8. júlí

Jún – Júlí – Ágú
Su	Má	Þr	Mi	Fi	Fö	La
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31
2015 Allir dagar

8. júlí er 189. dagur ársins (190. á hlaupári) samkvæmt gregoríska tímatalinu. 176 dagar eru eftir af árinu.

Atburðir

• 1362 - Grundarbardagi á Grund í Eyjafirði, en þar fóru Eyfirðingar að Smiði Andréssyni hirðstjóra og mönnum hans og drápu þá.
• 1497 - Vasco da Gama hélt upp í fyrsta leiðangur sinn til Indlands umhverfis Afríku.
• 1853 - Koma Matthew C. Perry og svörtu skipanna til Japans.
• 1903 - Upphaf síldarsöltunar á Siglufirði. Síldarævintýrið sem þarna hófst stóð í 65 ár.
• 1922 - Ingibjörg H. Bjarnason var kjörin á þing fyrst kvenna og tók hún sæti á Alþingi 15. febrúar 1923.
• 1926 - Ríkisstjórn undir forsæti Jóns Þorlákssonar settist að völdum og sat í rúmt ár.
• 1951 - Tveir íþróttamenn slösuðust mikið og aðrir tveir biðu bana í Óshlíð á milli Bolungarvíkur og Ísafjarðar er bjarg lenti á 30 manna rútu sem þeir voru í.
• 1987 - Ríkisstjórn undir forsæti Þorsteins Pálssonar settist að völdum og sat í rúmt ár. Jóhanna Sigurðardóttir átti sæti í stjórninni og var hún þriðja konan til að gegna ráðherraembætti á Íslandi.

Fædd

• 1621 - Leonora Christina Ulfeldt, dóttir Kristjáns 4. (d. 1698).
• 1938 - Ragnar Arnalds, íslenskur stjórnmálamaður.
• 1959 - Tom Egeland, norskur rithöfundur.
• 1980 - Auðunn Blöndal, íslenskur leikari og skemmtikraftur.
• 1998 - Jaden Smith, bandarískur leikari og söngvari, sonur Will Smith

Dáin

• 1695 - Christiaan Huygens, hollenskur stærðfræðingur (f. 1629).