馬其頓共和國

馬其頓共和國（馬其頓文：Република Македонија）係位於東南歐嘅巴爾幹半島南部嘅內陸小國，東臨保加利亞，北臨塞爾維亞，西臨阿爾巴尼亞，南臨希臘。由於希臘反對馬其頓共和國用「馬其頓」嘅名，世界上絕大多數國家以及聯合國等國際組織依家都暫時叫呢個國做「前南斯拉夫馬其頓共和國」（F.Y.R.O.M）。目前全世界大概有40個國家承認「馬其頓共和國」本身用嘅名。

馬其頓共和國先前係南斯拉夫嘅一部分，依家嘅首都同主要城市係斯科普里（史高比耶）。自獨立以來，馬其頓由於國名問題同希臘發生爭端，問題到依家仍然有待解決。