29. september
Úr Wikipediu, frjálsa alfræðiritinu
29. september er 272. dagur ársins (273. á hlaupári) samkvæmt gregoríska tímatalinu. 93 dagar eru eftir af árinu.
Atburðir[breyta | breyta frumkóða]
- 440 - Leó 1. varð páfi.
- 855 - Benedikt 3. varð páfi.
- 1179 - Innósentíus 3. varð andpáfi.
- 1306 - Bræður Birgis Magnússonar Svíakonungs handtóku hann og drottningu hans en hirðmaður komst undan með Magnús son þeirra.
- 1312 - Eiríkur Magnússon hertogi af Södermanland gekk að eiga Ingibjörgu dóttur Hákonar háleggs. Um leið gekk Valdimar Magnússon bróðir has að eiga Ingibjörgu dóttur Eiríks prestahatara, bróður Hákonar.
- 1399 - Ríkharður 2. Englandskonungur sagði af sér konungdómi.
- 1493 - Kristófer Kólumbus lagði af stað frá Cadiz í aðra ferð sína til Vesturheims.
- 1567 - Vopnahléi í Frönsku trúarbragðastyrjöldunum lauk og átök hófust að nýju.
- 1568 - Eiríkur 14. Svíakonungur var tekinn höndum.
- 1903 - Ökuskírteini voru tekin upp í Prússlandi.
- 1906 - Landssími Íslands tók til starfa. Hannes Hafstein ráðherra sendi konungi fyrsta símskeytið um nýlagðan neðansjávarstreng.
- 1918 - Búlgaría varð fyrst Miðveldanna til að undirrita vopnahléssamkomulag við Bandamenn.
- 1922 - Norræna félagið var stofnað í Reykjavík með það markmið að efla norræna samvinnu.
- 1974 - Auður Eir Vilhjálmsdóttir var fyrst kvenna vígð til prests á Íslandi. Hún var vígð til Staðar í Súgandafirði.
- 1980 - Flugvél var flogið til Reykjavíkur frá Færeyjum með mann standandi á þaki vélarinnar. Flugið tók sex klukkustundir og var maðurinn að reyna að setja heimsmet.
- 1990 - Nesjavallavirkjun í Grafningi var gangsett. Fyrsti áfangi hennar var 100 megawött.
- 1996 - Jarðskjálfti upp á 5 stig á Richter fannst við Bárðarbungu.
- 2008 - Upphaf bankahruns á Íslandi: Ríkissjóður Íslands tilkynnti þá fyrirætlun sína að kaupa 75% hlut í einkabankanum Glitni til þess að koma í veg fyrir gjaldþrot hans
Fædd[breyta | breyta frumkóða]
- 106 f.Kr. - Pompeius, rómverskur herforingi (d. 48 f.Kr.).
- 1276 - Kristófer 2., Danakonungur (d. 1332).
- 1328 - Jóhanna af Kent, kona Játvarðar svarta prins (d. 1385).
- 1518 - Tintoretto, ítalskur listmálari (d. 1594).
- 1547 - Miguel de Cervantes, spænskur rithöfundur (d. 1616).
- 1570 - Caravaggio, ítalskur listmálari (d. 1610).
- 1796 - Bólu-Hjálmar, íslenskt skáld (d. 1875).
- 1810 - Elizabeth Gaskell, breskur rithöfundur (d. 1865).
- 1901 - Enrico Fermi, ítalskur eðlisfræðingur (d. 1954).
- 1912 - Michelangelo Antonioni, ítalskur kvikmyndaleikstjóri (d. 2007).
- 1935 - Jerry Lee Lewis, bandarískur tónlistarmaður.
- 1936 - Silvio Berlusconi, ítalskur stjórnmálamaður.
- 1942 - Ian McShane, enskur leikari.
- 1943 - Lech Wałęsa, pólskur verkalýðsforingi.
- 1943 - Mohammad Khatami, forseti Írans.
- 1948 - Theo Jörgensmann, þýskt tónskáld.
- 1951 - Michelle Bachelet, forseti Chile.
- 1961 - Julia Gillard, forsætisráðherra Ástralíu.
- 1976 - Andrij Sjevtsjenko, úkraínskur knattspyrnumaður.
- 1980 - Zachary Levi, bandarískur leikari.
- 1990 - Sara Björk Gunnarsdóttir, íslensk knattspyrnukona.
Dáin[breyta | breyta frumkóða]
- 1304 - Agnes af Brandenborg Danadrottning (f. 1257).
- 1360 - Jóhanna af Auvergne, Frakklandsdrottning (f. 1326).
- 1364 - Karl 1., hertogi af Bretagne (f. 1319).
- 1560 - Gústaf Vasa, Svíakonungur (f. 1496).
- 1727 - Peter Raben, danskur sjóliðsforingi (f. um 1661).
- 1820 - Daniel Boone, bandarískur landkönnuður og veiðimaður (f. 1734).
- 1856 - Hannes Stephensen, íslenskur stjórnmálamaður (f. 1799).
- 1891 - Theodór Jónassen, íslenskur amtmaður (f. 1838).
- 1902 - Émile Zola, franskur rithöfundur (f. 1840).
- 1973 - W.H. Auden, enskt skáld (f. 1907).
- 1997 - Roy Lichtenstein, bandarískur listamaður (f. 1923).
- 2009 - Peter Foote, enskur textafræðingur (f. 1924).
- 2010 - Tony Curtis, bandarískur leikari (f. 1925).
|