7. apríl
Úr Wikipediu, frjálsa alfræðiritinu
7. apríl er 97. dagur ársins (98. á hlaupári) samkvæmt gregoríska tímatalinu. 268 dagar eru eftir af árinu.
Atburðir[breyta | breyta frumkóða]
- 30 - Krossfesting Jesú Krists samkvæmt einni kenningu (samkvæmt annarri kenningu átti hún sér stað 3. apríl 33).
- 1141 - Matthildur keisaraynja tók völdin um stutt skeið í Englandi.
- 1348 - Karlsháskóli í Prag var stofnaður.
- 1449 - Felix 5. mótpáfi (Amadeus 3. af Savoja) sagði af sér embætti að beiðni páfa.
- 1549 - Marteinn Einarsson var vígður Skálholtsbiskup.
- 1624 - Albrecht von Wallenstein var skipaður yfirhershöfðingi keisarahers hins Heilaga rómverska ríkis.
- 1655 - Fabio Chigi varð Alexander 7. páfi.
- 1682 - Landkönnuðurinn René-Robert Cavelier de La Salle kom að ósum Mississippifljóts.
- 1795 - Frakkar tóku upp metrakerfið til lengdarmælinga.
- 1831 - Pedro 1. Brasilíukeisari sagði af sér og sonur hans, Pedro 2., tók við.
- 1906 - Í aftakaveðri fórust þrjú skip á Faxaflóa: Ingvar með 20 manna áhöfn á Hjallaskeri við Viðey, Emilie með 24 mönnum og Sophie Wheatly vestur undir Mýrum. Öll skipin voru frá Reykjavík.
- 1906 - Eldgos í Vesúvíusfjalli sem lagði Napólí í rústir.
- 1909 - Samkvæmt dagbókum Robert Peary náði hann á norðurpólinn þennan dag.
- 1927 - Fyrsta sjónvarpsútsendingin með útvarpsbylgjum fór fram í Washington DC í Bandaríkjunum.
- 1939 - Ítalir réðust inn í Albaníu.
- 1941 - Togarinn Gulltoppur bjargaði 33 mönnum af einum björgunarbáti út af Reykjanesi og bátar frá Hellissandi björguðu 32 af öðrum björgunarbáti út af Snæfellsnesi fjórum dögum eftir að flutningaskipið Beaverdale var skotið í kaf suður af Íslandi. Skipbrotsmenn voru af flutningaskipinu.
- 1943 - Laugarnesspítali í Reykjavík brann til kaldra kola. Upphaflega var hann holdsveikraspítali, en síðustu árin hafði breski herinn hann til umráða.
- 1943 - LSD var fyrst framleitt af Alberti Hoffman.
- 1948 - Alþjóðaheilbrigðismálastofnunin var stofnuð af Sameinuðu þjóðunum.
- 1963 - Júgóslavía var lýst sósíalistalýðveldi og Jósip Broz Tító var útnefndur forseti til lífstíðar.
- 1968 - Lög um tímareikning gengu í gildi klukkan 01:00. Samkvæmt þeim skal miða tímareikning á öllu Íslandi við miðtíma Greenwich.
- 1969 - Táknrænn fæðingardagur Internetsins: RFC 1 var birt.
- 1973 - Lúxemborg sigraði í Söngvakeppni evrópskra sjónvarpsstöðva með laginu Tu te reconnaîtras sem Anne-Marie David söng.
- 1976 - Deng Xiaoping var sviptur öllum embættum vegna ásakana um „hægrimennsku“.
- 1989 - Sovéski kafbáturinn Komsomólets sökk í Barentshafinu undan strönd Noregs vegna eldsvoða. 42 sjómenn létu lífið.
- 1994 - Fjöldamorð á Tútsum hófust í Kígalí í Rúanda.
- 2000 - Gervitunglinu Mars Odyssey var skotið á loft.
- 2009 - Stöð 2 greindi fyrst frá því að Sjálfstæðisflokkurinn hefði þegið 30 milljónir króna í styrk frá FL Group. Úr varð Styrkjamálið.
- 2009 – Alberto Fujimori, fyrrverandi forseti Perú var dæmdur í 25 ára fangelsi fyrir að skipa öryggissveitum fyrir um manndráp og gíslatökur.
Fædd[breyta | breyta frumkóða]
- 1613 - Gerhard Douw, hollenskur listmálari (d. 1675).
- 1652 - Klemens 12. páfi (d. 1740)
- 1770 - William Wordsworth, enskt skáld (d. 1850)
- 1772 - Charles Fourier, franskur heimspekingur (d. 1837).
- 1884 - Bronisław Malinowski, pólskur mannfræðingur (d. 1942).
- 1891 - Ole Kirk Christiansen, danskur leikfangasmiður (d. 1958).
- 1915 - Billie Holiday, bandarísk djass- og blússöngkona (d. 1959)
- 1920 - Ravi Shankar, indverskur tónlistarmaður (d. 2012).
- 1921 - Einar Bragi Sigurðsson, íslenskt skáld (d. 2005).
- 1928 - Alan J. Pakula, bandarískur kvikmyndaframleiðandi og leikstjóri (d. 1998)
- 1939 - Francis Ford Coppola, bandarískur kvikmyndaleikstjóri.
- 1944 - Gerhard Schröder, kanslari Þýskalands.
- 1945 - Magnús Þór Jónsson (Megas), íslenskur tónlistarmaður.
- 1949 - Andrea Jónsdóttir, íslensk útvarpskona.
- 1954 - Jackie Chan, kínverskur leikari.
- 1957 - Eiríkur Guðmundsson, íslenskur leikari.
- 1963 - Ólafur Rafnsson, íslenskur íþróttafrömuður (d. 2013)
- 1964 - Russell Crowe, nýsjálenskur leikari.
- 1965 - Steinunn Valdís Óskarsdóttir, borgarstjóri Reykjavíkur.
- 1989 - Sylwia Grzeszczak, pólsk söngkona.
Dáin[breyta | breyta frumkóða]
- 1234 - Sancho 7. konungur Navarra.
- 1498 - Karl 8. Frakkakonungur (f. 1470).
- 1614 - El Greco, krítverskur myndlistarmaður (f. 1541).
- 1651 - Lennart Torstenson, sænskur herforingi (f. 1603).
- 1803 - Toussaint L'Ouverture, byltingarforingi á Haítí (f. 1743).
- 1891 - P. T. Barnum, bandarískur athafnamaður og sirkusstjóri (f. 1810).
- 1937 - Stefán Th. Jónsson, íslenskur útgerðarmaður (f. 1865).
- 1947 - Henry Ford, iðnjöfur og bílaframleiðandi.
- 1972 - Guðmundur Kjartansson, íslenskur jarðfræðingur (f. 1909).
- 1994 - Albert Guðmundsson, knattspyrnu- og stjórnmálamaður (f. 1923).
|