7. maí
Úr Wikipediu, frjálsa alfræðiritinu
7. maí er 127. dagur ársins (128. á hlaupári) samkvæmt gregoríska tímatalinu. 238 dagar eru eftir af árinu.
Atburðir[breyta | breyta frumkóða]
- 1197 - Sex menn létust í Lönguhlíðarbrennu eða Önundarbrennu. Bærinn Langahlíð stóð þar sem nú er Skriða í Hörgárdal.
- 1429 - Síðasta umsátursvirki Englendinga við Orléans, Tourelles, féll. Jóhanna af Örk varð hetja fyrir að leiða lokaáhlaupið þrátt fyrir að vera særð.
- 1682 - Pétur mikli varð Rússakeisari ásamt hálfbróður sínum Ívan.
- 1780 - Jón Teitsson vígður biskup á Hólum.
- 1810 - Sir George Stuart Mackenzie og Henry Holland læknir komu til Íslands og skrifuðu báðir merkar bækur um ferð sína.
- 1812 - Óveður geisaði á Vestfjörðum og fórust 54 menn á sjö skipum frá Önundarfirði.
- 1908 - Páll Einarsson var kosinn fyrsti borgarstjóri Reykjavíkur.
- 1915 - Farþegaskipinu Lusitaniu sökkt við Írlandsstrendur af þýskum kafbáti.
- 1934 - Borðeyrardeilan hófst um samningsrétt félaga í verkalýðsfélagi í Hrútafirði.
- 1951 - Bandaríkin sendu herlið til Íslands til að sjá um varnir þess, en samningur þess efnis var undirritaður tveimur dögum fyrr.
- 1957 - Helen Keller kom í heimsókn til Íslands til að styðja og hvetja blinda og mállausa. Hún var sjálf bæði blind og heyrnarlaus og varð fræg fyrir réttindabaráttu sína.
- 1961 - Keflavíkurganga á vegum hernámsandstæðinga var gengin frá hliði herstöðvarinnar til Reykjavíkur.
- 1978 - Jarðgöng undir Oddsskarð á milli Eskifjarðar og Neskaupstaðar voru vígð. Göngin eru í um 630 metra hæð og eru um 630 metra löng.
- 2007 - Gröf Heródesar konungs fannst í hæðinni Herodium og hafði hennar verið leitað þar í yfir 30 ár.
Fædd[breyta | breyta frumkóða]
- 1711 - David Hume, skoskur heimspekingur og sagnfræðingur (d. 1776).
- 1812 – Robert Browning, enskt ljóðskáld (d. 1889).
- 1833 - Johannes Brahms, þýskt tónskáld og píanóleikari (d. 1897).
- 1840 - Pjotr Tsjækovskí, rússneskt tónskáld (d. 1893).
- 1861 - Rabindranath Tagore, indverskt skáld (d. 1941).
- 1892 - Josip Broz Tito, forseti Júgóslavíu (d. 1980).
- 1901 - Gary Cooper, bandarískur leikari (d. 1961).
- 1910 - Sigurður Halldórsson, íslenskur knattspyrnumaður og formaður Knattspyrnufélagsins Fram (d. 1982).
- 1919 - Eva Perón, argentínsk forsetafrú (d. 1952).
- 1927 - Ruth Prawer Jhabvala, þýskur rithöfundur (d. 2013).
- 1939 - Ruud Lubbers, fyrrverandi forsætisráðherra Hollands.
- 1943 - Peter Carey, ástralskur rithöfundur.
- 1956 - Jan Peter Balkenende, forsætisráðherra Hollands.
- 1958 - Hákon Leifsson, íslenskur leikari.
- 1975 - Árni Gautur Arason, íslenskur knattspyrnumaður.
- 1975 - Sigfús Sigurðsson, íslenskur handknattleiksmaður.
Dáin[breyta | breyta frumkóða]
- 399 f.Kr. - Sókrates, grískur heimspekingur (f. um 469 f.Kr.).
- 973 - Ottó 1., keisari hins Heilaga rómverska ríkis (f. 912).
- 1197 - Önundur Þorkelsson, íslenskur höfðingi, brenndur inni í Önundarbrennu.
- 1682 - Fjodor 3., Rússakeisari (f. 1661).
- 1825 - Antonio Salieri, ítalskt tónskáld (f. 1750).
- 1840 - Caspar David Friedrich, þýskur listmálari (f. 1774).
- 1937 - Guðmundur Björnsson, landlæknir Íslands (f. 1864).
- 1961 - Þorkell Þorkelsson, íslenskur eðlisfræðingur (f. 1876).
- 2000 - Douglas Fairbanks jr., bandarískur leikari (f. 1909).
|