30. júní
Úr Wikipediu, frjálsa alfræðiritinu
30. júní er 181. dagur ársins (182. á hlaupári) samkvæmt gregoríska tímatalinu. 184 dagar eru eftir af árinu.
Atburðir[breyta | breyta frumkóða]
- 1232 - Antoníus frá Padúa, verndardýrlingur týndra hluta, var tekinn í heilagra manna tölu.
- 1559 - Hinrik 2. Frakkakonungur særðist í burtreiðum og dró sárið hann til dauða tíu dögum síðar.
- 1564 - Stóridómur samþykktur á Alþingi.
- 1579 - Í Bæ á Rauðasandi var framið rán er erlendir hvalveiðimenn rændu Eggerti Hannessyni sýslumanni og heimtuðu fyrir hann lausnargjald.
- 1594 - Morðbréfamálið: Fjögur bréf sem hermdu morð upp á Jón Sigmundsson lögmann dæmd fölsuð á Alþingi.
- 1690 - Jón Vigfússon biskup, er kallaður var Bauka-Jón, lést. Hann var biskup á Hólum í 6 ár og hafði áður stundað ólöglega tóbaksverslun.
- 1742 - Sunnefumál: Hans Wium sýslumaður dæmdi systkinin Sunnefu Jónsdóttur og Jón Jónsson Sunnefubróður til dauða fyrir sifjaspell.
- 1856 - Jerome Napóleon prins, bróðursonur Napóleons Frakkakeisara, kom til Íslands á herskipi með fylgdarliði. Frakkar voru að reyna að fá heimild til verslunar, fiskvinnslu og útgerðar á Dýrafirði.
- 1862 - Eldgos hófst vestan Vatnajökuls og stóð í tvö ár. Eldstöðin heitir Toppgígar og hraunið sem rann heitir Tröllahraun.
- 1874 - Skólapiltar Lærða skólans mótmæltu latneskum stílum með því að halda brennu vestur á Melum.
- 1908 - Gífurleg sprenging nærri Tunguskafljóti í Síberíu. Talið er að loftsteinn hafi hrapað þar til jarðar.
- 1910 - Laufey Valdimarsdóttir varð fyrst íslenskra kvenna til að ljúka stúdentsprófi frá Lærða skólanum í Reykjavík.
- 1934 - Nótt hinna löngu hnífa í Þýskalandi. Blóðugar hreinsanir innan nasistaflokksins.
- 1946 - Alþingiskosningar haldnar.
- 1952 - Sápuóperan Leiðarljós var fyrst sýnd í sjónvarpi.
- 1954 - Almyrkvi varð á sólu og sást best við suðurströndina. Varð þar myrkur í nokkrar mínútur og skinu stjörnur á himni sem um nótt. Næst mun almyrkvi sjást á Íslandi við vesturströndina þann 12. ágúst 2026.
- 1960 - Austur-Kongó fékk sjálfstæði frá Belgíu.
- 1964 - Norðurlandameistaramóti í handknattleik kvenna, sem haldið var í Reykjavík, lauk með sigri íslenska liðsins.
- 1968 - Kristján Eldjárn var kjörinn forseti Íslands.
- 1974 - Alþingiskosningar voru haldnar. Þennan dag hófu fyrstu kvenlögregluþjónar á Íslandi störf í Reykjavík.
- 1990 - Efnahagskerfi Austur- og Vestur-Þýskalands voru sameinuð.
- 1990 - Kvennahlaup ÍSÍ haldið í fyrsta sinn og var hlaupið á sex stöðum.
- 1994 - Kvikmynd Friðriks Þórs Friðrikssonar, Bíódagar, var frumsýnd.
- 1997 - Bretar létu yfirráð yfir Hong Kong í hendur Kínverja.
- 2005 - Spánn heimilaði hjónabönd samkynhneigðra.
Fædd[breyta | breyta frumkóða]
- 1470 - Karl 8. Frakkakonungur (d. 1498).
- 1503 - Jóhann Friðrik, kjörfursti Saxlands (d. 1554).
- 1881 - Peter Petersen (Bíó-Petersen), danskur ljósmyndari sem var einn af upphafsmönnum kvikmyndasýninga á Íslandi.
- 1893 - Walter Ulbricht, þýskur stjórnmálamaður (d. 1973).
- 1899 - Jón Helgason, prófessor, skáld og fræðimaður (d. 1986).
- 1911 - Sigurbjörn Einarsson, biskup Íslands (d. 2008).
- 1911 - Czesław Miłosz, pólskur rithöfundur og Nóbelsverðlaunahafi (d. 2004).
- 1948 - Gunnlaugur M. Sigmundsson, stjórnmálamaður og athafnamaður.
- 1963 - Óskar Jónasson, kvikmyndagerðarmaður.
- 1966 - Mike Tyson, bandarískur hnefaleikakappi.
- 1977 - Jóhann Gunnar Baldvinsson, knattspyrnumaður.
- 1985 - Michael Phelps, bandarískur sundmaður.
Dáin[breyta | breyta frumkóða]
- 1649 - Simon Vouet, franskur listmálari (f. 1590).
- 1690 - Jón Vigfússon, Hólabiskup (f. 1643).
- 1974 - Alberta Williams King, móðir Martin Luther King (myrt) (f. 1904).
|