2. september
Úr Wikipediu, frjálsa alfræðiritinu
2. september er 245. dagur ársins (246. á hlaupári) samkvæmt gregoríska tímatalinu. 120 dagar eru eftir af árinu.
Atburðir[breyta | breyta frumkóða]
- 44 f.Kr. - Kleópatra lýsti son sinn Caesaríon meðstjórnanda sem Ptólemajos 15.
- 31 f.Kr. - Orrustan við Actíum.
- 1609 - Henry Hudson kom í New York-flóa.
- 1625 - Katla tók að gjósa með miklum eldgangi og varð mikið vatnsflóð og ísrek fram Mýrdalssand. Einnig var svo mikið öskufall að menn sáust ekki þótt þeir héldust í hendur, segir í Skarðsárannál. Gosið rénaði 14. september.
- 1666 - Lundúnabruninn mikli.
- 1845 - Heklugos hófst og stóð fram á næsta vor. Öskufall til austsuðausturs. Voru þá 77 ár frá næsta gosi á undan, en 102 ár liðu til næsta goss á eftir.
- 1870 - Napóleon 3., Frakkakeisari, var tekinn til fanga af Prússum.
- 1876 - Kveikt var á götuljósi í Reykjavík í fyrsta sinn og var það steinolíulugt á háum stólpa í Bakarabrekku (nú Bankastræti).
- 1945 - Japanir skrifuðu formlega undir uppgjöf sína fyrir bandamönnum eftir heimsstyrjöldina síðari.
- 1958 - Breska herskipið Eastbourne tók níu varðskipsmenn af Þór og Maríu Júlíu um borð, en þeir höfðu áður tekið breskan togara. Var mönnunum haldið um borð í ellefu daga en síðan laumað í land í Keflavík í skjóli nætur.
- 1967 - Vígð var brú yfir Jökulsá á Breiðamerkursandi, 110 metra löng og næstlengsta hengibrú landsins. Með þessu opnuðust samgöngur úr Öræfasveit til annarra landshluta, þó mikið væri enn eftir óbrúað.
- 1998 - Swissair flug 111 nauðlenti nálægt Peggys Cove í Nova Scotia í Kanada. Allir 229 farþegar sem voru um borð létu lífið.
Fædd[breyta | breyta frumkóða]
- 1838 - Liliuokalani, Hawaiidrottning (d. 1917).
- 1924 - Daniel arap Moi, forseti Kenýa.
- 1926 - Stanley Cavell, bandarískur heimspekingur.
- 1948 - Christa McAuliffe, bandarískur geimfari (d. 1986).
- 1964 - Keanu Reeves, leikari.
- 1966 - Salma Hayek, mexíkósk leikkona.
- 1982 - Joey Barton, enskur knattspyrnumaður.
Dáin[breyta | breyta frumkóða]
- 1865 - William Rowan Hamilton, írskur stærðfræðingur (f. 1805).
- 1872 - Nikolai Frederik Severin Grundtvig, danskur rithöfundur (f. 1783).
- 1969 - Ho Chi Minh, víetnamskur byltingarmaður og forsætisráðherra (f. 1890).
- 1973 - J. R. R. Tolkien, breskur prófessor og rithöfundur (f. 1892).
|