神父
出自維基百科,自由嘅百科全書
神父(司鐸)係羅馬天主教同東正教嘅職位。千百年來只有男修士先可以擔任呢個職位。天主教嘅拉丁禮教會神父成世唔可以結婚,而東正教嘅神父可以喺晉鐸之前結婚,但係主教只係可以喺獨身者入面揀。
近年有天主教改革派人物曾經提議容許由女性擔任神父,但係俾教會嘅保守派拒絕。
要注意嘅係修女並唔等於神父,亦唔係羅馬天主教嘅宗教職位之一。
工作[編輯]
神父除咗要主持彌撒同婚禮外,幫垂危者禱告、告解甚至驅魔等等都係神父嘅職務。
成為神父嘅方法[編輯]
要成為神父首先要接受聖召分辨,然後再去神學院讀神學。讀完之後亦要喺堂區實習一年先至可以成為神父。
晉升神父嘅儀式一般稱為晉鐸,一般嚟講,都係由主教主持晉鐸儀式。晉鐸(聖秩)亦都係七大聖事之一。
種類[編輯]
神父有兩種:服務教區嘅同屬於修會嘅。