يبقى لازم تشوفيه بصورته الطبيعيه الحقيقيه, و فعلا طلبت من زيوس انه تشوفه بهيئته الحقيقيه كإله و لما شافته ماتت من الخضه و من جبروت منظره , بس زيوس لحق الطفل اللى فى بطن سيملى , بس كان لسه مكتملش نموه فراح زيوس شق فخده و حط الجنين هناك و خيط الشق عليه و سابه لحد ما اكتمل نموه و اتولد.
