9. Mee

Den 9. Mee ass den 129. Dag vum Joer (130. am Schaltjoer) am Gregorianesche Kalenner.

Evenementer

Europa

• 1949: De Rainier III. gëtt Staatschef vu Monaco.
• 1950: De franséischen Ausseminister Robert Schuman hält eng Ried, an där en dozou oprifft, datt déi europäesch Länner hir Kuelen- a Stolproduktioun zesummeleeë sollen, fir sou zukënfteg Kricher onméigleg ze maachen. Domat hat hien de Grondstee vun der CECA, an der spéiderer EU, geluecht.
• 1980: De Konstantinos Karamanlis gëtt Staatspresident, de Giorgios Rallis Regierungschef vu Griicheland.
• 1989: De Slobodan Milošević gëtt Staatspresident vu Serbien.

Amerika

• 1993: Éischt fräi Parlamentswahlen am Paraguay.

Afrika

• 1994: Den Nelson Mandela gëtt no den éischten demokratesche Walen, bei deenen all Bierger hunn däerfe matmaachen, mat 75 Joer zum President vu Südafrika gewielt.

Sport

• 1936: Déi lëtzebuergesch Foussballnationalequipe verléiert an der Stad Lëtzebuerg 1:5 géint Irland. De Gol fir d'Lëtzebuerger huet de Léon Mart geschoss.
• 1954: Déi lëtzebuergesch Foussballnationalequipe verléiert zu Charleroi 0:8 géint Belsch.
• 1970: Déi lëtzebuergesch Foussballnationalequipe verléiert an der Stad Lëtzebuerg 0:1 géint Tschechoslowakei.
• 1980: Déi lëtzebuergesch Foussballnationalequipe gewënnt zu Medan, am Kader vum 'Marah Halim Cup 1980', 3:2 géint Südkorea. D'Goler fir d'Lëtzebuerger hunn de Jeannot Reiter (2) a Marcel Di Domenico geschoss.

Gebuer

• 

  José Ortega y Gasset

• 

  Claude Piéplu

• 

  Candice Bergen

• 

  Drafi Deutscher

• 1883: José Ortega y Gasset, spuenesche Philosoph, Soziolog an Essayist.
• 1890: Jean-Pierre Frantzen, lëtzebuergeschen Turner an Olympionik.
• 1912: Pedro Armendáriz, mexikanesche Schauspiller.
• 1914: Carlo Maria Giulini, italieneschen Dirigent.
• 1921: Sophie Scholl, däitsch Resistenzlerin.
• 1923: Claude Piéplu, franséische Schauspiller.
• 1924: Jean Girault, franséische Filmregisseur.
• 1928: Barbara Ann Scott, kanadesch Äiskonschtleeferin.
• 1929: Josy Polfer, lëtzebuergesche Vëlossportler.
• 1933: François Schlechter, lëtzebuergesche Ringer.
• 1936: Albert Finney, britesche Schauspiller.
• 1946: Candice Bergen, US-amerikanesch Schauspillerin.
• 1946: Drafi Deutscher, däitsche Sänger, Komponist a Musekproduzent.
• 1948: Hans Georg Bock, däitsche Mathematiker.
• 1950: Fernand Fehlen, lëtzebuergesche Soziolog.
• 1950: Frank Feitler, lëtzebuergeschen Theater- a Filmregisseur, Dramaturg an Dréibuchauteur.
• 1959: János Áder, ungaresche Politiker a Staatspresident.
• 1975: Pascale Hansen, lëtzebuergesch Affekotin a Politikerin.
• 1983: Gilles Muller, lëtzebuergeschen Tennissportler.
• 1992: Tom Laterza, lëtzebuergesche Foussballspiller.

Gestuerwen

• 1707: Dieterich Buxtehude, dänesch-däitschen organist a Komponist.
• 1805: Friedrich Schiller, däitsche Schrëftsteller an Historiker.
• 1850: Joseph Louis Gay-Lussac, franséische Physiker a Chemiker.
• 1893: Edward Alfred Cowper, briteschen Erfinder.
• 1909: Margarete Steiff, Entreprenerin a Grënnerin vun der Firma Steiff
• 1915: François Faber, lëtzebuergesche Cyclist.
• 1922: Rodolphe Brimmeyr, lëtzebuergeschen Apdikter, Politiker an Auteur.
• 1935: Jean-Pierre Flohr, lëtzebuergeschen Auteur an Haffkommissar.
• 1957: Ezio Pinza, italienesche Basssänger.
• 1970: Franz Etzel, däitsche Politiker.
• 1974: Julio Salvador, spuenesche Filmregisseur.
• 1978: Aldo Moro, italienesche Politiker.
• 1986: Tenzing Norgay, nepaleseschen Alpinist.
• 2004: Fernand Kons, lëtzebuergesche Politiker a Veterinär.
• 2011: Wouter Weylandt, belsche Vëlossportler.
• 2013: Alfredo Landa, spuenesche Schauspiller.

Fester a Feierdeeg

• Europa-Dag fir d'Schuman-Deklaratioun ze commémoréieren.
• Hellege Christophorus an der Orthodoxer Kierch.
• Dag vun der Victoire a Russland, Ukrain, Wäissrussland, Montenegro, Armenien, Kasachstan, Georgien (zënter 1965), an Israel

Um Spaweck

Commons: 9. Mee – Biller, Videoen oder Audiodateien