18. ágúst

18. ágúst er 230. dagur ársins (231. á hlaupári) samkvæmt gregoríska tímatalinu. 135 dagar eru eftir af árinu.

Atburðir[breyta | breyta frumkóða]

1477 - María af Búrgund giftist Maximilían 1., síðar keisara hins Heilaga rómverska ríkis.
1685 - Loðvík 14. gaf út Fontainebleu-tilskipunina þar sem hann lýsti mótmælendatrú ólöglega og afnam þannig þau réttindi sem húgenottar höfðu fengið með Nantes-tilskipuninni 1598.
1786 - Reykjavík fékk kaupstaðarréttindi ásamt Grundarfirði, Ísafirði, Akureyri, Seyðisfirði og Vestmannaeyjum. Þetta ár voru Íslendingar 38 þúsund, en Reykvíkingar töldust 167.
1877 - Bandaríkjamaðurinn Asaph Hall uppgötvaði tunglið Fóbos.

1886 - Haldið var upp á afmæli Reykjavíkurkaupstaðar með samkomu á Austurvelli og samsæti á Hótel Íslandi. Bæjarbúar töldust vera 3540 og því var spáð að þeir yrðu tífalt fleiri árið 1986, en sá fjöldi náðist fyrir 1940.
1906 - Sambandsflokkurinn var stofnaður í Færeyjum.
1945 - Svavar Guðnason, listmálari, sýndi verk sín í Listamannaskálanum og var þetta fyrsta sýning á Íslandi þar sem öll verkin voru abstrakt.
1954 - Minnismerki um Skúla Magnússon landfógeta var afhjúpað í gamla kirkjugarðinum við Aðalstræti í Reykjavík. Guðmundur Einarsson frá Miðdal er höfundur verksins, sem Verslunarmannafélag Reykjavíkur gaf.
1957 - Á frjálsíþróttamóti í Reykjavík voru sett tvö Íslandsmet, sem bæði stóðu lengi. Hilmar Þorbjörnsson hljóp 100 metra á 10,3 sekúndum og Pétur Rögnvaldsson hljóp 110 metra grindahlaup á 14,6 sekúndum.

1962 - Nýtt dagblað, Mynd, dagblað, óháð, ofar flokkum, hóf göngu sína í Reykjavík. Það kom út þar til 28. september sama ár.

1966 - Tekin var fyrsta skóflustunga að myndlistarhúsi á Miklatúni. Það gerði Jóhannes S. Kjarval og var húsið síðar nefnt Kjarvalsstaðir honum til heiðurs.

1986 - Haldið var upp á 200 ára kaupstaðarafmæli Reykjavíkur. Talið var að 70 - 80 þúsund manns hafi verið í miðbænum þegar mest var. Þar var í boði stærsta terta, sem sögur fara af á Íslandi, 200 metra löng. Íslenska ríkið gaf Reykjavíkurborg Viðeyjarstofu og Viðeyjarkirkju í afmælisgjöf. Flugeldasýning var rétt fyrir miðnættið.
1988 - Endurbótum lauk á Viðeyjarstofu og Viðeyjarkirkju.
1990 - Listaverkið Sólfar eftir Jón Gunnar Árnason var afhjúpað við Sæbraut í Reykjavík.
1992 - Maður grunaður um fíkniefnasölu var handtekinn í Mosfellsbæ og fundust 1,2 kílógrömm af kókaíni í bíl hans. Í aðgerð lögreglunnar varð lögreglumaður fyrir mjög alvarlegu slysi.
2001 - Leikhópurinn Vesturport var stofnaður með uppsetningu á leikritinu Diskópakk (Disco Pigs) eftir Enda Walsh á horni Vesturgötu og Norðurstígs í Gamla Vesturbænum.
2003 - Norðurlandasamningur um almannatryggingar var undirritaður.
2008 - Andarnefjur sáust á Pollinum á Akureyri og voru í meira en mánuð. Flestar voru þær fjórar.