馬六甲海峽

馬六甲海峽示意圖

馬六甲海峽（粵拼：maa⁵ luk⁶ gaap³ hoi² hap⁶；馬來話：Selat Melaka；印尼文：Selat Malaka ；Template:Lang-djw）係東南亞一個海峽，喺馬來半島南邊、蘇門答臘島嘅北邊，西面連住印度洋嘅安達曼海，東面連住太平洋嘅南海。佢既係世界重要水道嘅同時，又係一條比較狹長嘅海道。呢條海峽既畀歐洲佬話係「遠東嘅十字路口」嘅同時，又係水上交通最繁忙嘅海峽。

名

由於呢條海峽距離馬來半島嘅古代名城馬六甲比較近，所以「馬六甲海峽」嘅名就係噉嚟。

所謂「遠東嘅十字路口」

由於馬六甲海峽係歐洲、亞洲、非洲同大洋洲航道嘅十字路口，係太平洋同印度洋嘅緊要通道。尤其係太平洋西邊嘅海邊國家，話去非洲、南亞同西亞嗰邊就絕對經過呢度，所以「遠東嘅十字路口」就係噉嚟。

敘述

馬六甲海峽

海峽全長1100km（計埋新加坡海峽）；而闊度方面，西北邊闊，東南邊窄。西北邊最闊嗰度可以去到300幾km，而東南邊最窄嗰度凈係得37公里到，睇落去好似個大喇叭噉。而水深就有25——27米。由於海峽喺赤道地區附近，所以風平浪靜兼有好慢嘅海流。而海底嗰度比較平，基本上冇乜淺灘同暗礁響度，最啱嗮畀20kt級嘅輪船過嚟呢度。而海峽兩邊嘅地勢比較平，而且森林比較多，好似成笪熱帶嘅風光噉。

經濟

馬六甲海峽嘅東邊有星架坡嘅世界大港，海運都好繁忙。每年有10幾萬艘船（大多數係油輪）經呢度。而日本從中東嗰邊買石油嘅話，大多數都係從呢度運返去日本國內嘅。假設如估走咗一班船嘅話，過1——2分鐘又有另一部船嚟噉。

有關嘅書

• 中国少年儿童百科全书 自然·环境 第216页　浙江教育出版社 ISBN 7-5338-1946-2/G·1942
• 小学館（編） (編). 日本大百科全書. スーパーニッポニカProfessional　Win版. 小学館. 2004.2. ISBN 4099067459. 
• 大矢雅彦・中村洸. マラッカ海峡//小学館（編） (編). 日本大百科全書. スーパーニッポニカProfessional　Win版. 小学館. 2004.