Luns
Na Galipedia, a Wikipedia en galego.
O luns ou segunda feira[1] é o primeiro día da semana. O termo "luns" vén do latín Lunae (dies) ou día da Lúa, e o termo "segunda feira" procede do latín secunda feria (ou feria secunda).
Índice
Nomes noutras linguas[editar | editar a fonte]
Lingua | Nome | Significado |
Alemán | Montag | Día da Lúa |
Búlgaro | Понеделник/Ponedelnik | O día despois do domingo |
Catalán | Dilluns | Día da Lúa |
Checo | Pondělí | O seguinte ó día de descanso |
Chinés Tradicional | 星期一/Xīng Qī Yī | Un da semana |
Español |
Lunes | Día da Lúa |
Eusquera | Astelehen | Primeiro da semana |
Francés |
Lundi | Día da Lúa |
Holandés |
Maandag | Día da Lúa |
Inglés |
Monday | Día da Lúa |
Irlandés | De Lúain | Día da Lúa |
Islandés |
Mánudagur | Día da Lúa |
Italiano |
Lunedì | Día da Lúa |
Noruegués |
Mandag | Día da Lúa |
Quechua |
Killa P'unchay | Día da Lúa |
Polaco |
poniedziałek | O día despois do Domingo |
Portugués |
Segunda-feira | Segundo día |
Romanés | Luni | Día da Lúa |
Ruso |
Понедельник/Ponidelnik | O Día despois do Domingo |
Xaponés |
月曜日/Getsuyoubi | Día da Lúa |
O luns na cultura popular[editar | editar a fonte]
O día indicado para cortarse as uñas é o luns, porque así non se sofre de dores de cabeza ou dores de moas.
Refraneiro[editar | editar a fonte]
- Mozo de luns e bois de sábado non valen un ochavo.
- O luns e o martes lava a curiosa; o mércores e o xoves, a envexosa; e o sábado, a preguizosa.
- O mariñeiro, o domingo, bo zapato e boa media, e o luns pola mañanciña vai descalzo pola area.
Cancioneiro[editar | editar a fonte]
- Cásate, Xan, en domingo,/ estarás o luns de voda,/ o martes traballarás,/ e acabouse a festa toda.
- Cásate Xan en domingo,/ estarás o luns de voda/ e o martes traballarás / para que folgue túa dona.
- Hoxe é luns, mañán é martes, / cuarta feira logo vén,/ de mañán en oito días/ éche a semana que vén.
- Hoxe é sábado alegre,/ mañán domingo trunfante,/ pasado é lunes triste / para el pobre trabajante.
- O mariñeiro o domingo/ bo zapato e boa media,/ o luns pola mañanciña/ vai descalzo pola area.
Notas[editar | editar a fonte]
Días da semana:[editar | editar a fonte]
Luns ~ Martes ~ Mércores ~ Xoves ~ Venres ~ Sábado ~ Domingo