9. maí
Úr Wikipediu, frjálsa alfræðiritinu
9. maí er 129. dagur ársins (130. á hlaupári) samkvæmt gregoríska tímatalinu. 236 dagar eru eftir af árinu.
Atburðir[breyta | breyta frumkóða]
- 1593 - Í bréfi til hirðstjóra frá konungi var ákvæði þess efnis að innsigli Íslands skyldi vera hausaður óflattur þorskur með konungskórónu.
- 1625 - Danir hófu þátttöku í Þrjátíu ára stríðinu þegar Kristján 4. réðist með her inn í Þýskaland.
- 1768 - Rannveig Egilsdóttir lauk ljósmóðurprófi á Staðarfelli í Dölum. Hún var fyrsta menntaða ljósmóðirin á Íslandi.
- 1855 - Prentfrelsi var leitt í lög á Íslandi með tilskipun konungs.
- 1877 - Rúmenía fékk sjálfstæði frá Tyrkjaveldi.
- 1886 - Barnastúkan Æskan var stofnuð í Reykjavík.
- 1941 - Guðrún Á. Símonar, síðar óperusöngkona, kom fram í fyrsta skipti með hljómsveit Bjarna Böðvarssonar.
- 1945 - Sigurdagurinn í Evrópu: Endalok Evrópustríðs síðari heimstyrjaldarinnar í Austur Evrópu.
- 1957 - Björn Pálsson, sjúkraflugmaður, fór í frægðarflug til Scoresbysund á Grænlandi og sótti þangað tvær sængurkonur. Flugvélin var á skíðum.
- 1958 - Kvikmyndin Vertigo eftir Alfred Hitchcock var frumsýnd.
- 1964 - Verkamannasamband Íslands var stofnað.
- 1965 - Keflavíkurganga á vegum hernámsandstæðinga var gengin frá hliði herstöðvarinnar til Reykjavíkur.
- 1974 - Rithöfundasamband Íslands var stofnað.
- 1974 - Sverrir Hermannsson flutti lengstu ræðu sem flutt hafði verið á Alþingi og talaði í rúmlega fimm klukkustundir.
- 1978 - Lík Aldo Moro, sem rænt hafði verið tveimur mánuðum fyrr, fannst sundurskotið í skottinu á bifreið sem lagt var miðja vegu milli skrifstofa kristilega demókrataflokksins og kommúnistaflokkins í Róm.
- 1982 - Hrafnhildur Valbjörnsdóttir og Guðmundur Sigurðsson sigruðu á fyrsta Íslandsmóti í vaxtarrækt, sem haldið var í Reykjavík.
- 1992 - Áætlunarflugi með Fokker F27 flugvélum lauk á Íslandi, en það hafði staðið í nærfellt 3 áratugi. Við tóku Fokker 50 flugvélar.
Fædd[breyta | breyta frumkóða]
- 1831 - William Watson Goodwin, bandarískur fornfræðingur (d. 1912).
- 1874 - Howard Carter, breskur fornleifafræðingur (d. 1939).
- 1940 - James L. Brooks, bandarískur handritshöfundur.
Dáin[breyta | breyta frumkóða]
- 1280 - Magnús lagabætir, Noregskonungur (f. 1238).
- 1707 - Dietrich Buxtehude, skánskt tónskáld (f. um 1637).
- 1978 - Aldo Moro, ítalskur stjórnmálamaður (f. 1916).
- 1986 - Tenzing Norgay, nepalskur fjallgöngumaður (f. 1914).
|