27. júní
Úr Wikipediu, frjálsa alfræðiritinu
27. júní er 178. dagur ársins (179. á hlaupári) samkvæmt gregoríska tímatalinu. 187 dagar eru eftir af árinu.
Atburðir[breyta | breyta frumkóða]
- 1835 - Vísur Íslendinga („Hvað er svo glatt sem góðra vina fundur“) eftir Jónas Hallgrímsson fyrst sungnar opinberlega. Söngurinn fór fram í Hjartakershúsum í Danmörku.
- 1855 - Danska gufuskipið Thor kom til Reykjavíkur og var það fyrsta gufuskip sem kom til Íslands.
- 1857 - Fyrsta gufuskipið kom til Akureyrar og var það enska eftirlitsskipið HMS Snake.
- 1903 - Fyrsta kvikmyndasýningin á Íslandi fór fram í Góðtemplarahúsinu á Akureyri.
- 1920 - Fyrsta slys af völdum flugvélar á Íslandi varð er barn varð fyrir flugvél í Vatnsmýrinni í Reykjavík og beið bana.
- 1921 - Rafstöðin við Elliðaár var vígð.
- 1925 - Lög um mannanöfn gengu í gildi á Íslandi og var eftir það bannað að taka sér ættarnafn.
- 1930 - Skógræktarfélag Íslands var stofnað á Þingvöllum.
- 1930 - Samband ungra sjálfstæðismanna var stofnað.
- 1951 - Rafmagnsveita Reykjavíkur hóf skógrækt í Elliðaárhólmanum og voru 3000 plöntur settar niður fyrsta daginn.
- 1951 - Krabbameinsfélag Íslands var stofnað.
- 1969 - Lögregla réðist inn á Stonewall-barinn í New York, samastað samkynhneigðra
- 1990 - Bob Dylan hélt tónleika í Laugardalshöll á vegum Listahátíðar.
- 2006 - Hópslys varð á Eskifirði og þurftu um 30 manns að leita sér læknishjálpar eftir að klórgas losnaði út í andrúmsloftið í sundlauginni á Eskifirði fyrir mannleg mistök.
- 2006 - Samkynhneigðir á Íslandi fengu jafna réttarstöðu á við gagnkynhneigða varðandi skráningu í sambúð.
- 2007 - Gordon Brown tók við embætti forsætisráðherra Bretlands.
Fædd[breyta | breyta frumkóða]
- 1462 - Loðvík 12. Frakkakonungur (d. 1515).
- 1550 - Karl 9. Frakkakonungur (d. 1574).
- 1667 - Johann Bernoulli, svissneskur stærðfræðingur (d. 1748).
- 1806 - Augustus De Morgan, breskur rökfræðingur (d. 1871).
- 1840 - Ingram Bywater, enskur fornfræðingur (d. 1914).
- 1869 - Emma Goldman, pólsk baráttukona (d. 1940).
- 1880 - Helen Keller, bandarískur rithöfundur og fyrirlesari (d. 1968).
- 1907 - Gregory Vlastos, fræðimaður um fornaldarheimspeki (d. 1991).
- 1910 - Pierre Joubert, franskur bókaskreytingamaður (d. 2002).
- 1951 - Mary McAleese, forseti Írlands.
- 1955 - Isabelle Adjani, frönsk leikkona.
- 1975 - Tobey Maguire, bandarískur leikari.
- 1985 - Svetlana Kuznetsova, rússnesk tenniskona.
Dáin[breyta | breyta frumkóða]
- 432 - Selestínus I páfi.
- 1206 - Gissur Hallsson, íslenskur höfðingi og lögsögumaður (f. um 1125).
- 1574 - Giorgio Vasari, ítalskur listmálari, arkitekt og ævisagnaritari (f. 1511).
- 1648 - Arngrímur Jónsson lærði, um 80 ára.
- 1989 - Alfred Jules Ayer, breskur heimspekingur (f. 1910).
- 1998 - Gísli Halldórsson, leikari (f. 1927).
- 2001 - Tove Jansson, finnskur rithöfundur (f. 1914).
- 2001 - Jack Lemmon, bandarískur leikari (f. 1925).
|