25. júlí
Úr Wikipediu, frjálsa alfræðiritinu
25. júlí er 206. dagur ársins (207. á hlaupári) samkvæmt gregoríska tímatalinu. 159 dagar eru eftir af árinu.
Atburðir[breyta | breyta frumkóða]
- 1510 - Hekla gaus. Gosinu fylgdi mikið öskufall og grjótflug. Nokkrir menn fórust í Rangárvallasýslu og einn fórst í Skálholti vegna grjótflugs.
- 1593 - Hinrik 4. Frakkakonungur afneitaði kalvínisma og gerðist kaþólikki til að öðlast viðurkenningu sem konungur Frakklands.
- 1603 - Jakob 6. Skotakonungur var krýndur konungur Englands sem Jakob 1.
- 1875 - Hjálmar Jónsson, skáld, kenndur við Bólu í Skagafirði, lést í beitarhúsum frá Brekku, skammt frá Víðimýri í Skagafirði.
- 1898 - Bandaríski herinn réðst á land í Guánica í Púertó Ríkó.
- 1909 - Frakkinn Louis Blériot flaug fyrstur manna yfir Ermarsundið. Hann flaug frá Calais í Frakklandi til Dover í Englandi. Flugið tók um 40 mínútur.
- 1912 - Hannes Hafstein varð Íslandsráðherra í annað sinn og sat í tæp tvö ár.
- 1929 - Marteinn Meulenberg var vígður biskup kaþólskra á Íslandi, fyrstur eftir siðaskipti.
- 1946 - Alþingi samþykkti að sækja um inngöngu Íslands í Sameinuðu þjóðirnar. Aðildin kom til framkvæmda 19. nóvember.
- 1974 - Alþjóðadómstóllinn í Haag úrskurðaði að Íslendingum væri óheimilt að útvíkka landhelgi sína í 50 mílur.
- 1976 - Gosbrunnur í syðri hluta Tjarnarinnar í Reykjavík var opnaður. Sendiherra Bandaríkjanna gaf brunninn.
- 1984 - Salyut 7 geimfarinn Svetlana Savitskaya varð fyrsta konan til þess að vera utan geimfars í geimnum.
- 1992 - Sumarólympíuleikar settir í Barcelona á Spáni.
- 2010 - Uppljóstrunarvefurinn WikiLeaks birti leyniskjöl sem fjölluðu um þátttöku Bandaríkjahers í stríðinu í Afganistan.
Fædd[breyta | breyta frumkóða]
- 1848 - Arthur Balfour, forsætisráðherra Bretlands (d. 1930).
- 1894 - Gavrilo Princip, serbneskur launmorðingi (d. 1918).
- 1905 - Elias Canetti, búlgarskur rithöfundur og Nóbelsverðlaunahafi (d. 1994).
- 1920 - Rosalind Franklin, breskur eðlisefnafræðingur og kristallafræðingur (d. 1958).
- 1967 - Matt LeBlanc, ítalskur/amerískur leikari.
- 1978 - Louise Brown, fyrsta barnið sem fæddist eftir glasafrjóvgun.
Dáin[breyta | breyta frumkóða]
- 1241 - Hallveig Ormsdóttir, íslensk hefðarkona, sambýliskona Snorra Sturlusonar (f. um 1199).
- 1492 - Innósentíus VIII páfi (f. 1432).
- 1888 - Hermann Bonitz, þýskur fornfræðingur og textafræðingur.
- 1942 - Örn Arnarson (Magnús Stefánsson), íslenskt skáld og rithöfundur (f. 1884).
- 1987 - Ásgeir Blöndal Magnússon, málfræðingur og forstöðumaður Orðabókar Háskólans (f. 1909).
- 1990 - Óskar Gíslason, íslenskur kvikmyndagerðarmaður (f. 1901).
|