Балаҕан ыйын 28

Балаҕан ыйын 28 диэн Грегориан халандаарыгар сыл 271-с күнэ (ордук хонуктаах сылга 272-c күнэ). Сыл бүтүө 94 күн баар.

Түбэлтэлэр

• 1991 — Айхаллааҕы хайа-байытар комбинаатыгар бөдөҥ сэдэх дьэҥкир алмаас булуллубут. Ыйааһына 241,8 караат. СӨ бырабыыталыстыбата бу сыл атырдьах ыйыгар ГКЧП хам баттаммытын кэрэһилээн бу тааһы «Көҥүл Арассыыйа» диэн ааттаабыт уонна Алмаас пуондатыгар Кремльга туттарбыт.
• 1992 — СӨ бэрэсидьиэнин ыйааҕынан «СахаИнвест» Инвестициялыыр Пуонда тэриллибит.
• 2004 — Гуманитарнай чинчийии институутугар «Саха сиригэр либерализм устуоруйата» диэн ааттаах науучунай практическай конференция буолан ааспыт. Ыҥырыылаах ыалдьытынан философия науукатын дуоктара, профессор, «Русское либеральное наследие» пуонда бэрэсидьиэнэ Алексей Кара-Мурза кэлэ сылдьыбыт.
• 2006 — Саха Национальнай уус-уран музейыгар Нуучча музейа (Санкт-Петербург) «Три века русского искусства» диэн бэйэтин быыстапкатын арыйбыт. Быыстапкаҕа сыл бүтүөр дылы нуучча ойуулуур искусствотын ХVIII — ХХ үйэлэрин 65 шедевра көрдөрүллүбүттэр.

Өлбүттэр

• 1895 — Луи Пастер өлбүт, уһулуччулаах француз микробиолога уонна химига.