Belarws


Baner	Arwyddlun Cenedlaethol

Arwyddair: Dim

Anthem: My Belarusy "Ni, Felarwsiaid"

Prifddinas

Minsk

Dinas fwyaf

Minsk

Iaith / Ieithoedd swyddogol Belarwseg, Rwseg

Llywodraeth

Annibyniaeth

•Datganwyd
•Cydnabuwyd Oddiwrth yr Undeb Sofietaidd
Gorffennaf 1991
25 Rhagfyr 1991

Arwynebedd
- Cyfanswm
- Dŵr (%) 207,600 km² (93fed)
-

Poblogaeth
- Amcangyfrif 2006
- Cyfrifiad 1999
- Dwysedd 10,293,011 (79fed)
10,045,237
49/km² (143fed)

CMC (PGP)
- Cyfanswm
- Y pen Amcangyfrif 2005
$79.13 biliwn (64fed)
$7,700 (78fed)

Indecs Datblygiad Dynol (2004) 0.794 (67fed) – canolig

Arian cyfred Rouble (BYR)

Cylchfa amser
- Haf EET (UTC+2)
EEST (UTC3)

Côd ISO y wlad

.by

Côd ffôn +375

Gweriniaeth dirgaeëdig yn nwyrain Ewrop yw Belarws (hefyd Belarws, Belarŵs neu Rwsia Wen; Belarwseg a Rwseg: Беларусь). Mae'n ffinio â Rwsia i'r dwyrain, ag Wcrain i'r de, â Gwlad Pwyl i'r gorllewin, ac â Lithwania a Latfia i'r gogledd. Minsk yw ei phrifddinas – mae dinasoedd mawr eraill yn cynnwys Brest, Grodno, Gomel, Mogilev, Vitebsk a Bobruisk. Coedwigir un traean o'r wlad, ac mae amaethyddiaeth a gweithgynhyrchu yn ganolog i'r economi. Belarws yw un o’r gwledydd yr effeithwyd yn fwyaf difrifol arni gan ymbelydredd niwclear o ddamwain atomfa Chernobyl o 1986 yn Wcrain.

Yn ystod ei hanes, bu rhannau Belarws dan reolaeth sawl gwlad, gan gynnwys Dugiaeth Polatsk, Archddugiaeth Llethaw, Cymanwlad Gwlad Pwyl-Llethaw, ac Ymerodraeth Rwsia. Daeth Belarws yn weriniaeth Sofietaidd ym 1922. Datganodd y weriniaeth ei sofraniaeth ar 27 Gorffennaf 1990. Yn sgil cwymp yr Undeb Sofietaidd, datganodd Belarws ei hannibyniaeth yn swyddogol ar 25 Awst 1991. Alexander Lukashenko yw arlywydd y wlad ers 1994. Yn ystod ei reolaeth, mae Lukashenko wedi gweithredu polisïau y cyfnod Sofietaidd, er gwaethaf gwrthwynebiadau oddi wrth bwerau gorllewinol. Mae Belarws yn trafod gyda Rwsia i uno'r ddwy wlad yn un wladwriaeth a elwir yn Undeb Rwsia a Belarws, er bod y trafodaethau yn stolio ers sawl blwyddyn.