Química

A química é a ciencia que estuda as substancias da natureza, os elementos que a constitúen, as súas características, as súas propiedades combinatorias, os procesos de obtención, as súas aplicacións e a súa identificación.

Describe a maneira pola cal os elementos se xuntan e reaccionan entre si, así como, a enerxía desprendida ou absorbida durante estas transformacións.

A química é o estudo das transformacións da materia, en contraposición á física que está máis relacionada co estudo dos seus estados. Por exemplo, se empurramos unha caixa, ela pode mudar de lugar: é unha transformación física. Tipicamente, cando a materia sofre unha transformación física como a división dun anaco de queixo, o produto resultante posúe as mesmas propiedades físicas: a densidade, as resistencias etc. fican inmutadas.

A química tenta responder ás preguntas sobre a natureza da materia. O ser humano tenta mostrar de maneira intuitiva a diferenza entre transformacións químicas e transformacións físicas; é sensíbel aos fenómenos como a luz, a calor (temperatura), a distancia, o tempo, a forza. Cando unha combinación destes fenómenos actúa sobre a materia, esta materia modifícase dun xeito ou doutro.

A Química está dividida en varias disciplinas. Esta división pode ser feita de diversas maneiras; por exemplo, a IUPAC divídea en :

Química física e biofísica.
Química inorgánica.
Química orgánica e química biométrica.
Polímeros.
Química analítica.
Química e medio ambiente.
Química e saúde humana.
Nomenclatura química e representación estrutural.

Máis tradicionalmente, a química pode, tamén, ser dividida en diversas modalidades:

Química orgánica

É a ciencia da estrutura, das propiedades, da composición e das reaccións químicas dos compostos orgánicos que, en principio, son os compostos cuxo elemento principal é o carbono. O límite entre a química orgánica e a química inorgánica, que segue, non é sempre nítido; por exemplo, o óxido de carbono (CO) e o anhídrido carbónico (CO₂) non fan parte da química orgánica.

Química inorgánica

É o ramo da química que trata das propiedades e das reaccións dos compostos inorgánicos. Neste é incluída a xeoquímica

Físico-química ou química física

É o estudo dos fundamentos físicos dos sistemas químicos e dos procesos físicos. En particular, a descrición enerxética das diversas transformacións fai, por exemplo, parte deste ramo da química. Nela atópanse disciplinas importantes como a termodinámica química e a termoquímica, a cinética química, a mecánica estatística, a espectroscopia e a electroquímica.

Bioquímica

É o estudo dos compostos químicos, das reaccións químicas e das interaccións químicas que acontecen nos organismos vivos.

Química analítica

É o estudo de mostras de material para coñecer a súa composición química e a súa estrutura.

Química nuclear

É o estudo dos fenómenos materiais e enerxéticos que aparecen no nivel do núcleo dos átomos.

Química dos polímeros

Algúns elementos como o carbono e o silicio teñen a propiedade de poder formar cadeas repetindo numerosos veces a mesma estrutura. Estas macromoléculas teñen propiedades químicas e físicas exploradas pola industria.

Química inorgánica:(NH4)2Cr2O7

Índice

1 Áreas de estudo relacionadas á Química e algunhas das súas subdivisións
2 Temas Especiais
3 Historia da Química
4 Literatura Química
5 Asuntos xerais
6 Funcións e grupos químicos
7 División
8 Conceptos
9 Véxase tamén
- 9.1 Outros artigos
- 9.2 Ligazóns externas

Áreas de estudo relacionadas á Química e algunhas das súas subdivisións[editar | editar a fonte]

Un dos procedementos frecuentes na electroquímica é a electrólise.

Química inorgánica : estuda as substancias inorgánicas.
Química orgánica: estuda as substancia orgánicas.
Bioquímica - trata dos procesos químicos relativos aos seres vivos.
Cálculo de Reatores - ramo da Enxeñaría Química que estuda o proxecto de conxunto de reactores industriais.
Carboquímica - trata de procesos que inclúen o carbón mineral.
Catálise química - trata de procedementos que alteran a cinética das reaccións.
Ciencias dos materiais - trata da composición, resistencia e durabilidade de materiais
Cinética química - trata da velocidade das reaccións químicas.
Combustán - trata das substancias usadas na produción de enerxía.
Electroquímica - trata de reaccións químicas que inclúen enerxía eléctrica.
Enxeñaría Química - ramo da Enxeñaría dedicado ao proxecto e estudo de Industrias de Procesos Químicos.
Mineraloxía -
Química ambiental -
Química industrial - estudo de reaccións con interese en procesos industriais (ver verbetes Enxeñaría química e Cálculo de reactores)
Química cuántica
Operacións Unitarias - ramo da Enxeñaría Química que estuda o proxecto de equipamentos industriais de transformacións físicas (por exemplo, filtración, destilación, conminución, decantación, quecemento) en oposición ás Conversións Químicas (Cálculo de Reactores).
Petroquímica - trata da obtención e refinación do petróleo
Termoquímica - trata de reaccións químicas que inclúen enerxía térmica.

Temas Especiais[editar | editar a fonte]

Historia da Química[editar | editar a fonte]

Artigo principal: Historia da Química.

Vexa tamén:

Alquimía
Químicos
Premio Nobel de Química
Descubrimento de substancias e elementos químicos

Literatura Química[editar | editar a fonte]

Alén dos libros didácticos ou específicos sobre tópicos da Química no mundo, publícanse diariamente moreas de artigos técnicos e científicos. Hai millares de xornais e revistas periódicas de Química. A principal fonte de referencia para unha investigación bibliográfica sobre os asuntos tratados na área química é o Chemical Abstracts, publicado pola American Chemical Society, o cal contén resumos dos principais artigos publicados mundialmente.

Vexa tamén en: