25 април

25 април е 115-иот ден во годината според григоријанскиот календар (116-и во престапна година). Остануваат 250 денови до крајот на годината.

Настани:

1191	Започнало зографирањето на црквата „Свети Ѓорѓи“ во селото Курбиново, Ресенско.
1719	Излегол романот „Робинзон Крусо“ на англискиот писател Даниел Дефо.
1859	Според проектот на францускиот конзул во Александрија Фердинанд де Лесепс, започна изградбата на Суецкиот Канал, со кој Средоземното Море е поврзано со Црвеното Море. Каналот има големо стратешко и економско значење, затоа што е најкраток пловен пат од Европа до земјите на Блискиот и Далечниот Исток.
1959	Пловниот пат Сент Лоренс, кој ги поврзува Големите Езера преку реката Сент Лоренс и систем од канали со Атлантскиот Океан е отворен за пловидба.
1945	Во Сан Франциско, САД, почна основачката конференција на Организацијата на Обединетите нации, во чија работа учествуваа 45 земји, членки на антихитлеровската коалиција. Право на учество имаа земјите кои до 1 март 1945 година им објавија војна на силите на Оската. Учесниците на конференцијата ја потпишаа Повелбата на ООН на 20 јуни, а ја ратификуваа на 24 октомври 1945 година (Ден на ООН).
1960	Во Битола е основано Друштво за наука и уметност. Друштвото е основано со цел да го потикнува развојот на научната мисла, да го проучува минатото, да извршува истражување и унапредување на сите области во развојот на градот и околината.
1979	Во Битола е основан вториот универзитет во СР Македонија, „Свети Климент Охридски“.
1996	Република Македонија и Хондурас воспоставија дипломатски односи на ниво на амбасади.

Родени:

32	Отон — римски цар.
1214	Луј IX Светиот — француски крал.
1284	Едвард II — англиски крал.
1599	Оливер Кромвел — англиски државник.
1874	Гилјермо Маркони — италијански инженер и пронаоѓач.
1903	Андреј Колмогоров — руски математичар.
1940	Ал Пачино — американски филмски и театарски актер и режисер.
1947	Јохан Кројф — холандски фудбалер.
1948	Лазар Китановски — универзитетски професор и министер за одбрана на Македонија.
1958	Сергеј Тараканов — руски и советски кошаркар.
1961	Миран Тепеш — словенечки и југословенски скијачки скокач.
1969	Дејан Дуковски — македонски драмски автор.
1969	Рене Зелвегер — американска глумица.
1976	Тим Данкан — американски кошаркар.
1980	Алехандро Валверде — шпански велосипедист.
1981	Јована Јанковиќ — српска телевизиска водителка.
1981	Фелипе Маса — бразилски пилот на Формула 1.
1984	Стејн Ванденберг — белгиски велосипедист.
1992	Бријан Кокар — француски велосипедист.

Починале:

68	Апостол Марко — папа на Александрија и еден од апостолите на Исус.
1342	Бенедикт XII — римски папа.
1744	Андерс Целзиус — шведски физичар и астроном.
1923	Јово Камберски — македонски раскажувач и романсиер.
1999	Лорд Киланин — ирски новинар.